PM Modi US Visit: விநாயகர் சிலை, வைரம், பழமையான கேமரா! ஒருவருக்கொருவர் நினைவு பரிசுகளை பகிர்ந்து கொண்ட மோடி - பைடன்

• பிரதமர் மோடி, அமெரிக்க அதிபர் ஜோ பைடன் மற்றும் அவரது மனைவி ஜில் பைடன் ஆகியோர் ஒருவருக்கொருவர் நினைவு பரிசுகளை பரிமாறிக்கொண்டுள்ளனர். மிக பெரிய வரலாற்றை பின்னணியாக கொண்டதாக இரு தலைவர்களும் பகிர்ந்து கொண்ட அந்த பரிசு பொருள்கள் உள்ளன. பிரதமர் மோடி பத்து உபசாந்தம் புத்தகத்தை ஜோ பைடனுக்கும், 7.5 கேரட் பச்சை நிற வைரங்களை அவரது மனைவிக்கும் பரிசாக வழங்கியுள்ளார். அத்துடன் ஜெயப்பூரை சேர்ந்த கைவினை கலைஞர்களால் வடிவமைக்கப்பட்ட சிறப்பு சந்தன பெட்டியும், அதனினுள் விநாயகர் சிலை, எண்ணெய் விளக்கு, தசதானங்கள் இடம்பிடித்துள்ளன. இதேபோல் அமெரிக்க அதிபர் பைடனும், பழமையான அமெரிக்கா கேமராவை மோடிக்கு பரிசாக வழங்கியுள்ளார். 20ஆம் நூற்றாண்டை சேர்ந்த பழங்கால அமெரிக்க புத்தகம், அமெரிக்கா ஒய்ல்டுலைஃப் போட்டோகிராபி புத்தகம், கவிஞர் ராபர்ட் பிராஸ்டின் கவிதை நூல் ஆகியவற்றை பைடன், பிரதமர் மோடிக்கு வழங்கியுள்ளார். வெள்ளை மாளிகையில் தனக்கு அளித்த வரவேற்புக்கும், விருந்துக்கும் பிரதமர் மோடி ஜோ பைடன், ஜில் பைடன் ஆகியோருக்கு நன்றி தெரிவித்துள்ளார்.