BJP: 'வேண்டுமானால் யானை, குதிரை சாப்பிடுங்கள், ஆனால்...' தேஜஸ்வியை விளாசிய ராஜ்நாத் சிங்!

பீகார் முன்னாள் துணை முதல்வரும், ராஷ்டிரிய ஜனதா தள தலைவருமான தேஜஸ்வி யாதவ் நவராத்திரி தினத்தன்று மீன் சாப்பிட்ட வீடியோ வைரல் ஆனது தொடர்பாக பாதுகாப்பு அமைச்சரும் பாஜக தலைவருமான ராஜ்நாத் சிங் கடுமையாக விமர்சித்துள்ளார்.

பீகாரின் பாங்காவில் நடந்த பேரணியில் பேசிய அவர், "முன்னாள் அமைச்சர்கள் இருக்கிறார்கள்... மனசு வலிக்குது... நவராத்திரி பண்டிகை வருகிறது, அவர் பெரிய வறுத்த மீன்களைக் காட்டி, அவற்றை சாப்பிடுகிறார். என்ன செய்தியை சொல்ல விரும்புகிறீர்கள்? மீன், யானை, குதிரை என எதை வேண்டுமானாலும் சாப்பிடுவீர்கள். அதை உலகுக்கு காட்ட உங்களிடம் என்ன இருக்கிறது?" என்று ராஜ்நாத் சிங் கேள்வி எழுப்பினார்.

மக்களின் உணர்வுகளை புண்படுத்த உங்களுக்கு யார் உரிமை கொடுத்தது... வேறு யாரும் காட்டுவதில்லை... இப்படி ஒரு தைரியம் உங்களுக்கு... உனக்கு அந்த அளவுக்கு ஆணவம் இருக்கா?" என ராஜ்நாத் சிங் கேள்வி எழுப்பி உள்ளார். 

பீகாரின் ஜமாயில் நடந்த பேரணியின் போது, வாக்குகளைப் பெறுவதற்கும் ஒரு குறிப்பிட்ட சமூகத்தைச் சேர்ந்த மக்களை கவருவதற்கும் யாதவ் இதுபோன்ற விஷயங்களைச் செய்வதாக ராஜ்நாத் சிங் குற்றம் சாட்டினார். 

கடந்த ஏப்ரல் 9ஆம் தேதி அன்று தேஜஷ்வி யாதவ் வெளியிட்ட வீடியோவில் பீகார் முன்னாள் துணை முதலமைச்சர் தேஜஸ்வி யாதவ் மற்றும் பீகார் முன்னாள் அமைச்சர் முகேஷ் சஹானி ஆகியோர் மக்களவைத் தேர்தலுக்கான "பரபரப்பான" பிரச்சாரத்திற்குப் பிறகு மதிய உணவில் வறுத்த மீனை சாப்பிடும் காட்சிகள் இடம் பெற்று இருந்தன. 

இந்த வீடியோ அரசியல் வட்டாரத்தில் பரபரப்பை ஏற்படுத்தியது. இது குறித்து தெளிவுபடுத்திய ராஷ்ட்ரீய ஜனதா தளம் எம்.பி மனோஜ் ஜா, "உங்களுக்கு (பிரதமர்) என்ன நடக்கிறது? உங்கள் மாநில அளவிலான தலைவர்கள் வலையில் விழுந்தனர், ஆனால் நீங்களும்? இது ஏப்ரல் 8 ஆம் தேதி ஒரு ட்வீட், நவராத்திரிக்கும் எந்த தொடர்பும் இல்லை. தேஜஸ்வி யாதவ் வேலைகளைப் பற்றி பேசுகிறார், நீங்கள் ஏன் அங்கு அமைதியாக இருக்கிறீர்கள்?

மிசா பாரதியை விளாசிய ராஜ்நாத் சிங் 

ராஷ்ட்ரீய ஜனதா தள எம்.பி மிசா பாரதி முன்னதாக, இந்த நாட்டு மக்கள் இந்தியா கூட்டணிக்கு ஒரு வாய்ப்பை வழங்கினால், பிரதமர் மோடி முதல் பாஜக தலைவர்கள் வரை அவர்கள் சிறைக்கு பின்னால் இருப்பார்கள் என்று கூறியிருந்தார் ... "

இதற்கு பதில் அளித்து பேசிய ராஜ்நாத் சிங், பிரதமர் மோடி "தனது முழு வாழ்க்கையையும் தேசத்திற்காக அர்ப்பணித்தவர்" என்றும், "தனது தாயை வாழ்நாள் முழுவதும் கவனித்துக்கொண்டவர்" என்றும் சிங் பாராட்டினார்.

நாடாளுமன்றத் தேர்தல் 2024:

543 மக்களவைத் தொகுதிகளுக்கான தேர்தல் ஏப்ரல் 19 ஆம் தேதி தொடங்கி ஜூன் 1 ஆம் தேதி வரை ஏழு கட்டங்களாக நடைபெற உள்ளது. வாக்கு எண்ணிக்கை ஜூன் 4-ம் தேதி நடைபெறும். முதல் கட்ட தேர்தல் ஏப்ரல் 19ம் தேதியும், இரண்டாம் கட்ட தேர்தல் ஏப்ரல் 26ம் தேதியும், மூன்றாம் கட்ட தேர்தல் மே 7ம் தேதியும், நான்காம் கட்ட தேர்தல் மே 13ம் தேதியும், 5-ம் கட்ட தேர்தல் மே 20-ம் தேதியும், 6-ம் கட்ட தேர்தல் மே 25-ம் தேதியும், கடைசி மற்றும் 7-ம் கட்ட தேர்தல் ஜூன் 1ம் தேதியும் நடைபெற உள்ளது.

தமிழ்நாட்டில் நாடாளுமன்றத் தேர்தல் 2024

தமிழகம் மற்றும் புதுச்சேரியில் வரும் ஏப்ரல் 19ஆம் தேதி அன்று ஒரே கட்டமாக நாடாளுமன்றத் தேர்தல் நடைபெற உள்ளது. இதற்கான வேட்பு மனுத்தாக்கல் கடந்த மார்ச் 20ஆம் தேதி தொடங்கி, மார்ச் 27ஆம் தேதி நிறைவடைந்தது.

மார்ச் 28ஆம் தேதி வேட்புமனுக்கள் மீதான பரிசீலனை நடைபெற்ற நிலையில் வேட்புமனுக்களை திரும்ப பெறுவதற்கான அவகாசம் மார்ச் 30ஆம் தேதி உடன் நிறைவடைந்ததால் இறுதி வேட்பாளர் பட்டியல் வெளியிடப்பட்டுள்ளது. தேர்தலில் பதிவு செய்யப்பட்ட வாக்குகள் வரும் ஜூன் 4ஆம் தேதி எண்ணப்பட்டு அன்றே முடிவுகள் அறிவிக்கப்படுகின்றன.