Vanangaan: ‘காப்புரிமை சட்டத்தின் கீழ் தலைப்புக்கு உரிமை கோர முடியாது’ - வணங்கான் படத்துக்கு எதிரான வழக்கு தள்ளுபடி

பாலா இயக்கத்தில், அருண் விஜய் நடிப்பில் உருவாகியிருக்கும் வணங்கான் படத்துக்கு எதிரான வழக்கை சென்னை உயர் நீதிமன்றம் தள்ளுபடி செய்து உத்தரவிட்டுள்ளது.  இதனால் படத்தை வெளியிட எவ்வித தடையும் இல்லை என தெரிவிக்கப்பட்டுள்ளது.

வணங்கான் தலைப்பு தடை கோரி மனு

சென்னை உயர் நீதிமன்றத்தில் ஆரஞ்ச் புரொடக்சன்ஸ் உரிமையாளர் எஸ்.சரவணன் என்பவர் மனு ஒன்றை தாக்கல் செய்தார். அதில், வணங்கான் என்ற தலைப்பை வணங்கான் என்ற தலைப்பை கடந்த 2020ஆம் ஆண்டு தென்னிந்திய திரைப்பட மற்றும் தொலைக்காட்சி சங்கத்தில் பதிவு செய்துள்ளேன். மத்திய வர்த்தக துறையின் வணிக சின்ன விதிகளின் கீழ் பதிவு செய்துள்ளதாகவும், தொடர்ந்து புதுப்பித்து வந்துள்ளேன். "வணங்கான்" என்ற தலைப்பை பயன்படுத்தி, பாலாவின் படத்தை வெளியிட அனுமதித்தால் தனக்கு பெருத்த நஷ்டம் ஏற்படும்.

எனவே வணங்கான் தலைப்பை இயக்குநர் பாலா, தயாரிப்பாளர் சுரேஷ் காமாட்சி தங்களது படத்துக்கு பயன்படுத்தகூடாது. அதற்கு தடை விதிக்க வேண்டும்" என கோரியிருந்தார்.

தலைப்புக்கு உரிமை கோர முடியாது

இந்த மனு நீதிபதி வேல்முருகன் முன்பு விசாரணைக்கு வந்தது.. அப்போது, தயாரிப்பாளர் சுரேஷ் காமாட்சி மற்றும் இயக்குநர் பாலா தரப்பில் ஆஜரான வழக்கறிஞர் விஜயன் சுப்பிரமணியன், "வணங்கான் என்ற தலைப்பில் இந்தப் படம் உருவாக உள்ளது என 2022ஆம் ஆண்டே மனுதாரருக்கு தெரியும். ஆனால் அப்போது எதிர்ப்பு தெரிவிக்காதவர் 2 ஆண்டுகள் கழித்து இப்போது படம் வெளியாகக்கூடிய சமயத்தில், பணம் பறிக்க வேண்டும் என்கிற நோக்கத்தில் நோக்கில் கடைசி நேரத்தில் மனுவைத் தாக்கல் செய்திருக்கிறார்.

ஒரு படத்தின் கதைக்கரு உள்ளிட்ட விவகாரங்களுக்குத்தான் காப்புரிமை சட்டத்தின் கீழ் வழக்கு தொடர முடியுமே தவிர, அந்த படத்தின் தலைப்பை காப்புரிமை சட்டத்தின் கீழ் உரிமை கோர முடியாது" என வாதிட்டார்.

இதை ஏற்றுக் கொண்ட நீதிபதி, இந்தப் படத்தின் தலைப்புக்கு பதிப்புரிமை சட்டம் பொருந்தாது. அதனால் இந்த தலைப்பை பயன்படுத்தவும், வெளியிட தடை விதிக்கவும் கோரிய வழக்கை ஏற்க முடியாது என கூறினார். அத்துடன், இந்த வழக்கை தள்ளுபடி செய்து உத்தரவிட்டார்.

ஆக்ஸ்ட் மாதம் ரிலீஸ்

பாலா இயக்கத்தில் அருண் விஜய் நடிப்பில் உருவாகி இருக்கும் 'வணங்கான்' சுரேஷ் காமாட்சி மற்றும் பாலா இணைந்து தயாரித்துள்ளனர். கதாநாயகியாக ரோஷிணி பிரகாஷ் நடித்துள்ளார். சமுத்திரக்கனி, மிஷ்கின் உள்ளிட்டோரும் முக்கிய கதாபாத்திரங்களில் நடித்துள்ளனர்.

படத்துக்கு இசை - ஜி.வி. பிரகாஷ்குமார். படத்தின் டிரெய்லர் சமீபத்தில் வெளியாகி ரசிகர்கள் மத்தியில் வரவேற்பை பெற்றதுடன், படம் மீதான எதிர்பார்பார்ப்பையும் ஏற்படுத்தியுள்ளது.

ஏற்கனவே இந்த படம் பொங்கலை முன்னிட்டு வெளியாகும் என அறிவிக்கப்பட்டிருந்தது. பல்வேறு காரணங்களால் தள்ளி போன வணங்கான் தற்போது ரிலீஸுக்கு தயாரான நிலையில், தலைப்புக்கு எதிராக வழக்கு தொடரப்பட்டது. தற்போது இந்த வழக்கு தள்ளுபடி செய்யப்பட்டிருக்கும் நிலையில், ஆக்ஸ்ட் மாதம் திரைக்கும் வரும் என எதிர்பார்க்கப்படுகிறது.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews 

Facebook" https://www.facebook.com/HTTamilNews 

You Tube: https://www.youtube.com/@httamil 

Google News: https://tamil.hindustantimes.com/