கதவை தட்டும் சனீஸ்வரர்! சனி வக்ர நிவர்த்தியால் ராஜ யோகம் பெறப்போகும் ராசிகள்!

நடுநிலை வாதியான சனி பகவான் நாம் செய்யும் கரும வினைகளுக்கான பலன்களை வழங்குவார். அதிலும் குறிப்பாக கொடுப்பதாக இருந்தாலும் அள்ளிக் கொடுப்பார். கெடுப்பதாக இருந்தாலும் மொத்தமாக முடித்து விடுவார். அத்தகைய ஆற்றல் கொண்ட சனி பகவான் ஒரு ராசியில் வக்ர நிவர்த்தி அடையும் போது பல விதமான நன்மைகளை வழங்குவார்.  

திருக்கணித பஞ்சாங்கத்தின் படி இந்த வேலையில் அதிர்ஷ்டத்தை அள்ளும் ராசிகளாக 3, 6 மற்றும் 11 ஆகிய இடங்ளில் சஞ்சரிக்கும் தனுசு, கன்னி மற்றும் மேஷம் ஆகிய மூன்று ராசிகள் பெறுகின்றன. நடுநிலையான பலன்களை பெறும் இடங்களாக 5, 9 மற்றும் 10 ஆகிய இடங்களில் உள்ள துலாம், மிதுனம் மற்றும் ரிஷபம் ஆகிய ராசிக்காரர்களுக்கு நல்ல நிறைவான மாறுதல் இந்த சனி வக்ர நிவர்த்தியால் இந்த ராசிக்காரர்களை தேடி வரும். எந்தெந்த ராசிக்கு சனி வக்ர பெயர்ச்சி அளிக்கும் பலன்களை இங்கு காணலாம். 

லாபஸ்தானம்  மேஷம்

மேஷ ராசிக்காரர்களுக்கு 2025 ஆம் ஆண்டு மார்ச் மாதம் ஏழரை சனி துவங்க உள்ளது. அதற்கு முந்தைய இந்த ஐந்து மாதங்கள் ஒரு பொற்காலமாக அமையவுள்ளது. இவர்கள் தொட்டது துலங்கும். லாபம் உயரும். புதிய வேலை கிட்டும். மேஷ ராசிக் காரர்கள் ஏதாவது தொழில் தொடங்க வேண்டும் என்றால் இது உகந்த காலமாகும். வாங்கிய கடன்கள் அடைபடும் நேரமாகவும் இது இருக்கும். 

கன்னிக்கு யோகம் 

கன்னி ராசிக்கு சனி பகவான் ராஜயோகம் கொடுக்கக்கூடிய ஆறாம் இடத்தில் வக்ர நிவர்த்தி அடைகிறார். எதிர்பாரா அதிர்ஷ்டம் அடிக்க கூடிய காலம் வரப்போகிறது. விரயச் செலவுகள் கட்டுக்குள் வரும் ஆரோக்கிய தொல்லை விலகும். கடன் சார்ந்த தொல்லைகள் விலகும். மறைமுகமாக மற்றும் நேரடியாக சந்திக்க கூடிய பெரிய அளவில் ஆன சிக்கல்கள் விலகி மகிழ்ச்சி குடும்பத்தில் பிறக்கும். நீதிமன்ற வழக்குகள் பூர்வீக சொத்துக்கள் ரீதியான பிரச்சனை கட்டுக்குள் வரும். எதிர்பாராத நிரந்தர வேலை வாய்ப்பு மற்றும் நிரந்தர தொழில் துவங்குவதற்கான யோகமும் தொழிலில் லாபத்தை உயர்த்திக் கொள்வதற்கான சந்தர்ப்பமும் உண்டு.

மேன்மை அடையப் போகும் தனுசு 

தனுசு ராசிக்காரர்களுக்கு தைரிய ஸ்தானத்தை வெற்றிக்குரிய மூன்றாம் இடத்தை வலுப்படுத்துவதால் எந்த காரியத்தை தொட்டாலும் வெற்றிகரமாக அமையும். நீண்ட நாட்களாக இழுபறிகள் உள்ள பணிகளை சனி வக்கிர நிவர்த்தி பெறுவதால் துல்லியமாக செய்து முடிக்கலாம் . தைரியமும் தன்னம்பிக்கையும் பிறக்கும். எனவே, சவால் நிறைந்த பணிகளை சிறப்பாக செய்யலாம். திருமணம் உள்ளிட்ட பல சுப நிகழ்வுகள் சிறப்பாக சிக்கல் இல்லாமல் அமையும்.

பொறுப்பு துறப்பு

இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.