Boat: கவனம் ஈர்க்கும் போட் டீஸர்.. கம்பேக் தருவாரா சிம்புதேவன்?

யோகி பாபு நடித்துள்ள போட் படத்தின் டீஸர் தற்போது வெளியாகி கவனம் பெற்று வருகிறது.

இம்சை அரசன் 23ஆம் புலிகேசி படம் மூலம் முதல் படத்திலேயே வெற்றிக்கொடிநாட்டியவர், சிம்புதேவன். இவர் அதன்பின் அறை எண் 305ல் கடவுள், இரும்புக் கோட்டை முரட்டு சிங்கம், புலி ஆகியப் படங்களை இயக்கியும், கசடதபற மற்றும் விக்டிம் என்னும் ஆந்தாலஜி படங்களிலும் தனது பங்கினை இயக்கவும் செய்திருந்தார்.

இந்நிலையில் சில வருடங்களுக்குப் பின், சிம்புதேவன் இயக்கத்தில் மாதேஷ் மாணிக்கம் ஒளிப்பதிவில் யோகி பாபு, கெளரி கிஷன், எம்.எஸ்.பாஸ்கர், சின்னி ஜெயந்த் உள்ளிட்டப் பலர் நடித்துள்ள படம், போட். இப்படத்தின் டீஸர் தற்போது வெளியாகி வைரலாகப் பரவி வருகிறது.

அந்த டீஸரில் கெளதம் மேனனின் வாய்ஸ் ஓவரில், சுதந்திரம் அடைவதற்கு முன்பு, சென்னை மீது குண்டுமழை பொழிய ஜப்பான் முனையும்போது, முன்பின் தெரியாத பத்து பேர் ஒரு படகில் தப்ப முயல்வதுபோல் காட்சிகள் இடம்பெற்றுள்ளன.

மேலும், அங்கு நடக்கும் காமெடி, துரோகம், சண்டை ஆகியவற்றை சுவாரஸ்யமாக கோர்வையாக கோர்த்துள்ளனர்.

இப்படத்தில் சிம்புதேவனின் படங்களுக்கே உண்டான காமெடி அங்குங்கு பளீச்சிடுகிறது. இப்படம் வெற்றிபெறும் என அந்த டீஸரைப் பார்த்தப் பலரும் கமெண்ட் செய்து வருகின்றனர்.

சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

https://www.whatsapp.com/channel/0029Va9NEUA7IUYU4eBTc81v