கங்கை நதிக்கரை..ரிஷிகேஷில் வைத்து இனிதே நடந்த திருமணம்..திருமதி ஆன இடையழகி ரம்யா பாண்டியன்

தமிழ் நடிகையான ரம்யா பாண்டியன் ஜோக்கர் படம் மூலம் ஹீரோயினாக அறிமுகமானார். தொடர்ந்து ஆண் தேவதை, மலையாளத்தில் நண்பகல் நேரத்து மயக்கம் உள்பட சில படங்களில் நடித்தார். இதையடுத்து ரம்யா பாண்டியன் தனது காதலரை கரம் பிடித்து திருமதி ஆகியுள்ளார்.

இந்து முறைப்படி திருமணம்

பிரபல சினிமா இயக்குநர் துரை பாண்டியன் மகளான ரம்யா பாண்டியன், பஞ்சாப்பை சேர்ந்த தொழிலதிபர், யோகா பயிற்சியாளருமான லோவல் தவான் ஆகியோர் காதலித்து வந்துள்ளனர்.

இதையடுத்து இருவீட்டாரின் சம்மத்ததுடன் இவர்களின் திருமணம் உத்தரகண்ட் மாநிலம் ரிஷிகேஷில் நடைபெற்று முடிந்துள்ளது. இந்த நிகழ்வில் இரு வீட்டாரும், நெருங்கிய உறவினர்கள் மற்றும் நண்பர்கள் பங்கேற்றனர். கங்கை நதிக்கரையோரம், இந்து முறைப்படி இவர்களின் திருமணம் நடந்துள்ளது.

ரம்யா பாண்டியன் சிவப்பு பட்டு சேலை அணிந்தும், மாப்பிள்ளை லோவல் தவான் வெள்ளை பட்டு சட்டை வேஷ்டியும் அணிந்திருந்து திருமணம் முடிந்த கையோடு எடுத்துக்கொண்ட புகைப்படத்தை தங்களது சமூக வலைத்தள பக்கத்தில் பகிர்ந்துள்ளார்கள்.

திருமண நிகழ்வில் நடிகையும், ரம்யா பாண்டியனின் உறவினருமான கீர்த்தி பாண்டியன் மற்றும் அவரது கணவரும் நடிகருமான அசோக் செல்வன் ஆகியோரும் பங்கேற்றனர்.

ரம்யா பாண்டியன் - லோவல் தவான் ஆகியோரின் திருமண வரவேற்பு நிகழ்ச்சி சென்னையில் நவம்பர் 15ஆம் தேதி நடக்கவுள்ளது.

ரம்யா பாண்டியன் - லோவல் தவான் காதல் கதை

கடந்த ஆண்டில் பெங்களுருவில் உள்ள ஸ்ரீஸ்ரீ ரவிஷங்கர் ஆசரமத்தில் உள்ள யோகா பயிற்சி மையத்தில் லோவல் தவானை சந்தித்துள்ளார் ரம்யா பாண்டியன்.

சர்வதேச யோகா பயிற்சியாளராக இருந்து வரும் லோவல், நடிகை ரம்யா பாண்டியன் ஆகியோருக்கு பழக்கம் ஏற்பட்ட நிலையில் இருவரும் காதலில் விழுந்தனர். தற்போது இரு வீட்டாரின் சம்மதத்துடன் இவர்கள் தம்பதிகள் ஆகி மண வாழ்க்கையில் இணைந்துள்ளனர்.

லோவல் தவான் பப்ளிக் லெபாரேட்டரி என்ற நிறுவத்தை லுதியானா உள்பட பல்வேறு பகுதிகளில் நடத்தி வருகிறார். இவரது தந்தை ரமேஷ் அத்வான் பஞ்சாப்பில் மிக பெரிய தொழிலதிபராக உள்ளார்.

திருநெல்வேலியை பூர்வீகமாக கொண்ட நடிகை ரம்யா பாண்டியான தென்காசி மாவட்டம் இலஞ்சியில் குடும்பத்தினருடன் வசித்து வருகிறார். நடிப்பு, மாடலிங் தவிர இயற்கை விவசாயமும் செய்து வருகிறார்.

ரம்யா பாண்டியன் படங்கள்

பயோ மெடிக்கல் எஞ்சினியரிங் படித்து முடித்திருக்கும் ரம்யா பாண்டியன், தமிழில் டம்மி டப்பாசு என்ற படம் மூலம் அறிமுகமானார். சோசியல் மீடியாக்களில் மிகவும் ஆக்டிவாக இருந்து வரும் ரம்யா பாண்டியன் அவ்வப்போது போட்டோ ஷுட் நடத்தி அந்த புகைப்படங்களை பதிவிட்டு ரசிகர்களை குஷிப்படுத்தி வந்துள்ளார்.

அவ்வாறு இடுப்பு அழகை காட்டி இவர் பகிர்ந்த புகைப்படம் ஒன்று ட்ரெண்ட் ஆனதுடன், அதன் பிறகு ரசிகர்களால் இடையழகி என்று செல்லமாகவும் அழைக்கப்பட்டார்.

ஜீ5 ஓடிடி தளத்தில் வெளியான முகிலன், சோனி லைவ் ஓடிடியில் வெளியான ஆக்சிடன்டல் பார்மர் அண்ட் கோ போன்ற வெப் சீரிஸ்களில் நடித்துள்ளார். பிக்பாஸ் தமிழ் சீசன் 4 நிகழ்ச்சியில் பங்கேற்ற இவர் 3வது ரன்னர் அப் ஆனார். அதே போல் குக் வித் கோமாளி முதல் சீசனில் போட்டியாளராக பங்கேற்று இரண்டாவது ரன்னர் அப் ஆகியிருந்தார்.