Happy Tamil New Year : இனிய தமிழ் புத்தாண்டு! இந்த நாளின் வரலாறு, கொண்டாட்டம் மற்றும் முக்கியத்துவம் என்ன தெரியுமா?

சித்திரை மாதத்தில் முதல் நாள் இந்த புத்தாண்டு கொண்டாடப்படுகிறது. தமிழ் காலண்டரில் சித்திரை முதல் மாதம். ஏப்ரலின் மத்தியில் இந்த புத்தாண்டு வருகிறது.

புத்தாண்டு தமிழர்களின் மிக முக்கிய விழாவாகக் கொண்டாடப்படுகிறது. வெகு விமரிசையாகவும், உற்சாகத்துடனும், மகிழ்ச்சியுடனும் கொண்டாடப்படுகிறது. உலகம் முழுவதும் உள்ள தமிழர்கள் இதை வெகுவிமரிசையாகக் கொண்டாடுகிறார்கள்.

இந்த மங்கள நாள், பிரதிபலிப்பு, புதுப்பிறப்பு மற்றும் பிரகாசமான புத்தாண்டை நம்பிக்கையோடு கொண்டாடும் நாளாக இந்த நாள் உள்ளது. இந்த நாளில் குடும்பம் குடும்பமாக மக்கள் ஒன்றுகூடி வழிபாடு நடத்தி, சுவையான உணவுகளை உட்கொள்வார்கள். இந்த நாள் குறித்து நீங்கள் தெரிந்துகொள்ள வேண்டியவை என்ன?

தமிழ் நாள்காட்டியின் முதல் மாதம் சித்திரை அதன் முதல் நாள் சித்திரை 1ம் தேதி இந்த நாள் தமிழ் புத்தாண்டாகக் கொண்டாடப்படுகிறது. ஏப்ரல் மத்தியில் இந்த புத்தாண்டு கொண்டாடப்படுகிறது. இந்தாண்டு ஏப்ரல் 14ம் தேதி, ஞாயிற்றுக்கிழமை புத்தாண்டு கொண்டாடப்படுகிறது.

தமிழ் புத்தாண்டின் வேர்கள் சங்க இலக்கியத்தில் காணப்படுகிறது. கிறிஸ்து பிறந்தபின் இரண்டாம் நூற்றாண்டு என பழைய தமிழ்நாட்டில் குறிப்புகள் உள்ளது. தமிழ் நாள்காட்டி, சூரிய மற்றும் சந்திர சுழற்சி இரண்டையும் பின்பற்றுகிறது. இது சந்திரசூரிய காலண்டர் என்று அழைக்கப்படுகிறது.

தமிழர்களின் பழைய வரலாறில் தமிழ் புத்தாண்டின் தோற்றம் குறிப்பிடப்பட்டுள்ளது. உலகை உருவாக்கிய பிரம்மா, இந்த நாளில் தான் படைக்கும் வேலை செய்ய துவங்கினார் என்பது இந்துக்களின் நம்பிக்கையாகவும் உள்ளது. மிகவும் மங்களகரமான நாளில் புதிய துவக்கங்களை நாம் செய்வது மிகவும் சிறப்பாக பார்க்கப்படுகிறது.

இந்த நாளில் சிவபெருமான் தனது ருத்ர நடனத்தை ஆடியதாக நம்பப்படுகிறது. இதுவும் புதியன உருவாக்குவதன் துவக்கமாகக் கருதப்படுகிறது. புத்தாண்டு என்பது வெறும் கொண்டாட்டம் மட்டுமல்ல, வாழ்வில் கொண்டாட்டம் மற்றும் புதிய துவக்கங்களின் கொண்டாட்டமாகவும் உள்ளது.

இந்த நாளின் முக்கியத்துவம் மற்றும் சடங்குகள்

புத்தாண்டில் எண்ணற்ற சடங்குகள் மற்றும் பழக்கவழக்கங்கள் கடைபிடிக்கப்படுகிறது. மங்களகரமான பார்வை என்பதை காண்பது பாரம்பரிய பழக்கமாகக் கடைபிடிக்கப்படுகிறது. அது கன்னி என்று அழைக்கப்படுகிறது. இது அந்த புதிய ஆண்டின் நல்ல அதிர்ஷ்டமாகக் கருதப்படுகிறது.

வீடுகளின் பிரதான வாயில்களில் அரிசி மாக்கோலம் இடப்படுகிறது. இந்த நாளில் மாங்காய் பச்சடி செய்யப்படுகிறது. இந்த மாங்காய் பச்சடியில் வெல்லம், வேப்பம்பூ எல்லாம் சேர்த்து செய்யப்படுகிறது.

வீட்டின் வாயில்களில் விஷ்ணுவின் உருவங்கள் வரையப்படுகிறது. செல்வம் மற்றும் அதிர்ஷ்டத்தை எடுத்துக்காட்டும் வகையில் அமைகிறது. புத்தாண்டன்று மக்கள் கோயில்களுக்கு சென்று வழிபாடு நடத்துகிறார்கள். பரிசுகளை பரிமாறிக்கொள்கிறார்கள். மகிழ்ச்சி மற்றும் செல்வத்தை கொண்டுவர வாழ்த்துக்களை கூறிக்கொள்கிறார்கள்.

இந்த நாள் சூரியனின் வடதிசை பயணத்தின் துவக்கமாகவும் அமைகிறது. இளவேனிற் காலத்தின் சமஇரவு நாளாகவும், வசந்த காலத்தை வரவேற்கும் துவக்கமாகவும் உள்ளது. இந்த நாளில் வேளாண் முக்கியத்துவமும் உள்ளது. கடந்தாண்டு விளைச்சலை விவசாயிகள் அறுவடை செய்வதற்கும் வித்திடுகிறது. வரும் ஆண்டின் நடவுப்பணிகளுக்காக விதைக்கும் காலமாகவும் இது உள்ளது.

மேலும் புத்தாண்டு, புதிய ஆண்டை வரவேற்பதாக மட்டுமல்ல, இது வாழ்வை புத்துணர்ச்சியுடன் துவங்குவதை எடுத்துக்காட்டுவதாகவும், மகிழ்ச்சி நிறைந்த ஆண்டை எதிர்கொள்வதை முன்னெடுப்பதாக இந்த நாள் அமைகிறது. அதிகளவு நேர்மறை ஆற்றலை கொடுப்பதாக உள்ளது.