Crime : இயக்குனர் என கூறி 5 பெண்களை ஏமாற்றியவர் மீது மனைவியே கொடுத்த புகார்.. விசாரணையை தொடக்கிய போலீசார்

Crime : தன்னை திரைப்பட இயக்குனர் எனக் கூறி 5 பெண்களை திருமணம் செய்து ஏமாற்றியவர் மீது திருவண்ணாமலை அனைத்து மகளிர் காவல் நிலையத்தில் பெண் ஒருவர் புகார் அளித்துள்ள சம்பவம் பெரும் பரபரப்பை ஏற்படுத்தி உள்ளது.

திருவண்ணாமலை வேங்கிக்காலை சேர்ந்தவர் பூர்ணிமா இவருக்கு வயது 41. இவர் திருவண்ணாமலை மாவட்ட காவல் கண்காணிப்பாளர் அலுவலகத்தில் கடந்த 18ம் புகார் மனு அளித்தார். அந்த மனுவில் தனக்கு ஏற்கனவே கோவையில் பெண் ஒருவருடன் திருமணமாகி சட்டப்படி விவாகரத்து பெற்று விட்டேன் என கூறி குடியாத்தம் பகுதியை சேர்ந்த லட்சுமிகாந்தன் என்பவர் என்னை திருமணம் செய்ய பெண் கேட்டார்.

இதைத்தொடர்ந்து பெரியவர்கள் முன்னிலையில் கலசபாக்கத்தில் கடந்த 2016ம் ஆண்டு பிப்ரவரி மாதம் எங்களுக்கு திருமணம் நடைபெற்றது. அவர் சினிமா டைரக்டர் என்றார். ஏற்கனவே சினிமா படம் தயாரித்து உள்ளதாகவும் கூறி என்னை நம்பவ வைத்து சென்னைக்கு அழைத்து சென்றார். நானும் நம்பி சென்றேன்.

சென்னையில் குடியேற்றம்

சென்னைக்கு சென்ற தாங்கள் ஒரு வீட்டில் குடியேறினோம் என்றும், அப்போது என் கணவர் அடிக்கடி பல பெண்களிடம் தொலைபேசியில் பேசுவார், யார் இரவு நேரத்தில் போன் பேசுகிறீர்கள் என்று கேட்டால் என்னை அடித்து திட்டுவார்கள் என்றும், 5 வருடம் சென்னையில் இருந்த பிறகு திருவண்ணாமலையில் வீடு வாங்கலாம் என்று கூறி என்னை திருவண்ணாமலைக்கு அழைத்து வந்து என் பெற்றோர் வீட்டில் விட்டு விட்டு அடிக்கடி வந்து பார்த்து செல்வார. தற்போது என் கணவர் வேறுவொரு பெண்ணிடம் பேசுவதாக கேள்விப்பட்டு விசாரித்த போது வேறுவொரு பெண்ணுடன் என் கணவன் குடும்பம் நடத்துவதாக தெரியவந்தது.

இது குறித்து அவரிடம் கேட்டதற்கு தகாத வார்த்தையால் பேசி என்னை தாக்கினார். மேலும் என்னை ஏமாற்றியது போல் இதுவரை ஐந்து பெண்களை திரைப்பட இயக்குனர் என்று கூறி திருமணம் செய்துள்ளது தனக்கு தெரிந்ததையடுத்து தான் தற்பொழுது என் கணவர் மீது தக்க நடவடிக்கை எடுக்க வேண்டும் என திருவண்ணாமலை அனைத்து மகளிர் காவல் நிலையத்தில் புகார் அளித்துள்ளதாக கூறினார். 

சினிமா பட டைரக்டர் என்று சொல்லியதோடு நடிகர் அதர்வா மற்றும் சமந்தாவை பல்வேறு முதன் முதலில் படம் நடிக்க அறிமுகப்படுத்தியதாகவும் கூறி ஏமாற்றி வருவதாகவும் குற்றம் சாட்டினார்.

திருவண்ணாமலை போலீசார் விசாரணை

இது குறித்து விசாரணை நடத்த திருவண்ணாமலை மாவட்ட காவல் கண்காணிப்பாளர் கார்த்திகேயன் திருவண்ணாமலை அனைத்து மகளிர் போலீசாருக்கு உத்தரவிட்டார். அதன் பேரில் திருவண்ணாமலை நகர துணை காவல் கண்காணிப்பாளர் ரவிச்சந்திரன் தலைமையிலான அனைத்து மகளிர் போலீசார் புகார் அளித்த பூர்ணிமா மற்றும் அவரது கணவர் லட்சுமிகாந்தன் ஆகியோரை நேரில் அழைத்து விசாரணை நடத்தினர். லட்சுமி காந்தன் 5 பெண்களை ஏமாற்றியது  உண்மையா என்ற கோணத்தில் விசாரணை நடத்தி வருகின்றனர்.

சினிமா பட இயக்குனர் என்று கூறி ஏமாற்றிய நபரிடம் போலீசார் விசாரணை நடத்திய தகவல் வெளியில் பரவியதால் திருவண்ணாமலையில் சிறிது பரபரப்பு ஏற்பட்டது. 

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன: 

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9