New Year Rasipalan 2025: ’வீடு, வாகனம், திருமணம் உறுதி!’ கன்னி ராசிக்கான புத்தாண்டு ராசிபலன்கள்!

வரும் 2025ஆம் ஆண்டு மார்ச் மாதம் 29ஆம் தேதி சனி பகவான் கும்பம் ராசியில் இருந்து மீனம் ராசிக்கு பெயர்ச்சி ஆகிறார். 2025ஆம் ஆண்டு மே 15ஆம் தேதி அன்று குரு பகவான் ரிஷபம் ராசியில் இருந்து மிதுனம் ராசிக்கு பெயர்ச்சி ஆக உள்ளார். அடுத்து வரும் மே 18 ஆம் தேதி மீன ராசியில் இருக்கக்கூடிய ராகு பகவான், கும்ப ராசிக்கும், கன்னி ராசியில் இருக்கக்கூடிய கேது வந்து சிம்ம ராசிக்கும் பெயர்ச்சி ஆக உள்ளனர். ஒரு ராசியில் நீண்டநாள் இருந்து தாக்கம் செலுத்தும் சனி பகவான், குரு பகவான், ராகு, கேது பகவான் ஆகியோரின் பெயர்ச்சி நடக்கும் ஆண்டாக 2025ஆம் ஆண்டு உள்ளது.

சனி பெயர்ச்சி 

கன்னி ராசிக்கு 6ஆம் இடத்தில் இருந்த சனி பகவான் 7ஆம் இடத்திற்கு செல்ல உள்ளார். 7ஆம் இடத்தில் உள்ள ராகு 6ஆம் இடத்திற்கு செல்ல உள்ளார். 

கன்னி ராசிக்கு 7ஆம் இடத்திற்கு சனி வருதற்கு கண்ட சனி என்று பெயர் ஆகும். நீண்ட நாட்களாக தடைப்பட்டு இருந்த திருமணம் கைக்கூடும். திருமணம் ஆனவர்களுக்கு கணவன், மனைவி இடையே சிக்கல்கள் வர வாய்ப்புகள் உள்ளது. பங்குதாரர்கள் மூலம் தொழில்கள் நடத்துபவர்கள் இணக்கமாக செல்ல வேண்டிய காலம் இது. கோபபடாமல் அனுசரித்து செல்வது நன்மைகளை தரும். ஒரே இடத்தில் உக்கார்ந்தபடி வேலை செய்பவர்களுக்கு முதுகு பகுதிகளில் பாதிப்பு வர வாய்ப்பு உள்ளது. 

சனி பகவானின் 3ஆம் பார்வை ராசிக்கு 9ஆம் இடத்தை பார்ப்பதால் கடும் உழைப்பை போட வேண்டிய காலம் இது. தந்தை உடன் பேசும் போது கவனம் தேவை. சொத்து பிரிப்பதில் சிக்கல்கள் வர வாய்ப்புகள் உண்டு. வெளிநாட்டிற்கு சென்று கல்வி கற்பதில் இருந்த தடைகள் அகலும். புதிய முயற்சி செய்பவர்கள் கவனமாக இருப்பது முக்கியம். சனி பகவானின் 7ஆம் பார்வை ராசியை பார்ப்பதால் உடல் சோர்வை உண்டாக்கும். பிள்ளைகள் வழியில் கவலைகள் ஏற்படும். தேவையில்லாத கவலை மற்றும் பய உணர்வு ஏற்படலாம். உழைப்பில் கவனம் செலுத்தும் போது நன்மைகள் கிடைக்கும். சனியின் 10ஆம் பார்வை ராசிக்கு 4ஆம் வீட்டை பார்க்கிறன்றது. இதனால் புதிய வீடு, மனை, வாகனங்களை வாங்குவீர்கள். 

குரு பெயர்ச்சி 

9ஆம் இடத்தில் உள்ள குரு 10ஆம் இடத்திற்கு வருவது அவ்வளவு சிறப்பு இல்லை. சிலருக்கு இடமாற்றங்கள் உண்டாகும்.  சிலருக்கு புதிய வேலை வாய்ப்புகள் உண்டாகும். தள்ளி போன பதவி உயர்வுகள் கிடைக்கும். இந்த காலகட்டத்தில் அவசரப்பட்டு வேலையை விடுவது கூடாது.  குருவின் 5ஆம் பார்வை கன்னி ராசிக்கு 2ஆம் இடத்தில் கிடைப்பதால் குடும்பத்தில் கலகலப்பு உண்டாகும். குடும்பத்தில் இருந்த மன ஸ்தாபங்கள் நீங்கும். 

வருவாய் இல்லாமல் இருந்தவர்களுக்கு கூடுதல் வருவாய் கிடைக்கும். வேலை தேடுபவர்களுக்கு புதிய வேலை வாய்ப்புகள் உண்டாகும். குழந்தை பாக்கியம் கிடைக்கும். குரு பகவான் 4ஆம் வீட்டை பார்க்கிறார். இதனால் வீடு, மனை, வாகனம் வாங்கும் திட்டம் நிறைவேறும். பழைய வாகனம் மற்றும் வீட்டை மாற்றிவிட்டு புதியவைகளை வாங்குவீர்கள். 

தொழில் தொடங்க தேவையான கடன்கள் கிடைக்கும். முதலாளிகளுக்கு நல்ல பணியாளர்கள் கிடைப்பார்கள். போட்டித் தேர்வுக்கு தயாராகும் மாணவர்களுக்கு வெற்றி கிடைக்கும். 

ராகு கேது பெயர்ச்சி 

7இல் இருந்த ராகு 6க்கு வருவதால் சவால்களை தாண்டி வெற்றிக் கொடி நாட்டுவீர்கள். பலருக்கு புதிய வேலை மற்றும் தொழில் வாய்ப்புகள் உண்டாகும். உடல்நிலை பாதிப்பு, கடன் துன்பம், எதிரிகள் பயம் தீரும். ராசியில் இருந்த கேது பகவான் 12ஆம் வீட்டுக்கு இடம்பெயர்வதால் நன்மைகள் உண்டாகும். 

பொறுப்பு துறப்பு

இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.