Google Update:360 டிகிரி நகரும் கோணத்தில் விடியோ பேக்கிரவுண்டு அறிமுகம்
மொபைலில் கடற்கரை, கோயில் போன்ற பேக்கிரவுண்டு நகருவது மற்றும் மாறும் தன்மையுடன் கூடிய ஹைரோஸ்கோப் என்ற புதுமையான அனுபவத்தை பயனாளர்களுக்கு வழங்க உள்ள கூகுள் தெரிவித்துள்ளது.
உலக அளவில் அதிகம்பேரால் பயன்படுத்தப்படும் தேடுபொறியான கூகுள் 360 கோணம் விடியோ பேக்கிரவுண்டை மொபைல் பயனாளர்களுக்கு வழங்கவுள்ளது.
ட்ரெண்டிங் செய்திகள்
இதுதொடர்பாக கூகுள் நிறுவனம் தனது பிளாக் பதிவில், "தற்போது இடம்பெற்றிருக்கும் லைப்ரேரியில் கண்கவரும் விதமான விடியோ பேக்கிரவுண்டுகள் சேர்க்கப்படுகின்றன. இதன் மூலம் மொபைல் பயனாளர்கள் 360 டிகிரி கோணங்களில் விடியோ பேக்கிரவுண்டுகள் பயன்படுத்திக்கொள்ளலாம்".
இந்த புதுமையான ஹைரோஸ்கோப் பேக்கிரவுண்டுகள் கடற்கரை, கோயில் போன்ற பல்வேறு விடியோக்கள் உள்ளன.
இந்த பேக்கிரவுண்டுகளை அட்மின்கள் ஆன் அல்லது ஆஃப் செய்து கட்டுப்படுத்தி கொள்ளலாம். ஆண்ட்ராய்டு, ஐஓஎஸ் சாதனங்களிலும், கூகுள் ஓர்க்ஸ்பேஸ் பயனாளர்களுக்கும், தனிப்பட்ட கூகுள் கணக்கிலும் இந்த விடியோ பேக்கிரவுண்டானது செயல்படும்" என தெரிவிக்கப்பட்டுள்ளது.
கூகுள் மீட் செயலியில் மாற்றிக்கொள்ளும் விதமாக அமைந்திருக்கும் பேக்கிரவுண்டு வசதியின் அப்டேட்டாக இந்த விடியோ பேக்கிரவுண்டு வசதி அமைந்துள்ளது.
அதுமட்டுமில்லாமல் இதுவரை புகைப்படங்களுக்கு மட்டுமே 360 டிகிரி கோணம் வசதியானது இருந்து வந்த நிலையில் தற்போது விடியோவுக்கும் இந்த வசதி அளிக்கப்பட்டுள்ளது.
அத்துடன் கூகுளில் உள்ள சாட் செயலி கார்டில், எடிட் செய்து கொள்ளும் விதமாக விட்ஜெட்கள் சமீபத்தில் அறிமுகப்படுத்தியது கூகுள். இதன் மூலம் மெசேஜ் ஸ்டீரிமிங்கில் பதிவடப்படும் விட்ஜெட்களை, டெவலப்பர்கள் இணைத்து கொள்ளலாம் என தெரிவிக்கப்பட்டது.
இதற்கு அடுத்த அப்டேட்டாக தற்போது நகருதல், மாறும் விதமாக இருக்கக்கூடிய விடியோ பேக்கிரவுண்டுகளை அறிமுகப்படுத்தியுள்ளது.
