Nethaji Drone Show : 250 ட்ரோன்கள் மூலம் நேதாஜி சுபாஷ் சந்திரபோஸ்க்கு மரியாதை

தில்லியில் உள்ள இந்தியா கேட் வளாகத்தில் இந்திய தேசிய ராணுவத்தின் தலைவரும், சுதந்திர போராட்ட வீரருமான நேதாஜி சுபாஷ் சந்திரபோஸுக்கு புதிய சிலை நிறுவப்பட்டுள்ளது. ஏற்கனவே அங்கிருந்த மின்ஒளி வடிவிலான சிலைக்கு பதிலாக அமைக்கப்பட்ட இந்த புதிய சிலை மோனோலித்திக் கிரானைட் கற்களால் உருவாக்கப்பட்டுள்ளது. 28 அடி உயரம் கொண்ட இந்த பிரமாண்ட நேதாஜி சிலையை பிரதமர் மோடி திறந்து வைத்தார். இதையடுத்து நேதாஜிக்கு மரியாதை செலுத்தும் விதமாக அவரது வாழ்க்கையை சித்தரிக்கும் விதமாக இந்தியா கேட் மேற்பரப்பில் 250 ட்ரோன்கள் மூலம் கண்காட்சி நிகழ்த்தப்பட்டது. இதில் நேதாஜியின் உருவம், அவரது வாழ்க்கையின் முக்கிய நிகழ்வுகள் ட்ரோன் மூலம் சித்திரமாக காட்டப்பட்டது. இந்த கண்காட்சியானது வரும் 11ஆம் தேதி வரை நடைபெறும் எனவும், இரவு 8 மணிக்கு நடைபெறும் இந்தக் கண்காட்சியை பொதுமக்கள் கண்டுகளிக்கலாம் எனவும் தெரிவிக்கப்பட்டுள்ளது.