SRH vs GT Result: ஒரு பந்து கூட வீசாமல் ரத்து! ஆடாமல் சன் ரைசர்ஸ் ப்ளேஆஃப் தகுதி - சிஎஸ்கே, ஆர்சிபி யாருக்கு வாய்ப்பு?
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  கிரிக்கெட்  /  Srh Vs Gt Result: ஒரு பந்து கூட வீசாமல் ரத்து! ஆடாமல் சன் ரைசர்ஸ் ப்ளேஆஃப் தகுதி - சிஎஸ்கே, ஆர்சிபி யாருக்கு வாய்ப்பு?

SRH vs GT Result: ஒரு பந்து கூட வீசாமல் ரத்து! ஆடாமல் சன் ரைசர்ஸ் ப்ளேஆஃப் தகுதி - சிஎஸ்கே, ஆர்சிபி யாருக்கு வாய்ப்பு?

Muthu Vinayagam Kosalairaman HT Tamil Published May 16, 2024 11:55 PM IST
Muthu Vinayagam Kosalairaman HT Tamil
Published May 16, 2024 11:55 PM IST

சன் ரைசர்ஸ் - குஜராத் டைட்டன்ஸ் போட்டி ஒரு பந்து கூட வீசாமல் ரத்து செய்யப்பட்டது. இந்த சீசனில் இரண்டாவது போட்டியாக மழையால் ரத்தாகியுள்ளது. இரு அணிகளுக்கும் தலா ஒரு புள்ளிகள் வழங்கப்பட்டன. இந்த போட்டியில் ஆடாமல் சன் ரைசர்ஸ் ப்ளேஆஃப் தகுதியை பெற்றது.

ஒரு பந்து கூட வீசாமல் சன்ரைசர்ஸ் - குஜராத் டைட்டன்ஸ் போட்டி ரத்து
ஒரு பந்து கூட வீசாமல் சன்ரைசர்ஸ் - குஜராத் டைட்டன்ஸ் போட்டி ரத்து
Share on Whatsappஎங்களை பின் தொடரலாம்
  • Share on Twitter
  • Share on Facebook

ஐபிஎல் 2024 தொடரின் 66வது போட்டி சன்ரைசர்ஸ் ஹைதராபாத் - குஜராத் டைட்டன்ஸ் அணிகளுக்கு இடையே ஹைதராபாத்தில் நடைபெற இருந்தது. ஆனால் அங்கு பெய்த தொடர் மழை காரணமாக ஒரு பந்து கூட வீசாமல் போட்டி ரத்து செய்யப்பட்டது. இந்த சீசனில் மழையால் பாதிக்கப்பட்ட முதல் போட்டியாக இது அமைந்துள்ளது.

ப்ளே ஆஃப்பில் நுழைந்த சன் ரைசர்ஸ்

சன் ரைசர்ஸ் அணி ப்ளேஆஃப் வாய்ப்பை பெறுவதற்கான முக்கியமான போட்டியாக இது அமைந்திருந்தது. இதையடுத்து இந்த போட்டி மழையால் ரத்தானதால் சன் ரைசர்ஸ் ஹைதராபாத், குஜராத் டைட்டன்ஸ் ஆகிய இரு அணிகளுக்கும் தலா ஒரு புள்ளிகள் அளிக்கப்பட்டன.

இந்த போட்டியில் ஆடாமல் சன் ரைசர்ஸ் ப்ளேஆஃப் வாய்ப்பை பெற்றது. தற்போது புள்ளிப்பட்டியலில் மூன்றாவது இடத்தில் உள்ளது.

இன்னும் சன் ரைசர்ஸ் அணிக்கு ஒரு போட்டி மீதம் உள்ளது. வரும் 19ஆம் தேதி பஞ்சாப் கிங்ஸ் அணிக்கு எதிராக தனது கடைசி லீக் ஆட்டத்தில் சன் ரைசர்ஸ் விளையாடவுள்ளது. இந்த போட்டியில் வெற்றி பெற்றால் புள்ளிப்பட்டியலில் இரண்டாவது இடத்துக்கு முன்னேறும்.

எட்டாவது இடத்தில் குஜராத் டைட்டன்ஸ்

கடந்த முறை ரன்னர் அப்பாக இருந்த குஜராத் டைட்டன்ஸ், இந்த சீசனில் 14 லீக் போட்டிகளிலும் விளையாடி முடித்துள்ளது. இதில் 5 வெற்றி, 7 தோல்வி, ஒரு போட்டி முடிவு இல்லை. 12 புள்ளிகளுடன் எட்டாவது இடத்தில் உள்ளது.

குஜராத் டைட்டன்ஸ் அணிக்கு இரண்டு போட்டிகள் மழை காரணமாக முழுவதுமாக ரத்தானது. இந்த போட்டிகளில் குஜராத் அணிக்கு தலா ஒரு புள்ளிகள் கிடைத்தன.

சன் ரைசர்ஸ் அணியை வீழ்த்திய குஜராத் டைட்டன்ஸ்

குஜராத் டைட்டன்ஸ் - சன் ரைசர்ஸ் ஹைதராபாத் அணிகளுக்கு இடையிலான முதல் மோத அகமதாபாத்தில் நடைபெற்றது. இதில் குஜராத் டைட்டன்ஸ் 7 விக்கெட் வித்தியாசத்தில் வெற்றி பெற்றது.

முதலில் பேட் செய்த சன் ரைசர்ஸ் 8 விக்கெட் இழப்புக்கு 162 ரன்கள் எடுத்தது. இதையடுத்து சேஸ் செய்த குஜராத் டைட்டன்ஸ் 19.1 ஓவரில் 3 விக்கெட் இழப்புக்கு 168 ரன்கள் எடுத்தது.

சிஎஸ்கே - ஆர்சிபி இடையே ப்ளேஆஃப் ரேஸ்

தற்போதைய நிலையில் கொல்கத்தா நைட் ரைடர்ஸ், ராஜஸ்தான் ராயல்ஸ், சன் ரைசர்ஸ் ஹைதராபாத் ஆகிய மூன்று அணிகள் ப்ளே ஆஃப் சுற்றுக்கு தகுதி பெற்றுள்ளன. இதையடுத்து இன்னும் ஒரு போட்டி கைவசம் இருக்க, 14 புள்ளிகளுடன் சிஎஸ்கே, ஆர்சிபி அணிகள் புள்ளிப்பட்டியலில் முறையே நான்கு மற்றும் ஐந்தாவது இடத்தில் உள்ளன.

இந்த இரு அணிகளுக்கு தங்களது கடைசி போட்டியில் மோதி கொள்கின்றன. வரும் சனிக்கிழமை பெங்களுரு சின்னசாமி மைதானத்தில் இந்த போட்டி நடைபெற இருக்கிறது.

இந்த போட்டியில் வெற்றி பெறும் அணி ப்ளேஆஃப்பில் நுழையும். தோல்வி அடையும் அணி நாக் அவுட் ஆகும். எனவே இந்த சீசனில் எதிர்பார்ப்பை ஏற்படுத்தியிருக்கும் போட்டியாக இது அமைந்துள்ளது.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.