வெடித்தது போராட்டம்..படகுகளில் கருப்புக் கொடி கட்டி மீனவர்கள் வேலை நிறுத்தம்!
Feb 18, 2024, 01:54 PM IST
- இலங்கை சிறையில் அடைக்கப்பட்டுள்ள மீனவர்களை விடுதலை செய்ய வலியுறுத்தி ராமேஸ்வரத்தில் படகுகளில் கருப்பு கொடி கட்டி மீனவர்கள் வேலை நிறுத்தப் போராட்டத்தில் ஈடுபட்டு வருகின்றனர். இலங்கை கடற்படையால் கைது செய்யப்படும் படகின் ஓட்டுநர்களுக்கு 6 மாத சிறை தண்டனை வழங்கப்படுவதை கண்டித்தும், இரண்டாவது முறையாக எல்லை தாண்டும் மீனவர்களுக்கு ஓராண்டு சிறை தண்டனை வழங்குவதை கண்டித்தும் ஏராளமான மீனவர்கள் போராட்டத்தில் ஈடுபட்டு வருகின்றனர். மேலும், ராமேஸ்வரம் மீன்பிடி துறைமுகத்தில் மீனவர்கள் படகுகளை நிறுத்தி வேலை நிறுத்தத்தில் ஈடுபட்டு வருவதோடு தங்களுடைய படகுகளில் கருப்பு கொடி கட்டி தங்களுடைய எதிர்ப்பை தெரிவித்து வருகின்றனர்.