Tamil Serials: டி.ஆர்.பி இல்ல.. 2 சீரியல்களை இழுத்து மூடிய பிரபல டிவி சேனல்.. அதிர்ச்சியில் சின்னத்திரை உலகம்!
Aug 09, 2024, 04:34 PM IST
Share
Tamil Serials: சமீபத்தில் மீனாட்சி பொண்ணுங்க தொடர் முடிவுக்கு வந்ததை தொடர்ந்து, மதிய வேளையில் இரண்டு சீரியல்கள் அடுத்தடுத்து முடிவுக்கு வர இருப்பதாக தகவல்கள் கிடைத்துள்ளன. - அதிர்ச்சியில் சின்னத்திரை
தமிழ் சின்னத்திரையில் முன்னணி தொலைக்காட்சி சேனல்களில் ஒன்றாக விளங்கி வருகிறது ஜீ தமிழ். இந்த சேனலில் ஒளிப்பரப்பாகி வரும் சீரியல்கள், ரியாலிட்டி ஷோக்களுக்கு ரசிகர்கள் மத்தியில் வரவேற்பு இருந்து வருகிறது. ஒவ்வொரு நாளும், ஜீ தமிழ் சீரியல்களுக்கான வரவேற்பு ரசிகர்கள் இருக்கும் நிலையில், சேனலும் தொடர்ந்து புதுப்புது சீரியல்களை களத்தில் இறக்கி வருகிறது. ஆனால் தற்போது ஜீ தமிழ் நிறுவனத்திடம் இருந்து ஷாக் தகவல் ஒன்று வெளியாகி இருக்கிறது.
சமீபத்தில் மீனாட்சி பொண்ணுங்க தொடர் முடிவுக்கு வந்ததை தொடர்ந்து, மதிய வேளையில் இரண்டு சீரியல்கள் அடுத்தடுத்து முடிவுக்கு வர இருப்பதாக தகவல்கள் கிடைத்துள்ளன. ஆமாம், மதியம் 1 மணிக்கு ஒளிபரப்பாகி வரும் இந்திரா சீரியல் வரும் ஆகஸ்ட் 17-ம் தேதியுடன் முடிவடைய உள்ளதாக சொல்லப்படுகிறது. இந்த சீரியலில் அக்ஷய் கமல், பௌசி ஆகியோர் முன்னணி கதாபாத்திரங்களில் நடித்து வருகின்றனர்.
அதே போல் மதியம் 2:30 மணிக்கு ஒளிபரப்பாகி வரும் சண்டக்கோழி சீரியலும் ஆகஸ்ட் 17-ம் தேதியுடன் முடிவுக்கு வர இருப்பதாக தகவல் வெளியாகியுள்ளது. நியாஸ் மற்றும் ரியா விஸ்வநாதன் ஆகியோர் இந்த சீரியலில் முக்கிய வேடத்தில் நடித்து வருகின்றனர். மதன் சமீபத்தில் வெற்றி என்ற கதாபாத்திரத்தில் நடிக்க தொடங்கினார் என்பது குறிப்பிடத்தக்கது. இந்த இரண்டு சீரியல்களுக்கு பதிலாக விரைவில் புத்தம் புதிய சீரியல்களை தொடங்க ஜீ தமிழ் நிர்வாகம் முடிவெடுத்திருப்பதாக கூறப்படுகிறது.
அந்த சேனலில் மக்களிடம் வரவேற்பை பெற்று வரும் கார்த்திகை தீபம் சீரியல் அப்டேட்டை பார்க்கலாம்.
நேற்று கார்த்திகை தீபம் சீரியலில் நடந்தது என்ன?
தமிழ் சின்னத்திரையில், ஜீ தமிழ் தொலைக்காட்சியில் தினமும் இரவு 9 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம். இந்த சீரியலின் நேற்றைய எபிசோடில், அபிராமி தாலியுடன் பெண் சாமியாரை பார்க்க வந்திருந்த நிலையில், இன்று நடக்க போவது என்ன என்பது குறித்து பார்க்கலாம் வாங்க.
இன்று கார்த்திகை தீபம் சீரியலில் நடந்தது என்ன?
அதாவது, அபிராமியை பின்தொடர்ந்து வந்த ரம்யா, இதை எப்படியாவது தடுக்க வேண்டும் என்று முடிவெடுக்கிறாள். அதன் காரணமாக வைத்து, அபிராமியின் பேக்கை அவள் திருடி விடுகிறாள். பேக் காணாமல் போனதை தெரிந்து, அபிராமி அதிர்ச்சி அடைகிறாள். அதன் பிறகு கார்த்திக்கு போன் செய்து, தாலி காணாமல் போன விஷயத்தை சொல்லி, எப்படியாவது கண்டுபிடித்து கொடு என்று சொல்கிறாள். இதையடுத்து கார்த்திக் கோயிலுக்கு வருகிறான். அங்கு ரம்யா இருப்பதை பார்த்ததும் கார்த்திக்கிற்கு ரம்யா மீது சந்தேகம் வந்து விட்டது.
கார்த்திக், மொபைல் நம்பரை ட்ரேஸ் செய்து கண்டு பிடித்து விடுவார்கள் என்று சொல்ல, ரம்யா அதிர்ச்சி அடைகிறாள்.
இதனையடுத்து, உடனடியாக ஒரு திட்டத்தை போடுகிறான். அதன்படி, ரம்யாவிடம் நீங்க எங்கேயும் போகாமல் அம்மாவுடன் இங்கேயே இருங்கள். அவங்க ரொம்ப பயந்து போய் இருக்காங்க. நான் தாலியை கண்டு பிடித்து கொண்டு வருகிறேன் என்று சொல்ல, ரம்யா எப்படி கண்டு பிடிக்க போறீங்க என்று கேட்கிறாள். உடனே கார்த்திக், அந்த பேக்கில் தாலி மட்டும் இல்ல, அம்மாவோட போனும் இருக்கு, போலீசில் சொன்னால், மொபைல் நம்பரை ட்ரேஸ் செய்து கண்டு பிடித்து விடுவார்கள் என்று சொல்ல, ரம்யா அதிர்ச்சி அடைகிறாள்.
ரவுடியிடம் இருந்து நாலு பேர் பேக்கை பிடுங்கி வைத்திருந்ததாக சொன்ன ரம்யா
இந்த நிலையில், கார்த்திக் கிளம்பி போனதும், அபிராமியிடம் தண்ணீர் வாங்கி வருவதாக சொல்லிய ரம்யா, வேகவேகமாக வீட்டிற்கு சென்று அந்த பையை கொண்டு வருகிறாள். ஆனால் அபிராமியிடம் அதனை கொடுக்கும் போது, ரவுடியிடம் இருந்து நாலு பேர் பேக்கை பிடுங்கி வைத்து வெளியில் பேசிக்கொண்டு இருந்ததாக சொல்லி கொடுக்க, உண்மை தெரியாத அபிராமி சந்தோசப்படுகிறாள்.
ஹனிமூன் பற்றி கடுப்பாக்கிய ரம்யா கணவன் ரமேஷ்
பிறகு கார்த்திக்கு விஷயம் தெரிய, அவனும் அமைதியாகி விடுகிறான். ரம்யா வீட்டிற்கு வந்ததும், மாப்பிள்ளை ரமேஷ் ஹனிமூன் செல்வது குறித்து பேசி கடுப்பாக்குகிறான். இப்படியான நிலையில் அடுத்து நடக்க போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காண தவறாதீர்கள்.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
டாபிக்ஸ்