Election 2024: ’கடலில் முகத்தை காட்டியவர்! மக்களுக்கு முதுகை காட்டிவிட்டார்! பாஜக 140 சீட் கூட தாண்டாது!’ அகிலேஷ் யாதவ்!

நாடாளுமன்றத் தேர்தலில் பாஜகவால் 140 இடங்களை கூட தாண்ட முடியாது என சமாஜ்வாதி கட்சித்தலைவர் அகிலேஷ் யாதவ் கூறி உள்ளார். 

இது தொடர்பாக ஏ.என்.ஐ செய்தி நிறுவத்திடம் அவர் அளித்த பேட்டியில், மக்களவைத் தேர்தல் முடிவுகள் ஜூன் 4 ஆம் தேதி வெளியாகும் பின்னர் மத்தியில் இந்தியா கூட்டணி அரசாங்கத்தை அமைக்கும் என்றும் நம்பிக்கை தெரிவித்து உள்ளார். 

பிரதமர் நரேந்திர மோடி கன்னியாகுமரியில் உள்ள விவேகானந்தர் மண்டபத்தில் தியானம் செய்வது குறித்து விமர்சனம் செய்த அவர், "கடலை நோக்கி அமர்ந்திருப்பவர் பொது மக்களுக்கு முதுகு காட்டி விட்டார் என்பதே உண்மை. மக்களும் அவர்களுக்கு எதிராக உள்ளனர். '400 பார்' என்றால் என்ன? அவர்களால் பாஜக பாஜகவால் 140 ரன்களைத் தாண்ட முடியாது"  என்று கூறினார். 

இறுதி கட்ட தேர்தல் நடைபெறும் இன்றைய தினம் டெல்லியில் இந்தியா கூட்டணி கட்சி தலைவர்கள் கூட்டம் நடந்து வருகின்றது. இந்த கூட்டத்தில் கலந்து கொள்வதற்காக லக்னோ விமான நிலையத்தில் இருந்து அகிலேஷ் யாதவ் டெல்லி வந்தார்.

லோக்சபா தேர்தல் தொடர்பான கூட்டணி கூட்டத்தில் பங்கேற்க இந்தியா பிளாக் தலைவர்கள் பலரும் டெல்லி வந்தனர்.

ராஷ்ட்ரீய ஜனதா தள தலைவர் தேஜஸ்வி யாதவ், ஆம் ஆத்மி எம்பி ராகவ் சதா, ஜார்க்கண்ட் முதல்வர் சம்பை சோரன், சிவசேனா தலைவர் அனில் தேசாய் உள்ளிட்டோர் இன்று டெல்லி வந்தனர்.

பீகாரில் முடிவுகள் ஆச்சர்யம் அளிக்கும்

தேஜஸ்வி யாதவ் கூறுகையில், "பணவீக்கம், வறுமை மற்றும் வேலையின்மையை அதிகம் ஆக்கியவர்களுக்கு பாடம் கற்பிக்க இன்று மக்கள் வாக்களிக்கிறார்கள். 300-க்கும் மேற்பட்ட இடங்களில் வெல்வோம், தேர்தலுக்கு பிந்தைய கருத்துக்கணிப்புகள் அனைத்தும் ஒருதலைப்பட்சமாக காட்டப்படுவது அனைவருக்கும் தெரியும். இந்த முறை அது நடைமுறைக்கு வராது. பீகாரில் ஆச்சரியமான முடிவுகள் இருக்கும். மத்தியில் பாஜகவால் ஆட்சி அமைக்க முடியாத அளவுக்கு தொகுதிகள் இருக்கும் என்றார். 

இந்தியா கூட்டணி தலைவர்கள் பேட்டி 

ஆம் ஆத்மி எம்.பி ராகவ் சத்தா கூறுகையில், "மல்லிகார்ஜுன கார்கேவின் இல்லத்தில் இந்திய அணியின் உயர்மட்ட தலைவர்களின் கூட்டம் இன்று அழைக்கப்பட்டுள்ளது. அந்த கூட்டத்தில் ஆம் ஆத்மி கட்சியின் தேசிய அமைப்பாளர் அரவிந்த் கெஜ்ரிவால் மற்றும் கட்சியைச் சேர்ந்த அனைவரும் பங்கேற்போம் என்றார். 

டெல்லி வந்த ஜார்க்கண்ட் முதல்வரும், சம்பாய் சோரனும், இந்தியா கூட்டணிக்கு நல்ல எண்ணிக்கையிலான இடங்கள் கிடைக்கும் என்று தெரிவித்தார். 

சிவசேனா (யுபிடி) தலைவரும் தென் மத்திய தொகுதியின் கட்சி வேட்பாளருமான அனில் தேசாய், இந்த முறை கள யதார்த்தம் வேறுபட்டது என்றும், மக்கள் பாஜக மீது மிகவும் கோபமாக உள்ளனர் என்றும் கூறினார்.

நாடாளுமன்றத் தேர்தல் 2024:

இந்தியாவில் உள்ள 543 மக்களவைத் தொகுதிகளுக்கான தேர்தல் கடந்த ஏப்ரல் 19 ஆம் தேதி தொடங்கி ஜூன் 1 ஆம் தேதி வரை ஏழு கட்டங்களாக நடைபெற்று வருகிறது.

முதல் கட்ட தேர்தல் கடந்த ஏப்ரல் 19ஆம் தேதி தமிழ்நாடு உள்ளிட்ட 21 மாநிலங்களில் உள்ள 102 தொகுதிகளில் நடந்து முடிந்தது.

இரண்டாம் கட்ட தேர்தல் கடந்த ஏப்ரல் 26ஆம் தேதியும், மூன்றாம் கட்ட தேர்தல் கடந்த மே 7ஆம் தேதியும், மே 13ஆம் தேதி அன்று நான்காம் கட்ட தேர்தலும் நடந்து முடிந்தது.

வரும் மே 20ஆம் தேதி அன்று 5ஆம் கட்ட தேர்தலுக்கான வாக்குப்பதிவும், மே 25ஆம் தேதி அன்று 6ஆம் கட்ட வாக்குப்பதிவும் நடைபெற்ற முடிந்த நிலையில், ஜூன் 1ஆம் தேதியான இன்று இறுதி கட்ட தேர்தல் நடைபெற்று வருகிறது. ஜூன் 4ஆம் தேதி அன்று பதிவான வாக்குகள் எண்ணப்பட்டு முடிவுகள் அறிவிக்கப்பட உள்ளன.