THE GOAT BOX OFFICE: குடும்பங்கள் கொண்டாடும் வெற்றி - தி கோட் படத்தின் 11 நாள் வசூல் நிலவரம் தெரியுமா?

THE GOAT BOX OFFICE: விஜய் நடித்து செப்டம்பர் 5ஆம் தேதி திரையரங்குகளில் பெரும் ஆரவாரத்திற்கும் கொண்டாட்டங்களுக்கும் மத்தியில் வெளியான திரைப்படம், தி கோட். இப்படம், இந்தியாவில் ரூ.212.50 கோடி ரூபாயைத் தாண்டி வசூலித்துள்ளதாக அறிவிப்பு வெளியாகியுள்ளது.

இயக்குநர் வெங்கட் பிரபு இயக்கத்தில் நடிகர் விஜய் நடித்து கடந்த செப்டம்பர் 5ஆம் தேதி ரிலீஸான திரைப்படம், தி கோட். அதாவது தி கிரேட்டஸ்ட் ஆஃப் ஆல் டைம் (The Greatest Of All Time) என்பதின் சுருக்கமே ‘ தி கோட்’. இது விஜய்யின் 68ஆவது படமாகும். இப்படத்தில் நடிகர் விஜய்க்கு ஜோடியாக மீனாட்சி செளத்ரி நடித்திருக்கிறார்.

தவிர, இந்தப் படத்தில் பிரசாத், பிரபுதேவா, மோகன், ஜெயராம், சினேகா, லைலா, அஜ்மல், வைபவ், பிரேம்ஜி அமரன், யுகேந்திரன் ஆகியோரும் முக்கியக் கதாபாத்திரங்களில் நடித்துள்ளனர்.

தி கோட் தொழில்நுட்பக் குழுவினர் விவரம்:

இந்தப் படத்தின் மூலம் நடிகர் விஜய்யின் படத்துக்கு, பல ஆண்டுகளுக்குப் பின், யுவன் சங்கர் ராஜா இசையமைத்திருக்கிறார். இப்படம் தமிழ், தெலுங்கு மற்றும் இந்தி மொழிகளில் ரிலீஸாகியிருக்கிறது. இப்படத்தை ஏஜிஎஸ் என்டர்டெயின்மென்ட் சார்பாக, கல்பாத்தி அகோரம்,கல்பாத்தி கணேஷ், கல்பாத்தி சுரேஷ் என சகோதரர்கள் மூவர் இணைந்து தயாரிக்கின்றனர்.

‘’தி கிரேட்டஸ்ட் ஆஃப் ஆல் டைம்'' படத்துக்கு உண்டான ஒளிப்பதிவினை சித்தார்த்தா நுனி புரிய, வெங்கட் ராஜின் என்பவர் எடிட் செய்கிறார். இப்படத்துக்குண்டான வசனத்தை விஜி மற்றும் வெங்கட் பிரபு ஆகிய இருவரும் இணைந்து எழுதியுள்ளனர்.

இப்படத்தில் கங்கை அமரன், மதன் கார்க்கி, கபிலன் வைரமுத்து, விவேக் ஆகிய நால்வர் சேர்ந்து, படத்துக்குண்டான பாடல்களை எழுதியுள்ளனர்.

தி கோட் படத்தின் கதை:

கென்யாவில் ரயிலில் கொண்டு செல்லப்படும் யுரேனியத்தையும், பயங்கவாதி ஓபரையும் பத்திரமாக கொண்டு வர Special Anti terrorist squad team சார்பில் காந்தி ( விஜய்), அஜய் (அஜ்மல்), சுனில் (பிரசாந்த்), கல்யாண் ( பிரபு தேவா) ஆகியோர் கொண்டு செல்ல ஆயுதங்களுடன் களமிறங்க, அந்த சண்டையில் ரயில் வெடித்து தீவிரவாதி மேனன் ( மோகன்) இறந்துவிடுவதாக காட்டப்படுகிறது.

இதற்கிடையே தாய்லாந்திற்கு மனைவி அனு ( சினேகா) உடன் செல்லும் காந்தி, தன்னுடைய மகனைப் பறி கொடுப்பதாக காட்டப்படுகிறது. ஆனால், பின்னாளில் அவனை காந்தி பிரச்சினை ஒன்றில் சந்திக்கிறார். அந்தப் பிரச்சினை என்ன? அதில் காந்திக்கு வில்லனாக மகன் மாறியது ஏன்? என்பது படத்தின் மீதிக்கதை.

தி கோட் திரைப்படத்தின் பாக்ஸ் ஆபிஸ் வசூல் நிலவரம்:

கடந்த செப்டம்பர் 5ஆம் தேதி ரிலீஸான நடிகர் விஜய்யின் ‘தி கோட்’ படம், இந்தியாவில் மட்டும் இதுவரை 212.5 கோடி வசூல் செய்துள்ளது.

தி கோட் திரைப்படம் ரிலீஸான முதல் நாள் ரூ.44 கோடி வசூல் செய்துள்ளது. அதன்படி, தமிழில் ரூ.39.15 கோடியும், இந்தியில் ரூ.1.85 கோடியும், தெலுங்கில் ரூ.3 கோடியும் என மொத்தமாக 44 கோடி ரூபாய் வசூல் செய்துள்ளது. இரண்டாவது நாளில் 25.5 கோடி ரூபாய் வசூல் செய்துள்ளது. குறிப்பாக, தமிழில் ரூ.22.75 கோடியும், இந்தியில் ரூ.1.4 கோடியும், தெலுங்கில் ரூ.1.35 கோடியும் வசூல் செய்துள்ளது.

மூன்றாவது நாளில், ரூ.33 கோடி வசூலித்து இருக்கிறது. அதன்படி தமிழில் ரூ.29.1 கோடியும், இந்தியில் ரூ. 2.15 கோடியும், தெலுங்கில் ரூ. 1.75 கோடியும் வசூலித்துள்ளது. இதன்மூலம் தி கோட் திரைப்படம் ரிலீஸாகி மூன்று நாட்களில் ரூ.102.5 கோடி வசூலித்துள்ளது. இன்னும் தமிழ்நாட்டிலும் பிறமாநிலங்களிலும் ஹவுஸ் ஃபுல் காட்சிகளாக ஓடி வருகிறது.

அதன்பின், நான்காவது நாளில் தி கோட் திரைப்படம், ரூ.34 கோடியும், ஐந்தாவது நாளில் ரூ.14.75 கோடியும், ஆறாவது நாளில் இந்தியாவில் ரூ.11 கோடியும், ஏழாவது நாளில் ரூ.8.5 கோடியும், எட்டாவது நாளில் ரூ. 6.75 கோடியும், ஒன்பதாவது நாளில் ரூ.6.75 கோடியும், பத்தாவது நாளில் இந்திய அளவில் ரூ.13.5 கோடியும், பதினோராவது நாளில் இந்திய அளவில் கோட் திரைப்படம், ரூ.14.25 கோடியும் வசூலித்துள்ளது. அதன்படி, படம் வெளியாகி 11 நாட்களில் இதுவரை ரூ.212.50 கோடி இந்திய அளவில் கோட் படம் ரிலீஸாகியுள்ளது.

இதுதவிர, தி கோட் திரைப்படம் உலகளவில் 11 நாட்களில் ரூ.390 கோடிக்கும் மேல் வசூலித்துள்ளதாகத் தகவல் வெளியாகியுள்ளது.