கல்லீரலை தானமாக கொடுத்தார்.. கடைசியாக கேட்ட அவளது குரல் - புஷ்பா 2 பார்க்க சென்று பலியான பெண் கணவர் கண்ணீர்

புஷ்பா 2 படத்தின் ப்ரீமியர் காட்சி பார்க்க சென்ற ரேவதி என்ற பெண் கூட்ட நெரிசலில் சிக்கி பலியானார். அவரது மகன் ஸ்ரீதேஜ் பலத்த காயமடைந்து மருத்துவமனையில் சிகிச்சை பெற்று வகுகிறார். டிசம்பர் 5ஆம் தேதி வெளியான படத்தின் ரிலீஸுக்கு முந்தைய நாள் ஹைதராபாத்தில் உள்ள சந்தியா திரையரங்கில் ப்ரீமியர் ஷோ திரையிடப்பட்டது.

இதையடுத்து இந்த காட்சியை காண அல்லு அர்ஜுன் வருவதாக தகவல் வெளியான நிலையில், அவரை பார்ப்பதற்காக ரசிகர்கள் முண்டியடித்தனர். இதனால் ஏற்பட்ட கூட்ட நெரிசலில் சிக்கி சந்தியா என்ற பெண் பிரதமாபமாக உயிரிழந்தார்.

முன்னதாக, அல்லு அர்ஜுன் பார்ப்பதற்காக கூடிய ரசிகர்கள் கூட்டத்தை கட்டுப்படுத்த பாதுகாப்பு பணியில் இருந்த போலீசார் தடியடி நடத்தினர். இந்த சம்பவத்தின் ரேவதி தனது கணவர் பாஸ்கர், மகன் ஸ்ரீதேஜ், மகள் சான்வி ஆகியோருடன் இருந்தார்.

கல்லீரலை தானம் கொடுத்தார்

மறைந்த தனது மனைவி ரேவதியை பற்றி கணவர் பாஸ்கர் பேசியபோது, 2023இல் தனக்கு கல்லீரல் மாற்று அறுவை சிகிச்சைக்கு தனது கல்லீரலின் ஒரு பகுதியை தானம் செய்ததை நினைவு கூர்ந்தார். இதுகுறித்து அவர் கண்ணீருடன், "அவள் எனக்கு உயிர் கொடுத்தாள், இப்போது அவள் போய்விட்டாள்." கட்டுக்கடங்காத கூட்டத்தில் எங்கள் மகனைப் பாதுகாக்க முயன்றபோது ரேவதி படுகாயமடைந்தார். ஸ்ரீதேஜ் கடுமையான ஹைபோக்ஸியா, நுரையீரல் காயத்தால் பாதிக்கப்பட்டார்" என்றார்

அந்த சம்பவம் பற்றி நினைவு கூர்ந்த பாஸ்கர், "சான்வியை தியேட்டருக்குப் பக்கத்தில் உள்ள என் மாமியார் வீட்டில் விட முடிவு செய்தேன். நான் திரும்பி வருவதற்குள், நான் அவர்களை விட்டுச் சென்ற இடத்தில் என் மனைவியும் மகனும் இல்லை."

கடைசியாக அவள் குரலை கேட்டேன்

"நான் கூப்பிட்டபோது, ​​ரேவதி தியேட்டருக்குள் இருக்கிறேன் என்றார். அதுதான் கடைசியாக அவள் குரலை கேட்டது. சிக்காட்பல்லி காவல் நிலையத்தில் நிறுத்தப்பட்ட ரோந்து காரில் ஸ்ரீதேஜ் அழைத்துச் செல்லப்பட்ட ஒரு வீடியோவை யாரோ ஒருவர் எனக்குக் காட்டியது எனக்கு நினைவிருக்கிறது. அவரை கிம்ஸ் மருத்துவமனைக்குக் கொண்டு சென்றபோது அவர் அசையாமல் இருந்தார்.

வியாழன் அதிகாலை 2.30 மணி வரை ரேவதி பற்றிய எந்த அறிவிப்பும் எனக்கு வரவில்லை. அப்போதுதான் சில போலீஸ்காரர்கள் எனக்கு செய்தியை வெளியிட்டார்கள், என் இதயம் நொறுங்கி போனது" என்றார்

பாதிக்கப்பட்ட குடும்பத்துக்கு அல்லு அர்ஜுன் ஆதரவு

இந்த கோர சம்பவத்துக்ற்கு பிறகு, அல்லு அர்ஜுன் தனது எக்ஸ் பக்கத்தில் பகிர்ந்த பதிவில், தனது இரங்கலைத் தெரிவித்தார். பின்னர் விடியோ மூலம் தானும், ஒட்டுமொத்த படக்குழுவும் குடும்பத்துடன் நிற்கிறோம் என்று உறுதியளித்தார். மேலும் உயிரிழந்தவர்களின் குடும்பத்துக்கு ரூ.25 லட்சம் நிதியுதவியும் அறிவித்துள்ளார்.

முன்னதாக, இந்த சம்பவம் தொடர்பா விசாரணை நடத்திய போலீசார் திரையரங்கு நிர்வாகத்துக்கு எந்த வித தகவலும் தெரிவிக்காமல் வந்த நடிகர் அல்லு அர்ஜுன் மீது வழக்குப்பதிவு செய்துள்ளனர். அதேபோல் சம்பவம் நடந்த சந்தியா திரையரங்கம் மீது பாதுகாப்பு விஷயத்தில் அலட்சியமாக இருந்ததாக, திரையரங்கை மூடுவதற்கு நடவடிக்கை எடுக்கப்பட்டு வருவதாகவும் சொல்லப்படுகிறது. பார்வையாளர்கள் ஒரே நேரத்தில் டிக்கெட் சரிபார்க்க அனுமதித்ததாகவும், குறைந்தபட்ச பாதுகாப்பு தரத்தையும் பின்பற்றவில்லை எனவும் திரையரங்க ஊழியர்கள் மீது வழக்குப்பதிவு செய்யப்பட்டுள்ளது.