தமிழகத்தை உலுக்கிய பட்டாசு ஆலை வெடி விபத்து..விருதுநகரில் அதிர்ச்சி!
Feb 17, 2024, 05:27 PM IST
- விருதுநகர் மாவட்டம் சாத்தூர் அருகே உள்ள ராமுத்தேவன் பட்டியில் விக்னேஷ் என்பவருக்கு சொந்தமான வின்னர் பட்டாசு ஆலையில் இன்று (பிப்.17) வழக்கம் போல் தொழிலாளர்கள் பட்டாசு தயாரிக்கும் பணியில் ஈடுபட்டு வந்தனர். இந்தநிலையில், எதிர்பாராத விதமாக ஏற்பட்ட வெடி விபத்தில் ஆலையின் 4 அறைகள் வெடித்து சிதறியது. இந்த விபத்தில் 5 பெண்கள் மற்றும் 4 ஆண்கள் என 9 பேர் சம்பவ இடத்திலேயே உடல் கருகிய நிலையில் பரிதாபமாக உயிரிழந்துள்ளனர். மேலும் நான்கு பேர் படுகாயம் அடைந்தனர். படுகாயமடைந்த நான்கு பேர் சிவகாசி அரசு மருத்துவமனையில் சிகிச்சைக்காக அனுமதிக்கப்பட்டுள்ளனர். இந்த விபத்தில் பலி எண்ணிக்கை அதிகரிக்கக்கூடும் என அஞ்சப்படுகிறது.