HBD Yuvan Shankar Raja: முதல் டீன் ஏஜ் இசையமைப்பாளர்..பிஜிஎம் கிங் யுவன் சங்கர் ராஜா இசையமைத்த முதல் பாடல் எது தெரியுமா?
HBD Yuvan Shankar Raja: முதல் டீன் ஏஜ் இசையமைப்பாளர், ரசிகர்களால் பிஜிஎம் கிங், யங் மேஸ்ட்ரோ என கொண்டாடப்படும் இசையமைப்பாளராக இருந்து வரும் யுவன் சங்கர் ராஜா இன்று தனது பிறந்தநாளை கொண்டாடுகிறார். அவர் கம்போசிங் செய்த முதல் பாடல் என்ன என்பதை பார்க்கலாம்
தமிழ் சினிமாவில் 25 ஆண்டுகளுக்கும் மேலாக தனது இசையால் உலகம் முழுவதும் கோடிக்கணக்கான மக்களின் மனதில் இருப்பவர் யுவன் சங்கர் ராஜா. லிட்டில் மேஸ்ட்ரோ, யங் மேஸ்ட்ரோ, பிஜிஎம் கிங் என பல பெயரால் ரசிகர்களை இவரை செல்லமாக அழைக்கிறார்கள்.
1996இல் தமிழில் வெளியான அரவிந்தன் படத்தில் தொடங்கி தற்போது வரை 170க்கும் மேற்பட்ட படங்களில் இவரது இசைப்பயணம் தொடர்ந்து கொண்டிருக்கிறது. தமிழ் தவிர தெலுங்கு, கன்னடா, இந்தி மொழிகளில் இசையமைத்துள்ள இவர் பாடல்கள் பெரும்பாலானவை 2கே ஆரம்பகட்டத்தில் இளைஞர்களின் மனதை ரீங்காரமாய் ஒலித்த பாடல்களாக அமைந்தன.
தமிழ் சினிமாவில் முதல் டீன் ஏஜ் இசையமைப்பாளர்
யுவன் சங்கர் ராஜா இசையமைப்பாளராக அறிமுகமானபோது அவருக்கு வயது 16. சரியாக சொல்வதென்றால் பள்ளி படிக்கும் டீன் ஏஜ் மாணவனாக இருந்தபோது இசையமைப்பாளராக தமிழ் சினிமாவில் அறிமுகமாகி கவனத்தை ஈர்த்தார். முதல் படத்திலேயே அற்புதமான ஹிட் பாடல்களை கொடுத்திருந்த போதிலும், யுவனை இசையை திரும்பி பார்க்க வைத்த படமாக சூர்யா - ஜோதிகா நடித்த பூவெல்லாம் கேட்டுப்பார் இருந்தது. இந்த படத்தில் இடம்பிடித்த பாடல்கள் எல்லாம் இன்றளவும் யுவனின் பெஸ்ட் ஆல்பம் லிஸ்டில் ஒலித்துகொண்டிருக்கின்றன.