காதல் விவகாரம்..இளம்பெண் கழுத்தை அறுத்துக் கொலை.. காதலனுக்கு நேர்ந்த கதி என்ன?
Sep 01, 2023, 05:38 PM IST
Share
Tiruppur Crime: திருப்பூரில் மருத்துவமனைக்குள் புகுந்து இளம்பெண் கழுத்தை அறுத்துக்கொலை செய்து விட்டு காதலனும் தற்கொலைக்கு முயன்ற சம்பவம் பரபரப்பை ஏற்படுத்தி உள்ளது.
திருப்பூர் மாவட்டம், அவிநாசியைச் சேர்ந்த மணிவண்ணன் என்பவரது மகள் சத்தியஸ்ரீ (22). இவர் திருப்பூர் 60 அடி சாலையில் உள்ள தனியார் மருத்துவனையில் வரவேற்பாளராக பணியாற்றி வந்தார். இவரும், அதே பகுதியைச் சேர்ந்த நரேந்திரன் (25) என்பவரும் காதலித்து வந்ததாகக் கூறப்படுகிறது. கடந்த சில நாள்களாக கருத்துவேறுபாடு காரணமாக இருவருக்குமிடையே பேச்சுவார்த்தை இல்லாமல் இருந்திருக்கிறது.
இந்த நிலையில், சத்தியஸ்ரீ வழக்கம்போல் இன்று பணியில் இருந்துள்ளார். அப்போது மருத்துவமனைக்கு வந்த நரேந்திரன், சத்தியஸ்ரீயிடம் பேசியுள்ளார். அப்போது இருவருக்கும் இடையில் வாக்குவாதம் ஏற்பட்டுள்ளது. இதனால் ஆத்திரமடைந்த நரேந்திரன் தான் மறைத்து வைத்திருந்த கத்தியால் சத்யாஸ்ரீயின் கழுத்தை அறுத்துள்ளார். இதில், கழுத்தில் பலத்த காயமடைந்த சத்யஸ்ரீக்கு அதிகப்படியான ரத்தம் வெளியேறி, சம்பவ இடத்திலேயே உயிரிழந்தார். இதன் பின்னர் நரேந்திரனும் தன்னை கத்தியால் குத்தி தற்கொலைக்கு முயன்றுள்ளார்.
இதுகுறித்து மருத்துவமனை ஊழியர்கள் கொடுத்த தகவலின்பேரில் சம்பவ இடத்துக்கு விரைந்து வந்த திருப்பூர் வடக்கு காவல் துறையினர் நரேந்திரனை மீட்டு திருப்பூர் அரசு மருத்துவக் கல்லூரி மருத்துவமனைக்கு அனுப்பிவைத்தனர். இதுகுறித்து நரேந்தினிடம் போலீசார் விசாரணை நடத்தி வருகின்றனர். திருப்பூரில் பட்டப்பகலில் இளம் பெண் கத்தியால் கழுத்தை அறுத்துக்கொலை செய்யப்பட்ட சம்பவம் பரபரப்பை ஏற்படுத்தியுள்ளது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், ஆன்மிகம், புகைப்பட கேலரி, வெப் ஸ்டோரி, வேலைவாய்ப்பு தகவல்கள், சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.