Police Killed:பஞ்சாப்பில் குருத்வாரா அருகே போலீஸ் - சீக்கிய குழு இடையே மோதல்! ஒரு கான்ஸ்டபிள் சுட்டு கொலை, 5 பேர் காயம்

• பஞ்சாப் மாநிலம் கபுர்தலா பகுதியில் நிகாங் சீக்கியர்களுக்கு போலீசாருக்கும் இடையே மோதல் ஏற்பட்டது. முக்கிய குருத்வாரா பெர் சாஹிப்பின் எதிரே அமைந்துள்ள குருத்வாரா அகல் புங்காவைக் கட்டுப்படுத்துவது தொடர்பாக நிகாங் சீக்கியர் குழுவை சேர்ந்த இரண்டு தரப்பினருக்கும் இடையே கடந்த மூன்று நாட்களாக மோதல் இருந்து வருகிறது. இந்த விவகாரத்தில் நவம்பர் 23ஆம் தேதி அதிகாலையில் பதற்றம் ஏற்பட்டது. மன் சிங் தலைமையிலான நிகாங் குழுவை குருத்வாராவை விட்டு போலீசார் காலி செய்ய முயற்சித்தபோது இந்த சம்பவம் அரங்கேறியது. மன் சிங் ஆதரவாளர்கள் திடீரென காவல்துறையை நோக்கி கண்மூடித்தனமாக சுடத் தொடங்கினர். இந்த தாக்குதலின்போது கான்ஸ்டபிள் சுட்டு கொல்லப்பட்டார். ஐந்து பேர் காயமடைந்தனர். கையில் பயங்கர ஆயுதங்களை வைத்திருந்த நிகாங் குழுவினர் குருத்வாரா பகுதியை உள்பகுதியில் பூட்டியுள்ளனர். இந்த குருத்வாரா பகுதி முழுவதையும் போலீசார் தடுப்புகளை ஏற்படுத்தி, நிகாங் குழுவினருடன் பேச்சுவார்த்தையில் ஈடுபட்டுள்ளனர்.