மிரட்டும் விடாமுயற்சி டீஸர்..சூர்யா படத்துக்கு வந்த சிக்கல், தம்பதிகள் ஆன பிரபலங்கள் - டாப் சினிமா செய்திகள் இன்று

வெளியானது வித்யாசாகரின் அஷ்ட ஐயப்ப அவதாரம் ஆல்பம்

தென்னிந்திய சினிமாவில் முன்னணி இசையமைப்பாளராக இருந்து வரும் வித்யாசாகரின் முதல் பக்தி ஆல்பமாக அஷ்ட ஐயப்ப அவதாரம் வெளியிடப்பட்டுள்ளது. இந்த ஆல்பத்தில் முழுக்க முழுக்க ஐயப்பனைப் பற்றிய மலையாள பாடல்கள் இடம் பெற்றுள்ளன. ஆல்பத்தில் ஒரு பாடல் பிரபல பாடகி சின்னக்குயில் சித்ரா பாடியுள்ளார்.

தம்பதிகள் ஆன சீரியல் பிரபலங்கள்

விஜய் டிவியில் ஒளிபரப்பாகி வரும் பொன்னி சீரியலில் கதாநாயகியாக நடித்து வருபவர் நடிகை வைஷ்ணவி. இதே தொலைக்காட்சியில் ஒளிபரப்பாகி வரும் மற்றொரு தொடர் சிறகடிக்க ஆசை. இதில் நாயகனாக நடித்து வருபவர் வசந்த். இவர்கள் இருவரும் காதலிப்பதாகவும், விரைவில் திருமணம் செய்து கொள்ள இருப்பதாகவும், கடந்த சில வாரங்களுக்கு முன்னர் தெரிவித்தனர்.

இதையடுத்து வசந்த் - வைஷ்ணவி திருமணம் இரு வீட்டாரின் உறவினர்கள் பங்கேற்க இன்று கோலாகலமாக நடைபெற்று முடிந்துள்ளது. இவர்கள் திருமண புகைப்படம் மற்றும் விடியோக்கள் சமூக வலைத்தளங்களில் வைரலாகி வருகின்றன.

மோசடி புகாரை தொடர்ந்து வரி ஏய்ப்பு சிக்கலில் மாட்டிக்கொண்ட கூலி பட நடிகர்

கடந்த சில மாதங்களுக்கு முன் மோசடி புகாரில் மாட்டிக்கொண்ட மஞ்சுமெல் பாய்ஸ் நடிகர் சவுமின் சாஹிர், தற்போது வரி ஏய்ப்பு சிக்கலில் சிக்கிக்கொண்டுள்ளார். வருமான வரித்துறையின் அவருக்கு சொந்தமான அலுவலகத்தில் சோதனை நடத்தியதில் வரி ஏய்ப்பு செய்திருப்பதை உறுதி செய்துள்ளனர். சூப்பர்ஸ்டார் ரஜினிகாந்தின் கூலி படத்தில் நடித்து வரும் நிலையில் இது அவருக்கு பெரும் தலைவலியாக அமைந்துள்ளது.

கதை திருட்டு சர்ச்சையில் சிக்கிய ஆர்.ஜே. பாலாஜி சொர்க்கவாசல் படம்

வேண்டாம் என ரிஜெக்ட் செய்து விட்டு தனது கதையை காப்பி அடித்து சொர்க்கவாசல் படத்தை உருவாக்கியிருப்பதாக அந்த படத்தின் தயாரிப்பாளர் மீது இயக்குநர் ஒரு குற்றச்சாட்டை முன் வைத்துள்ளார். படத்தின் ரிலீஸுக்கு முந்தைய நாளில் இந்த குற்றச்சாட்டு சர்ச்சையை கிளப்பியுள்ளது.

புஷ்பா 2 படத்தின் நீளம், சென்சார் தகவல்கள்

தெலுங்கு சினிமாவின் ஐகான் ஸ்டார் அல்லு அர்ஜுன் நடிப்பில் ரசிகர்களால் எதிர்பார்க்கப்படும் பான் இந்தியா படமான புஷ்பா 2 டிசம்பர் 5ஆம் தேதி ரிலீஸ் ஆகிறது. இந்த படம் சென்சார் செய்யப்பட்டிருக்கும் நிலையில் படத்துக்கு யு/ஏ சான்றிதழ் அளிக்கப்பட்டுள்ளது. அத்துடன் படத்தின் நீளம் 3 மணி நேரம் 21 நிமிடங்கள் வரை இருப்பதாக தகவல்கள் வெளியாகியுள்ளன. தெலுங்கு படமான புஷ்பா 2, தமிழ், மலையாளம், கன்னடம், இந்தி ஆகிய மொழிகளிலும் வெளியாகிறது

உருவாகிறது ஸ்லம்டாக் மில்லியனர் இரண்டாம் பாகம்

2009இல் வெளியான ஹாலிவுட் படமான ஸ்லம்டாக் மில்லியனர் 8 ஆஸ்கர் விருதுகளை அள்ளியது. இந்த படத்துக்காக இசைப்புயல் ஏ.ஆர். ரஹ்மான் இரண்டு ஆஸ்கர் விருதுகளை வென்று, ஆஸ்கர் வென்ற முதல் இந்தியர் என்ற பெருமை பெற்றார்.

மும்பை சேரி பகுதியில் வாழும் இளைஞன் டிவி நிகழ்ச்சி மூலம் கோடீஸ்வரர் ஆகும் கதையம்சத்தில் உருவாகியிருந்த இந்த படம் அப்போது உலகம் முழுவதும் ரூ. 400 கோடிக்கு மேல் வசூலித்தது. இதையடுத்து இந்த படத்தின் இரண்டாம் பாகம் உரிமையை லாஸ் ஏஞ்சல்ஸை சேர்ந்த 'பிரிட்ஜ் 7' என்ற நிறுவனத்தின் ஸ்வாதி ஷெட்டி, கிரான்ட் கெஸ்மேன் ஆகியோர் பெற்றுள்ளனர். இதனால் இந்தப் படத்தின் அடுத்த பாகம் விரைவில் உருவாக இருப்பது தெரியவந்துள்ளது.

விஜய் சேதுபதி - த்ரிஷா காதல் காவியம் 96 இரண்டாம் பாகம்

கடந்த 2018இல் பிரேம்குமார் இயக்கத்தில் வெளியான 96 படம் ரசிகர்களை வெகுவாக கவர்ந்தது. படத்தில் விஜய் சேதுபதி - த்ரிஷாவின் நடிப்பு அனைவரையும் ரசிக்க வைக்கும் விதமாக இருந்தது. இதையடுத்து இந்த படம் கன்னடம், தெலுங்கு ஆகிய மொழிகளிலும் ரீமேக் செய்யப்பட்டது.

தற்போது டான் பிக்சர்ஸ் தயாரிப்பில் விஜய் சேதுபதி - திரிஷாவை வைத்து 96 படத்தின் இரண்டாம் பாகத்தை பிரேம் குமார் எடுக்க உள்ளதாகத் தகவல்கள் உலா வருகின்றன. 96 இரண்டாம் பாகம் படத்துக்கான ஸ்கிரிப்ட் பணிகள் முழுவதும் முடிவடைந்து விட்டதாக கூறப்படும் நிலையில் விரைவில் படம் குறித்து தகவல் வெளியாகலாம் என தெரிகிறது.

சூர்யா படத்தின் தலைப்புக்கு வந்த சிக்கல்

கங்குவா தோல்வியால் துவண்டு போய் இருக்கும் நிலையில், தற்போகு கார்த்திக் சுப்பராஜ் இயக்கும் படத்தில் மும்முரமாக நடித்து வருகிறார் நடிகர் சூர்யா. சூர்யா 44 என்று அழைக்கப்படும் இந்த படத்துக்கு கல்ட் என தலைப்பு வைக்க உத்தேசித்து இருந்ததாக கூறப்பட்ட நிலையில், அந்த தலைப்பை நடிகர் அதர்வா தான் இயக்குநராகும் படத்துக்கு வைப்பதற்காக பதிவு செய்துள்ளாராம்.

அத்துடன் இந்த டைட்டிலையும் சூர்யா படத்துக்கு தருவதற்கு மறுப்பு தெரிவித்துள்ளாராம். எனவே சூர்யா 44 படத்துக்கு வேறொரு டைட்டிலை வைக்கும் முடிவில் படக்குழு ஆலோசித்து வருவதாக தகவல்கள் தெரிவிக்கின்றன

40 ஆயிரம் திரையரங்குகளில் வெளியான மகாராஜா பெற்ற வசூல்

தமிழில் விஜய் சேதுபதி நடிப்பில் வெளியாகி ரசிகர்கள் கவர்ந்து சூப்பர் ஹிட்டான மகாராஜா திரைப்படம் ரூ. 100 கோடிக்கு மேல் வசூலை குவித்தது. இதையடுத்து இந்த படம் சீனாவில் 40 ஆயிரம் திரையரங்குகளில் ரிலீஸ் செய்யப்பட்டிருப்பதாக கூறப்படுகிறது.

மகாராஜா படம் சீனாவில் வெளியாகி 5 நாளில் ரூ. 4 கோடிக்கு மேல் வசூலித்து இருப்பதாக பாக்ஸ் ஆபிஸ் வட்டார தகவல்கள் தெரிவிக்கின்றன. படத்துக்கு சீனர்கள் மத்தியில் நல்ல வரவேற்பு கிடைத்து வருவதாக கூறப்படுகிறது