நவம்பர் 17ஆம் தேதியே கடைசி! மூடப்படும் பத்ரிநாத் கோயிலின் கதவுகள்! பத்ரிநாத் யாத்திரை குறித்த முழு விவரம் இதோ!

உத்தரகண்ட் மாநிலத்தில் அலக்நந்தா நதிக்கரையில் இரண்டு மலைகளுக்கு இடையே பத்ரிநாத் அமைந்து உள்ளது. இந்த மலைகள் நர நாராயண் மலைகள் என்று அழைக்கப்படுகின்றது. கேதார்நாத், யமுனோத்ரி மற்றும் கங்கோத்ரி யாத்திரைகளை போலவே சார்தாம் யாத்திரையும் புகழ் பெற்று விளங்குகின்றது. 

முன்னொரு காலத்தில் சிவபெருமானின் உறைவிடமாக பத்ரிநாத் இருந்தது. ஆனால் விஷ்ணு பகவான் சிவபெருமானிடம் இந்த இடத்தை கேட்டதாக ஐதீகம்.  ஒரு முறை லட்சுமி தேவி விஷ்ணு பகவானிடம் கோபித்து கொண்டு தனது தாய்வீட்டிற்குச் சென்றபோது, விஷ்ணு பகவான் இங்கு வந்து தவம் செய்யத் தொடங்கினார் என்பது ஐதீகம். 

லட்சுமி தேவியின் கோபம் தீர்ந்ததும், விஷ்ணுவைத் தேடி பத்ரி நாத்திற்கு லட்சுமி வந்தார் என்பது ஐதீகம். அப்போது இந்த இடத்தில் பத்ரி காடு, அதாவது ஆப்பிள் மர காடு இருந்தது. விஷ்ணு பத்ரி காட்டில் அமர்ந்து தவம் செய்ததால் அன்னை லட்சுமிக்கு விஷ்ணு பத்ரிநாத் என்று பெயர் உள்ளது. 

புகழ் மிக்க பத்ரிநாத் ஆலயம் ஆண்டுதோறும் குளிர்காலத்தில் அக்டோபர்-நவம்பர் மாதங்களில் மூடப்பட்டு அடுத்த ஆண்டு ஏப்ரல்-மே மாதங்களில் மீண்டும் திறக்கப்படும். இந்த ஆண்டு குளிர்காலத்திற்காக வரும் நவம்பர் 17 ஆம் தேதி ஞாயிற்றுக்கிழமை இரவு 9.07 மணிக்கு பத்ரிநாத் கோயில் நடைகள் மூடப்படுகின்றன. 

விஜயதசமி பண்டிகையான இன்று பத்ரிநாத் கோவில் வளாகத்தில் தலைமை அர்ச்சகர் ராவல் அமர்நாத் நம்பூதிரி முன்னிலையில் பஞ்சாங்கம் படித்த பிறகு, இந்த ஆண்டு யாத்திரை காலத்தில் பத்ரிநாத் கோவிலின் கதவுகளை மூடுவதாக அறிவித்தார்.  

பத்ரிநாத் யாத்திரை தொடர்பான சுவாரஸ்ய தகவல்கள்!

• பத்ரிநாத் தாம் உத்தரகண்ட் மாநிலத்தில் அலக்நந்தா நதிக்கரையில் அமைந்துள்ளது. 'ஜோ ஜாயே பதரி, வோ நா ஆயே ஒத்ரி' அதாவது பத்ரிநாத்தை தரிசிப்பவர் மீண்டும் தாயின் கருவறைக்கு அதாவது கருவறைக்கு வர வேண்டியதில்லை  என்ற சொற்தொடர் பக்கதர்களிடையே மிகவும் புகழ்பெற்றது. 
• புனித நூல்களில், பத்ரிநாத் இரண்டாவது வைகுண்டமாக விவரிக்கப்பட்டுள்ளது. விஷ்ணு பகவான் வசிக்கும் வைகுண்ட க்ஷீரசாகர் உள்ளது. பத்ரிநாத் விஷ்ணுவின் இரண்டாவது உறைவிடம் என்று கூறப்படுகிறது.