Aishwarya Lekshmi: அர்ஜுன் தாஸ் உடன் காதலா? - ஐஸ்வர்யா லட்சுமி விளக்கம்

மாடலாக இருந்த ஐஸ்வர்யா லட்சுமி 2017 ஆம் ஆண்டு விஷால் நடித்த ஆக்‌ஷன் படத்தின் மூலம் தமிழ் திரையுலகில் அறிமுகமானவர். அப்படம் எதிர்பார்த்த அளவு வெற்றி பெறாததால் ஐஸ்வர்யா லட்மியும், பெரிய அளவில் வெளியில் தெரியாமல் போனார். 

அடுத்ததாக தனுஷ் நடிப்பில் வெளியான ஜகமே தந்திரம் திரைப்படத்தில் அவரின் ஜோடியாக நடித்ததன் மூலம் பிரபலமானார். இது வரையில் அவர் நடித்த படங்களை எல்லாம் தூக்கி சாப்பிடும் வகையில் பூங்குழலி என்ற கதாபாத்திரத்தில் 'பொன்னியின் செல்வன்' திரைப்படத்தில் நடித்து இருந்தார். இதன் மூலம் சர்வதேச அளவில் பிரபலமடைந்தார் ஐஸ்வர்யா லட்சுமி. அவரின் தோற்றம் போன்று அனைவரும் போட்டோ ஷூட் நடத்தி சமூக வலைதள

நடிப்பது மட்டுமின்றி அவர் நடிகை சாய் பல்லவியை வைத்து கார்கி என்ற படத்தை தயாரித்து உள்ளார். இவர் பொன்னியின் செல்வன் 1 படத்தில் பூங்குழலியாக நடித்து விமர்சகர்களின் பாராட்டுக்களை பெற்றார். அதன் மூலம் அவருக்கு ஏகப்பட்ட ரசிகர்கள் உருவாகினர். பிரபலங்கள் பூங்குழலி போன்ற தோற்றத்திலிருக்கும் படங்களை சமூக வலைதளங்களில் பதிவிட்டனர்.

இதனிடையே ஐஸ்வர்யா லட்சுமி, நடிகர் அர்ஜுன் தாஸுடன் எடுத்து கொண்ட படத்தை தனது சமூக வலைதளங்களில் ஹார்ட் ஸ்மைலியுடன் பகிர்ந்து உள்ளார். இதைப் பார்த்த அனைவரும் காதலிப்பதை மறைமுகமாக அறிவித்துள்ளாரா? அல்லது இருவரும் இணைந்து நடிக்கும் படம் குறித்த அறிவிப்பா? என தெரியாமல் குழம்பி வருகின்றனர்.

அந்த புகைப்படம் மிகவும் வைரல் ஆனதை அடுத்து இருவரும்  நடிகை ஐஸ்வர்யா லட்சுமி இதுகுறித்து விளக்கம் அளித்துள்ளார். 

இதுகுறித்து அவர் தனது இன்ஸ்டாகிராம் பக்கத்தில் பதிவிட்டுள்ள பதிவில், “என்னுடைய கடைசி பதிவு இந்த அளவுக்கு பேசுபொருள் ஆகும் என நான் எதிர்பார்க்கவில்லை. நாங்கள் இருவரும் எதர்ச்சியாக சந்திக்கும் வாய்ப்பு கிடைத்தது. 

அப்போது போட்டோ எடுத்து பதிவிட்டேன். எங்களுக்குள் எதுவும் இல்லை. நாங்கள் இருவரும் நண்பர்கள் தான். நேற்றிலிருந்து எனக்கு மெசேஜ் அனுப்பும் அர்ஜுன் தாஸ் ரசிகர்களே, அவர் உங்களுக்கு தான் ” என பதிவிட்டு இருந்தார். இதன் மூலம் இவர்களின் காதல் சர்ச்சைக்கு முற்றுப்புள்ளி வைக்கப்பட்டு உள்ளது.