Bigg Boss Raju: ஜோக்கர் இப்ப ஹீரோ ஆனேன்’ - கதாநாயகனான பிக்பாஸ் ராஜூ! - படம் பேர் என்ன?

Jul 02, 2024, 12:13 PM IST

Bigg Boss Raju: பிக்பாஸ் நிகழ்ச்சியில் கலந்து கொண்டு பிரபலமான ராஜூ, தற்போது புதிய திரைப்படம் ஒன்றில் கமிட் ஆகி இருக்கிறார்.

எங்களை பின் தொடரலாம்

கதாநாயகனாக மாறும் பிக்பாஸ் ராஜு

தமிழில் கமல் ஹாசன் தொகுத்து வழங்கிய பிக்பாஸ் நிகழ்ச்சி சீசன் 5 ன் டைட்டில் வின்னராக மாறியவர் ராஜூ ஜெயமோகன். அந்த நிகழ்ச்சியில், தன்னுடைய இயல்பான நகைச்சுவை உணர்வை வெளிப்படுத்தி, ஏராளமான ரசிகர்களை தன்வசப்படுத்திய ராஜூ தற்போது கதாநாயகனாக அறிமுகம் ஆக இருக்கிறார்.

இப்படத்தை Rain Of Arrows Entertainment சார்பில், சுரேஷ் சுப்ரமணியன் தயாரிக்கிறார். முன்னதாக, இவர் எண்ணித்துணிக’ படத்தை தயாரித்து இருந்தார். இரண்டாவது படமாக இப்படத்தை தயாரிக்கிறார். இந்தப்படத்தை ராகவ் மிர்தாத் இயக்குகிறார்.

படத்தின் பெயர் என்ன?

இவர் ஏற்கனவே ‘ சைஸ் ஜீரோ’ படத்திற்கு வசனமும், தேசியவிருது வென்ற ‘பாரம்’ படத்தில் திரைக்கதை மற்றும் வசனமும் எழுதி இருக்கிறார். ‘காலங்களில் அவள் வசந்தம்’ படம் மூலம் இயக்குநராக அறிமுகமான இவர் இயக்கும் இரண்டாவது படம் இது.

பிக்பாஸ் புகழ் ராஜூ, ஆதியா பிரசாத் மற்றும் பவ்யா திரிகா நடிப்பில் இன்றைய Gen Z தலைமுறை ரிலேஷன்ஷிப்பை நகைச்சுவை ததும்பச் சொல்லும் அழகான டிராமாவாக உருவாகி வரும் திரைப்படத்திற்கு 'பன் பட்டர் ஜாம்”. என்று பெயர் வைக்கப்பட்டு இருக்கி்றது.

இப்படத்தின் இறுதிக்கட்ட படப்பிடிப்பு பணிகள் சென்னையில் தற்போது தீவிரமாக நடைபெற்று வருகிறது.இறந்தகால வலிகளின் சுமைகளுக்கும், எதிர்காலத்தைப் பற்றிய பயங்களுக்கும் நடுவே ஊசலாடாமல், நிதானமாக நின்று நிகழ்காலத்தை புன்னகையோடு எதிர்கொள்ள கற்றுக்கொள்ளும், Gen Z இளைஞர்களைப் பற்றிய கதைதான் பன் பட்டர் ஜாம் என்று படக்குழு தெரிவித்து இருக்கிறது

மேலும் கூறும்போது," ஒருவனை சுற்றி எத்தனை பிரச்சினைகள் இருந்தாலும், அந்தந்த கணத்தை முழுமையாக வாழப் பழகினால், கொண்டாட்டங்களுக்கு குறைவில்லை என்கிற பாசிட்டிவிவான கருத்தை பரபரப்பாகவும், முழுக்க முழுக்க நகைச்சுவை ததும்பச் சொல்லும் வகையிலும், இப்படத்தின் திரைக்கதை உருவாக்கப்பட்டிருக்கிறது.

அனைத்து தரப்பினரும் ரசிக்கும் வகையில் பீல் குட் ஃபேமிலி என்டர்டெயினராக இப்படத்தை ராகவ் மிர்தாத் உருவாக்கியுள்ளார். முக்கியமாக சரண்யா பொன்வண்ணன், தேவதர்ஷினி ஜோடி அதகளப்படுத்தியுள்ளார்கள். அதேபோல் சார்லியின் கதாப்பாத்திரம் அவரின் அடுத்த மைல் கல்லாக இப்படத்தில் அமையும். இவர்களுடன் மைக்கேல் தங்கதுரை மற்றும் V.J பப்பு முக்கிய வேடங்களில் நடிக்கிறார்கள்.

சென்னை மற்றும் அதன் சுற்று வட்டார பகுதிகளில் இப்படத்தின் படப்பிடிப்பு நடக்கிறது. இப்படத்தின் இறுதிக்கட்ட படப்பிடிப்பு தற்போது சென்னையில் நடந்து வருகிறது.வரும் ஜூலை 8 ஆம் தேதி இப்படத்தின் முதல் பார்வை வெளி வருகிறது." என்று கூறியது.

தொழில் நுட்ப கலைஞர்கள் விபரம்

தயாரிப்பு நிறுவனம் :

Rain Of Arrows Entertainment

எழுத்து , இயக்கம் : ராகவ் மிர்தாத்

இசை: நிவாஸ் K பிரசன்னா

ஒளிப்பதிவு : பாபு குமார் IE

எடிட்டிங்: ஜான் ஆபிரகாம்

கலை இயக்குநர் : ஸ்ரீ சசிகுமார்

பாடல்கள்: கார்த்திக் நேதா, உமா தேவி, மோகன் ராஜா, சரஸ்வதி மேனன்

நடனம்: பாபி

நிர்வாக தயாரிப்பு : M.J.பாரதி

மக்கள் தொடர்பு : ஜான்சன்