Muthaiya Temple: தொன்மை வாய்ந்த முத்தையா சுவாமி!

கடலூர் மாவட்டம் திட்டக்குடியில் இருந்து சுமார் 2 கிலோ மீட்டர் தொலைவில் உள்ள பெருமூளை கிராமத்தில் அருள்மிகு முத்தையா சுவாமி திருக்கோயில் அமைந்துள்ளது. மலைகள் குன்றுகள் எல்லாம் சிவக்குமரன் விளங்கும் உறைவிடம் பன்னெடுங்காலங்களுக்கு முன்பே விருத்தகிரி என்றும் பழமலை என்றும் இத்தலம் அழைக்கப்படுகிறது.

இத்தலம் பெருமுளை, சிறுமுளை, பூமாலை, செம்மலை எனும் மலைகளாக இருந்து தொன்மை வாய்ந்தது இந்த ஸ்ரீ வள்ளி தெய்வம் முத்தையா சுவாமி என்ற திருநாமத்துடன் சுவாமி பக்த கோடிகள் உய்யும் பொருட்டு அமைந்துள்ளார். பச்சையம்மன் இடது கையில் குங்குமம் ஏந்தியும், வலது கையில் தாமரை பூவும் கொண்டு அருள்பாலித்து அமர்ந்த நிலையில் காணப்படுகிறார்.

இக்கோயிலில் உள்ள முருகன் மயில்வாகனம் கொண்டு காட்சி தருகிறார். இக்கோயிலில் வெள்ளை யானை ஐராவதம் வாகனமாக அமைந்துள்ளது. திருஉச்சிரவம் என்னும் வெள்ளைக் குதிரையும் இங்கு அமைய பெற்றுள்ளது. இந்த முத்தையா சுவாமி சன்னதி அருகே செம்மலயப்பா, முத்தையா, ராயப்பா, அருவ சம்பா உனை கொண்ட காட்சி, பச்சையம்மன் சன்னதி அதே வளாகத்தில் பேச்சியம்மன், பூங்காளம்மன், காத்தாலம்மன், மருளாலம்மன், அகோதர சுவாமி சன்னதிகள் அமைந்துள்ளது.

இக்கோயிலின் நுழைவாயிலில் நந்திகேஸ்வரரும், பலிபீடமும் அமைந்துள்ளனர். முத்தையா சுவாமிக்கு வலது புறம் முனீஸ்வர சுவாமிகள் அமையப்பெற்றுள்ளனர். அமிர்த குன்று என்று அழைக்கப்படும் ஆழ்கிணறு, ராயப்பா சன்னதி, தொட்டியதான் சுவாமி சன்னதியும் அமைந்துள்ளது.