Box office: ‘தங்கலான்’ , ‘வாழை’, ‘கொட்டுக்காளி’, ‘டிமான்டி காலனி-2..முட்டி மோதும் படங்கள்! - வசூல் நிலவரம் இங்கே!

Thangalaan Box Office: இயக்குநர் பா.இரஞ்சித் இயக்கத்தில் நடிகர் விக்ரம், நடிகை பார்வதி, நடிகை மாளவிகா மோகனன், பசுபதி உள்ளிட்ட பல நட்சத்திரங்கள் நடித்து, ஆகஸ்ட் 15ஆம் தேதி வெளியாகி இருக்கும் திரைப்படம், தங்கலான். இந்தத் திரைப்படத்திற்கு பிரபல இசையமைப்பாளரான ஜி வி பிரகாஷ் குமார் இசையமைத்திருக்கிறார்.

பாக்ஸ் ஆபிஸில் பட்டையைக் கிளப்பும் தங்கலான்:

இந்தியாவில், வெளியான அன்று 13 கோடி வசூல் செய்த தங்கலான் திரைப்படம், 2 வது நாளில் 4 கோடி வசூல் செய்தது. சனியும், ஞாயிறும் தோராயமாக 6 கோடி வரை வசூல் செய்த தங்கலான் திரைப்படம், திங்கள் கிழமை 2 கோடியும், செவ்வாய் கிழமை 1.62 கோடி ரூபாயும் வசூல் செய்திருந்தது. இந்த நிலையில், படம் வெளியான 10 நாளான நேற்று, தங்கலான் திரைப்படம் 1.50 கோடி வசூல் செய்திருக்கிறது. ஆக மொத்தமாக பார்க்கும் பொழுது, தங்கலான் திரைப்படம் இதுவரை 41.40 கோடி வரை வசூல் செய்திருக்கிறது என்று சொல்லப்படுகிறது.

டிமான்டி காலனி 2

அஜய் ஞானமுத்து இயக்கத்தில் அருள்நிதி மற்றும் பிரியா பவானி சங்கர் நடிப்பில் உருவான திரைப்படம் டிமான்ட்டி காலனி 2. தங்கலான் திரைப்படத்திற்கு போட்டியாக வெளியான டிமான்டி காலனி 2 திரைப்படம், கடந்த வெள்ளிக்கிழமை 1.50 கோடி வசூலித்த நிலையில், நேற்றைய தினம் ஆச்சரியமாக 60 சதவீதம் அளவுக்கு வசூல் உயர்ந்து 2.40 கோடி ரூபாய் வசூல் செய்திருக்கிறது என்று தகவல் வெளியாகி இருக்கிறது.

ஆக மொத்தமாக பார்க்கும் போது 10 நாட்களில் டிமான்டி காலனி -2 திரைப்படம் 22.40 கோடி ரூபாய் வசூல் செய்திருப்பதாக சொல்லப்படுகிறது.

வாழை வசூல் எவ்வளவு?

மாரி செல்வராஜ் இயக்கத்தில் உருவாகியுள்ள திரைப்படம் வாழை. சிறுவயதில் தான் சந்தித்த அனுபவங்களின் தொகுப்பை கதையாக மாற்றி இந்தப்படத்தில் அவர் காட்சிகளாக வைத்து இருக்கிறார். சந்தோஷ் நாராயணன் இசையமைத்து இருக்கும் இந்தப்படம், தற்போது மக்களிடம் மிகப்பெரிய வரவேற்பை பெற்று வருகிறது.

Sacnilk தளம் வெளியிட்டு இருக்கும் தகவலின் படி, முதல் நாளில் 1.15 கோடி வசூல் செய்த வாழைத்திரைப்படம், இரண்டாவது நாளில் 2.50 கோடி ரூபாய் வசூல் செய்திருப்பதாக குறிப்பிடப்பட்டு இருக்கிறது. ஆக மொத்தமாக வாழை திரைப்படம் இந்தியாவில் 3.65 கோடி ரூபாயும், உலகளவில் 4.30 கோடி ரூபாயும் வசூல் செய்திருப்பதாக தெரியவந்திருக்கிறது.

கொட்டுக்காளி திரைப்படம்

இதற்கு போட்டியாக களமிறங்கிய சூரியின் கொட்டுக்காளி திரைப்படம் வெளியான அன்றைய தினம் 0.42 கோடி ரூபாயும், இரண்டாவது நாளான நேற்று 0.33 கோடி ரூபாயும் வசூல் செய்திருக்கிறது. இதன் மூலம் இந்தப்படம் இரண்டு நாட்களில் 0.75 கோடி ரூபாய் மட்டும் வசூல் செய்திருப்பது தெரியவந்திருக்கிறது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9