சாதனை படைத்து வரும் அரபிக் குத்து பாடல்

நடிகர் விஜய் நடிப்பில் சமீபத்தில் வெளியான திரைப்படம் பீஸ்ட். இந்த திரைப்படம் ரசிகர்கள் மத்தியில் கலவையான விமர்சனங்களைப் பெற்றது. இந்த திரைப்படத்தில் பூஜா ஹெக்டே நாயகியாக நடித்து இருந்தார்.

சன் பிக்சர்ஸ் நிறுவனம் பிரமாண்டமான முறையில் இந்தத் திரைப்படத்தை தயாரித்து இருந்தது. கோலமாவு கோகிலா, டாக்டர் உள்ளிட்ட திரைப்படங்களை இயக்கி இருந்த நெல்சன் பீஸ்ட் திரைப்படத்தை இயக்கி இருந்தார்.

இந்த நிலையில் நடிகர் விஜய் பாடிய இருந்த அரபிக் கூத்து பாடல் கடந்த 10ஆம் தேதி யூ-டியூப் தளத்தில் வெளியாகி இருந்தது. இந்த பாடல் தற்போது வரை ஒரு கோடி நபருக்கும் அதிகமானோர் பார்த்து ரசித்து இருக்கின்றனர்.

அதே போல் அரபிக் குத்துப் பாடலில் இருக்கும் லிரிக்கல் வீடியோ, 1 ஒரு மில்லியனுக்கும் அதிகமானோர் யூ-டியூப் தளத்தில் பார்த்து இருக்கின்றனர்.

நடிகர் விஜய் தற்போது தளபதி 66 வது திரைப்படத்தில் நடித்து வருகிறார். தமிழ், தெலுங்கு என இரண்டு மொழிகளில் உருவாகி வரும் இந்த திரைப்படத்தை வம்சி இயக்கி இருகிறார். இப்படத்தில் ராஷ்மிகா மந்தனா நாயகியாக நடிக்கும் நிலையில் சரத்குமார், ஜெயசுதா, பிரகாஷ் ராஜ், பிரபு, சங்கீதா உள்ளிட்ட பிரபலங்கள் முக்கிய கதாபாத்திரத்தில் நடித்து வருகின்றனர்.

இத்திரைப்படத்தின் படப்பிடிப்பு ஹைதராபாத்தில் இருக்கும் ராமோஜி ஃபிலிம் சிட்டியில் மிகவும் பிரமாண்டமான முறையில் நடைபெற்று வருகிறது. மேலும் படம் வரும் பொங்கல் பண்டிகைக்குத் திரையரங்குகளில் வெளியாகும் என்று அறிவிக்கப்பட்டிருக்கிறது.