இது தான் என்னுடைய பேவரைட் பாடல்! தக்லைஃப் படத்தின் அப்டேட் கொடுத்த த்ரிஷா!

20 ஆண்டுகளாக கனவுக் கன்னி 

கடந்த 20 ஆண்டுகளுக்கும் மேலாக தமிழ் சினிமாவின் முன்னணி நடிகையாக த்ரிஷா இருந்து வருகிறார். 1999 ஆம் ஆண்டு வெளியான ஜோடி படம் மூலம் தமிழ் சினிமாவில் அறிமுகமானார். அதனையடுத்து 2000 ஆம் ஆண்டு மௌனம் பேசியதே படத்தில் கதாநாயகியாக நடிக்க ஆரம்பித்தார். தெலுங்கு, தமிழ், கன்னடம் மற்றும் மலையாளம் என பல மொழி படங்களில் நடித்துள்ளார். குறிப்பாக 20 ஆண்டுகளுக்கும் மேலாக தமிழ் சினிமா ரசிகர்களின் மனதில் கனவுக கன்னியாக வாழ்ந்து வருகிறார். 

கடந்த ஆண்டு இவர் விஜயுடன் நடித்த லியோ திரைப்படம் வெளியாகி பெரும் வரவேற்ப்பை பெற்றது.  தற்பொழுது அஜித் நடித்துள்ள விடாமுயற்சி மற்றும் குட் பேட் அக்லி திரைப்படத்தில் கதாநாயகியாக நடித்துள்ளார். தொடர்ந்து பெரிய ஹீரோக்களின் படங்களில் கமிட் ஆகி வருகிறார். சமீபத்தில் வெளியான தி கோட் திரைப்படத்தில் இடம்பெற்ற மட்ட பாடலில் நடிகர் விஜயுடன் சிறப்பாக நடனம் ஆடியிருந்தார். 

தக் லைப் படத்தில் சிம்பு மற்றும் திரிஷா முக்கிய கதாப்பாத்திரத்தில் நடித்துள்ளனர். படத்தின் டப்பிங் பணிகள் சில வரங்களுக்கு முன் நடைப்பெற்றது. இந்நிலையில் சிம்புவும், த்ரிஷாவும் இணைந்து நடனம் ஆடும் பாடல் மும்பையில் படமாக்கப்பட்டது. இது குறித்தான புகைப்படத்தை அவரது இன்ஸ்டா ஸ்டோரியில் பகிர்ந்துள்ளார். மேலும் இதுவே எனது பேவரைட் பாடல் எனவும் குறிப்பிட்டுள்ளார். இதனையடுத்து கூடிய விரைவில் படம் குறித்தான பெரிய அப்டேட் வெளியாகும் என எதிர்பார்க்கப்படுகிறது. 

 சிம்புவும் திரிஷாவும் கடைசியாக விண்ணைத்தாண்டி வருவாயா படத்தில் ஜோடியாக நடித்தனர். இதையடுத்து பல ஆண்டுகள் கழித்து தக் லைப் படத்தில் ஜோடி சேர்ந்திருக்கின்றனர் என்பது குறிப்பிடத்தக்கது. 

கமல் & சிம்பு 

நடிகர் கமலுடன் இந்த படத்தில் சிம்பு இணைந்துள்ளார். மேலும்  சிம்புவின் 48 ஆவது படத்தை கமல்ஹாசன் தயாரிக்க உள்ளதாக தகவல்கள் வெளியானது. இது குறித்த அதிகாரப்பூர்வ தகவலும் வெளியானது. மேலும் இப்படத்தை கண்ணும் கண்ணும் கொள்ளையடித்தால் படத்தின் மூலம் பிரபலமான இயக்குனர் தேசிங்கு பெரியசாமி இயக்க உள்ளதாகவும், வரலாற்று கதையம்சம் கொண்ட படமாக தயாராக உள்ளதாகவும் கூறப்பட்டது. குறிப்பாக சிம்பு இரட்டை வேடத்தில் நடிக்க உள்ளதையும் டீசர் வெளியிட்டு உறுதிப்படுத்தினர். இப்படத்தின் அறிவிப்பு வெளியாகி ஒன்றரை ஆண்டுகளுக்கு மேல் ஆனபோதிலும் அடுத்தகட்ட அப்டேட்டை வெளியிடாமல் படக்குழு அமைதி காத்து வந்தது. தற்போது இப்படத்தின் தயாரிப்பில் இருந்து கமல் ஹாசன் விளக்கியுள்ளதாக தகவல் வெளியாகியுள்ளது.