விடுதலை 2 குறித்து சூப்பர் அப்டேட் கொடுத்த விஜய் சேதுபதி! ரசிகர்களுக்கு டபூள் ட்ரீட்!

நடிகர் சூரி கதாநாயகனாக நடித்து கடந்த 2023 ஆம் ஆண்டு மார்ச் 31 ஆம் தேதி விடுதலை பாகம் 1 திரைப்படம் வெளியானது. இப்படம் ரசிகர்கள் மத்தியில் பெரும் வரவேற்பை பெற்றிருந்தது. இப்படத்தில் நடிகர் சூரியுடன் நடிகர்கள் விஜய் சேதுபதி, சேத்தன் மற்றும் ராஜீவ் மேனன் உட்பட பலர் நடித்து இருந்தனர். இப்படத்திற்கு இசையமைப்பாளர் இளையராஜா இசையமைத்து இருந்தார். விடுதலை பாகம் 1 படத்தின் அனைத்து பாடல்களும் சூப்பர் ஹிட் ஆகின. இந்த நிலையில் இந்த படத்தின் இரண்டாம் பாகத்தி இசை மற்றும் டிரைலர் வெளியாகும் தேதி குறித்து நடிகர் விஜய் சேதுபதி டிவிட்டரில் பதிவை வெளியீட்டுள்ளார்.

இசைஞானி இளையராஜா

இளையராஜா இசையமைத்து வெளியான பல படங்கள் ரசிகர்கள் மத்தியில் சமீபகாலமாக இன்றைய கால ரசிகர்கள் மத்தியிலும் பிரபலமடைந்து வருகிறார். பல ஆண்டுகளாக இளையாராஜாவிற்கு என்ற தனி இடத்தை இன்றும் தமிழ் சினிமாவில் தக்க வைத்து வருகிறார். பல புதிய இசையமைப்பாளர்கள் வந்த போதிலும் இளையாராஜவின் மவுசு இன்றும் குறையவில்லை என்பதே உண்மை.

இந்த நிலையில் கடந்த நவம்பர் 17 அன்று இப்படத்தில் இருந்து ’தினம் தினமும்’ என்ற பாடல் வெளியாகியுள்ளது. இளையராஜா இசையமைத்து பாடியுள்ள இந்த பாடலை அவருடன் இணைந்து அனன்யா பட் பாடியுள்ளார். வழிநெடுக காட்டுமல்லி பாடலை போலவே இந்த பாடலும் கேட்டவுடன் பிடித்துவிடும் வகையில் இசை அமைக்கப்பட்டுள்ளதாக ரசிகர்கள் கருத்து தெரிவிக்கின்றனர்.

சர்வதேச பாராட்டில் விடுதலை

மேலும் விடுதலை பாகம் 1 படம் பல்வேறு சர்வதேச திரைப்பட விழாவில் கலந்துகொண்டு பாராட்டுக்களை குவித்தது. இதனைத் தொடர்ந்து, 'விடுதலை பாகம் 2' எப்போது வெளியாகும் என்று ரசிகர்கள் மத்தியில் மிகுந்த எதிர்பார்ப்பு எழுந்தது.

விடுதலை முதல் பாகத்தில் விஜய் சேதுபதி கதாபாத்திரம் சிறிய அளவில் மட்டுமே இருந்தது. அதனால், இரண்டாம் பாகத்தில் முழுவதும் விஜய் சேதுபதியை மையமாகக் கொண்டு கதை இருக்கும் என எதிர்பார்க்கப்படுகிறது. இரண்டாம் பாகத்தில் மஞ்சு வாரியர், அனுராக் காஷ்யாப், கிஷோர், கென் உள்ளிட்டோர் இணைந்துள்ளனர். இந்நிலையில், இப்படம் இந்தாண்டு டிசம்பர் 20ம் தேதி வெளியாக உள்ளதாக அறிவிக்கப்பட்டிருந்தது. தற்போது இப்படத்தின் இசை மற்றும் டிரைலர் இரண்டும் சேர்த்து வரும் நவம்பர் 26 அன்று வெளியாக உள்ளது. இது குறித்தான அறிவிப்பை நடிகர் விஜய் சேதுபதி அவரது டிவிட்டரில் பதிவிட்டுள்ளார்.

அடுத்தடுத்து அப்டேட் கொடுக்கும் விடுதலை படக்குழுவினரை பலரும் பாராட்டி வருகின்றனர். இதனிடையே வரும் 26 ஆம் தேதி இசை மற்றும் டிரைலர் என ஒரே நாளில் டபுள் ட்ரீட் ரசிகர்களுக்கு காத்து இருக்கிறது. மலைக் கிராமத்தில் இருக்கும்  ஒரு புரட்சி கூட்டத்தின் தலைவர் பெருமாளை பிடிக்க அப்பகுதியிலேயே காவலாளிகள் கூடாரம் அமைத்து உள்ளனர். இருப்பினும் பலரின் தலையீடுகளால் அந்த மலைக் கிராம மக்களை அந்த காவலர்கள் கூட்டம் துன்புறுத்துகிறது. அந்த புரட்சிக் கூட்டத்தின் தலைவராக விஜய் சேதுபதி இருக்கிறார். இந்த காவலாளி கூட்டத்தின் நேர்மையான காவலராக  சூரி பணியாற்றி வருகிறார். இதற்கிடையில் இந்த இருவருக்கும் இடையே நடக்கும் நிகழ்வுகளே படமாக உள்ளது.