கார்த்தியை அடிமையாக்க துடிக்கும் சாமுண்டீஸ்வரி..கார்த்திக் கொடுத்த பதிலடி - கார்த்திகை தீபம் இன்றைய எபிசோட் அப்டேட்

தமிழ் சின்னத்திரையில் ஜீ தமிழ் தொலைக்காட்சியில் திங்கள் முதல் சனி வரை தினமும் இரவு 9 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம். இந்த சீரியலில் நேற்றைய எபிசோடில் கார்த்திக் சாமுண்டேஸ்வரிக்காக விளையாடி ஜெயித்து சாமுண்டேஸ்வரி வழங்கிய பரிசை நிராகரித்த நிலையில், இன்று நடக்கபோவது என்ன என்பது குறித்து பார்க்கலாம் வாங்க.

திருவிழாவில் பாடல் பாடும் சாமுண்டேஸ்வரி மகள்

சாமுண்டேஸ்வரியின் முதல் மகள் காட்டப்படுகிறாள். அவளை மயில் வாகனம் என்பவர் பின் தொடர்ந்து வருகிறார். ஒரு கட்டத்தில் கையைப் பிடித்து இழுக்க அதை பார்த்து எல்லோரும் மயில் வாகனத்தை அடிக்க சாமுண்டேஸ்வரியின் மகள் அது என் கணவர் தான் என தடுத்து நிறுத்துகிறார்.

இதைத்தொடர்ந்து சாமுண்டேஸ்வரியின் கடைசி மகள் ஸ்வேதா திருவிழாவில் பாட்டு பாடுகிறார். இந்த குரலை கேட்ட ராஜராஜன், ஸ்வேதா பாடினால் சாமுண்டேஸ்வரிக்கு பிடிக்காது என்பதால் தடுத்து நிறுத்த ஓடி வருகிறார். சாமுண்டேஸ்வரியும் குரலை கேட்டு சந்தேகத்துடன் ஓடி வருகிறாள். கடைசியாக மயில் வாகனம் ஸ்வேதா பாடுவதை மறைத்து விடுகிறான்.

கார்த்திக் கொடுக்கு பதிலடி

அதன் பிறகு சாமுண்டேஸ்வரி தன்னிடம் திமிராய் நடந்து கொண்ட கார்த்தியை தனக்கு கீழே வேலை செய்ய வைக்க வேண்டும் என சொல்ல, சந்திரகலாவிடம் இது குறித்து கார்த்தியிடம் பேச செல்கிறாள்.

ஆனால் கார்த்திக் எனக்கு வேற வேலை இருக்கு. திமிர் புடிச்ச சாமுண்டீஸ்வரி கிட்ட வேலை பார்க்க முடியாது என பதிலடி கொடுக்கிறான். அதன் பிறகு சந்திரகலா, சாமுண்டீஸ்வரி எதிரியான சிவனாண்டியை சந்திக்கிறாள்.

இறுதியில் சிவனாண்டி மனைவி தான் சந்திரகலா.. சாமுண்டேஸ்வரியை வேவு பார்ப்பதற்காக அவளுடன் இருக்கிறாள் என்பது தெரிய வருகிறது. இப்படியான நிலையில் அடுத்ததாக நடக்க போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காணத்தவறாதீர்கள்.

கடந்த எபிசோடில் நடந்தது என்ன?

சாமுண்டேஸ்வரி தரப்பில் சிலம்பாட்டம் போட்டியில் பங்கேற்க யாரும் இல்லை என்பதால் தனக்கு ஆதரவாக போட்டியில் பங்கேற்று ஜெயித்தால் 15 பவுன் செயினை பரிசாக கொடுப்பதாக அறிவிக்கிறாள். இதைத்தொடர்ந்து கார்த்திக் போட்டியாளராக களத்தில் இறங்கி சிவனாண்டியை ஓட விடுகிறான். கார்த்திக்கின் ஆட்டத்தை பார்த்த ஊர் மக்கள் அனைவரும்,ஊர் மானத்தை காப்பாற்றி விட்டான் என்று கொண்டாடுகின்றனர்.

இதையடுத்து சாமுண்டேஸ்வரி, புவனேஸ்வரியை கூப்பிட்டு பரிசை கொடுக்க அவன் நான் இந்த பரிசுக்காக இந்த போட்டியில் கலந்துக்கல என பதிலடி கொடுக்கிறான்.

நீங்க யாரும் ஆம்பளையே இல்லையா என கேட்டதால் தான் கலந்துக்கிட்டேன். எனக்கு இந்த பரிசு வேண்டாம் என்று சொல்லி குச்சியில் செயினை வாங்கி அதை அப்படியே தூக்கி வீச, அப்போது அந்த வழியாக வந்த நாயகி ரேவதி கழுத்தில் விழுகிறது. இதை கவனிக்காத கார்த்திக் மீசையை முறுக்கி விட்டபடி கிளம்பி வருகிறான்.  இதன் பின்னர் இன்று நடக்கப்போவது என்ன என்பதை இன்றைய எபிசோடில் பார்க்கலாம்.

கார்த்திகை தீபம் புதிய சீசன்

தீபாவின் மறைவுடன், கார்த்திகை தீபம் முதல் சீசன் கடந்த சனிக்கிழமை முடிவுக்கு வந்தது. இதையடுத்து புதிய கதைக்களத்துடன் புதிய சீசன் தற்போது ஒளிபரப்பாக தொடங்கியுள்ளது. இதில் முழுக்க கிராமத்து பின்னணியில் கொண்ட கதைகளத்தை கொண்டதாக உள்ளது.