Indian 2 Audio Launch: மறைமுகமாக சொல்லிய ரஜினி.. கமல் ஹாசனிடம் திட்டு வாங்கிய இயக்குநர் நெல்சன்!
Jun 02, 2024, 07:21 AM IST
Share
Indian 2: இந்தியன் 2 இசை வெளியீட்டு விழாவில் இயக்குநர் நெல்சன், ஷங்கர் உடன் நான் இருந்திருக்கிறேன். இந்தியன் 2 படத்தில் ஷங்கர் அடித்த பால் எவ்வளவு தூரம் போகும் என்று தெரியாது. ஏனென்றால் அந்தளவிற்கு படம் வெற்றியைப் பெறும் என கூறினார்.
Indian 2: நடிகர் கமல் ஹாசன் நடித்து இருக்கும் இந்தியன் 2 திரைப்படத்தின் இசை வெளியீட்டு விழா சென்னையில் நேற்று (ஜூன் 1) பிரமாண்டமாக நடைபெற்றது. இதில் படக்குழுவினர் அனைவரும் கலந்து கொண்டார்கள். மேலும் கோலிவுட்டின் ட்ரெண்டான இயக்குநர்களான லோகேஷ் கனகராஜ், நெல்சன் ஆகியோர் கலந்து கொண்டார்கள்.
விழாவில் இயக்குநர் நெல்சன் பேசுகையில், “ இயக்குநர் ஷங்கர் உடன் நான் இருந்திருக்கிறேன். இந்தியன் 2 படத்தில் ஷங்கர் அடித்த பால் எவ்வளவு தூரம் போகும் என்று தெரியாது. ஏனென்றால் அந்தளவிற்கு படம் வெற்றியைப் பெறும்.
ரஜினிகாந்த் பாராட்டு
ஜெயிலர் படப்படிப்பில் ரஜினிகாந்த், இயக்குநர் ஷங்கரை கடின உழைப்பாளி என்று சொல்லி கொண்டே இருப்பார். அவரை போல் நானும் ஆக வேண்டும் என அவர் மறைமுகமாக சொல்வதை தெரிந்து கொண்டேன். இவர் ஷங்கரை பாராட்டுகிறாரா அல்லது என்னை திட்டுகிறாரா என்றே ஒரு நிமிடம் புரியவில்லை.
பெரிய வியப்பு
சிறு வயதில் இருந்தே கமல் ஹாசனை பார்க்கும் போது பெரிய வியப்பு இருக்கும். கமல் ஹாசனுக்கு தமிழ் எழுத்தில் பிழை வந்தால் கடுமையாக கோபம் வந்து விடும். அப்படி தான் நான் ஒரு முறை தமிழ் எழுத்து பிழையில் நானும் மாட்டிக் கொண்டேன். அதற்காக அவர் என்னை திட்டும்போது மகிழ்ச்சி மட்டுமே இருந்தது. அந்த நாள் முழுவதும் அவர் திட்டியதை பலரிடம் மகிழ்ச்சியாக சொன்னேன்.
இந்தியன் 2 ஆடியோ விழா
இந்தியன் 2 படத்தின் அறிவிப்பு வெளியான அன்று நான் தான் பிக் பாஸ் இயக்கி வந்தேன். ஷங்கரின் ஐ, 2.O படங்களின் இசை வெளியீட்டு விழா நிகழ்ச்சியையும் நான் தான் இயக்கினேன். இப்போது இந்தியன் 2 ஆடியோ விழாவிற்கு உள்ளே வந்து அமரும் போது இந்த நிகழ்ச்சியையும் நானே இயக்கி இருந்தால் நன்றாக இருந்து இருக்கும் என நினைத்தேன்” என்றார்.
இந்தியன் 2 அப்டேட்
’இந்தியன் 2’ திரைப்படம் 2017ஆம் ஆண்டு செப்டம்பர் மாதம், கமல்ஹாசனை வைத்து மீண்டும் உருவாகிறது என அறிவிக்கப்பட்டது.
அதன்பின், இந்தியன் 2 படத்தின் படப்பிடிப்பு 2019ஆம் ஆண்டு ஜனவரி மாதம் தொடங்கி, சென்னை, ராஜமுந்திரி, போபால், குவாலியர் போன்ற பல்வேறு பகுதிகளில் விறுவிறுப்பாக நடந்துகொண்டிருந்தது. இதன் படப்பிடிப்புக்கு மத்தியில், பிப்ரவரி 2020ல் படக்குழுவில் ராட்சத கிரேன் விழுந்ததில் சிலர் உயிரிழந்தனர்.
அதன்பின், சூட்டிங் தொடங்கினாலும் கோவிட் பிரச்னை தலைவிரித்தாடியது. இதனால் ஒட்டுமொத்தமாக, இதன் படப்பிடிப்பு பாதிக்கப்பட்டது. பின், 2022 ஆம் ஆண்டு ஆகஸ்ட் மாதம் இந்தியன் 2 படத்தின் படப்பிடிப்பு தொடங்கியது. அதன்பின் சமீபத்தில் 2024 மார்ச் மாதம் மொத்தமாக அதன் படப்பிடிப்பு முடிவடைந்தது.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.
டாபிக்ஸ்