உருவானது இந்தாண்டின் கடைசி குரு புஷ்ய யோகம்.. இந்த 4 ராசிக்காரர்கள் தொட்டதெல்லாம் இன்று பொன்னாகப் போகிறது..!

ஜோதிட சாஸ்திரத்தின்படி, கிரகங்கள் ராசி மற்றும் நட்சத்திரத்தை மாற்றும் போது சில அரிய யோகங்கள் உருவாகின்றன. அந்தவகையில், குரு புஷ்ய நட்சத்திர யோகம் என்பது மிகவும் சக்திவாய்ந்தாக கருதப்படுகிறது. குருவிற்கு உகந்த நாளான வியாழக்கிழமையில் பூசம் நட்சத்திரத்துடன் வியாழன் கிரகம் இணைந்தால் அப்போது குரு புஷ்ய யோகம் உருவாகும். இந்த நிகழ்வின் போது சில ராசிக்காரர்களுக்கு பல நன்மைகள் கிடைக்கும்.

இந்த அரிய யோகமானது 2024 ஆம் ஆண்டில் நவம்பர் 21ஆம் தேதி (இன்று) உருவாகியுள்ளது.  இன்று காலை 6:49 மணி முதல் மாலை 3:35 மணி வரை இந்த யோகம் நீடிக்கும். இந்த வருடத்தின் கடைசி குரு புஷ்ய யோகம் இதுவாகும்.

குரு புஷ்ய யோகம் உருவாகும் நாளில் புதிய முயற்சிகள், முதலீடுகள் மற்றும் நிதி மற்றும் தொழில்முறைத் துறைகளில் வெற்றியை அடைவதற்கு மிகவும் சாதகமானதாகக் கருதப்படுகிறது. குறிப்பிடத்தக்க வகையில், இந்த குரு புஷ்ய யோகமானது 4 ராசிகளுக்கு நல்ல பலன்களை தரும். அந்த ராசிகள் எவை என்று பார்ப்போம்.

மிதுனம்

மிதுன ராசிக்காரர்களுக்கு, இந்த ஆண்டின் கடைசி குரு புஷ்ய யோகம் எதிர்பாராத நிதி ஆதாயங்களை தரும். வரப்போகும் ஆண்டில் புனித யாத்திரை செல்லலாம். குரு புஷ்ய யோகத்தின் போது ஒரு குடும்ப உறுப்பினருக்கு எதைக் கொடுத்தாலும் அது நேர்மறையான பலனைத் தரும். உங்கள் வருமானத்தில் திடீர் அதிகரிப்புக்கான அறிகுறிகளும் உள்ளன. மாணவர்கள் பெற்றோர் மற்றும் ஆசிரியர்களின் ஆலோசனையுடன் வெற்றியை அடைவார்கள். மிதுன ராசிக்காரர்கள் போட்டித் தேர்வுகளுக்கு தயாராகும் போது, அதில் வெற்றி பெறுவார்கள்.

கன்னி

குரு புஷ்ய யோகம் கன்னி ராசிக்காரர்களுக்கு மிகவும் பயனுள்ளதாக இருக்கும். நீங்கள் இதற்கு முன்பு முதலீடு செய்திருந்தால், அதிலிருந்து பல நன்மைகளைப் பெற வாய்ப்பு உள்ளது. புதிய வேலை தேடிக் கொண்டிருப்பவர்களும் வெற்றி பெறலாம். வியாபாரத்தில் லாபம் ஏற்பட்டு திருமண வாழ்க்கையில் ஒற்றுமை நிலவும்.

தனுசு

குரு புஷ்ய யோகத்தின் சுப பலன்கள் தனுசு ராசிக்காரர்களின் நம்பிக்கையை அதிகரிக்கும். நிலுவையில் உள்ள பணிகளை வெற்றிகரமாக முடிப்பீர்கள். வெளிநாடு செல்லும் யோகம் உண்டாகும். தொழில் வியாபாரம் செய்பவர்களுக்கு அதிக லாபம் கிடைக்கும். உத்தியோகத்தில் இருப்பவர்களுக்கு முன்னேற்றமும் பதவி உயர்வும் கிடைக்க வாய்ப்புள்ளது. காதல் வாழ்க்கை நன்றாக இருக்கும், சமூக கௌரவம் உயரும்.

மகரம்

மகர ராசிக்காரர்கள் இந்த ஆண்டின் கடைசி குரு புஷ்ய யோகத்தின் மூலம் விரும்பிய வெற்றியைப் பெற வாய்ப்புள்ளது. நீங்கள் ஒரு நிலம் அல்லது சொத்தை வாங்க அல்லது விற்க நினைத்தால், நீங்கள் பயனடையலாம். உங்களுக்கு வருமானத்தில் அதிகரிப்புக்கான புதிய வாய்ப்புகள் உருவாகும். வணிகத்தைப் பற்றி பேசுகையில், ஆண்டின் இறுதியில் ஒரு பெரிய ஒப்பந்தம் இறுதி செய்யப்படலாம். மாணவர்களுக்கு முன்னேற்றத்திற்கான வாய்ப்புகளும் உள்ளன.

பொறுப்பு துறப்பு

இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.