Top 10 News: ’டெல்டாவில் ரெட் அலார்ட்! நாகையில் நாளை விடுமுறை! முதல்வருக்கு எதிராக அன்புமணி!’ டாப் 10 நியூஸ்!
Nov 25, 2024, 07:11 PM IST
Share
Top 10 News: டெல்டா மாவட்டங்களில் ரெட் அலார்ட், நாகையில் நாளை விடுமுறை, ராமதாஸ் மீது முதலமைச்சர் விமர்சனம், முதல்வருக்கு அன்புமணி கண்டனம் உள்ளிட்ட முக்கிய செய்திகளின் தொகுப்பு இதோ!
1.நாகையில் நாளை விடுமுறை
ரெட் அலார்ட் காரணமாக நாகையில் நாளை பள்ளி மற்றும் கல்லூரிகளுக்கு விடுமுறை அறிவிக்கப்பட்டு உள்ளது. அடுத்த 48 மணி நேரத்தில் வட கடலோர மாவட்டங்களில் கனமழை பெய்யும் என்றும் டெல்ட்டா மாவட்டங்களில் அதிகனமழைக்கான ரெட் அலார்டும் விடுக்கப்பட்ட நிலையில் நடவடிக்கை.
2.தீவிரம் அடையும் பருவமழை
வங்கக்கடலில் உருவான காற்றழுத்த தாழ்வு மண்டலம், 24 மணிநேரத்தில் ஆழ்ந்த காற்றழுத்த தாழ்வு மண்டலமாகும். வரும் 29ஆம் தேதி அன்று சென்னை, செங்கல்பட்டு, காஞ்சிபுரம், திருவள்ளூர் ஆகிய மாவட்டங்களில் கனமழை பெய்யும் என தென் மண்டல வானிலை ஆய்வு மைய இயக்குநர் பாலச்சந்திரன் பேட்டி.
3.புயல் எச்சரிக்கை கூண்டு ஏற்றம்
தமிழ்நாட்டை நோக்கி காற்றழுத்த தாழ்வு மண்டலம் நெருங்கி வரும் நிலையில் சென்னை, கடலூர், நாகை, எண்ணூர், காட்டுப்பள்ளி, பாம்பன், தூத்துக்குடி, புதுச்சேரி ஆகிய துறைமுகங்களில் 1ஆம் எண் புயல் எச்சரிக்கை கூண்டு ஏற்றப்பட்டு உள்ளது.
4. ராமதாஸ் மீது முதல்வர் விமர்சனம்
பாமக நிறுவனர் ராமதாஸ்க்கு வேறு வேலை இல்லை. தினம் ஏதாவது அறிக்கை வெளியிட்டுக் கொண்டு இருப்பார். இதெற்கெல்லாம் பதில் சொல்ல வேண்டிய அவசியமில்லை என முதலமைச்சர் மு.க.ஸ்டாலின் பேட்டி.
5.முதல்வருக்கு அன்புமணி கண்டனம்
ராமதாஸுக்கு வேறு வேலை இல்லை என முதலமைச்சர் மு.க.ஸ்டாலின் கூறியதை ஏற்க முடியாது. முதலமைச்சர் வருத்தம் தெரிவிக்க வேண்டும். ராமதாஸ் குறித்து முதலமைசர் ஆணவத்துடன் பேசியது கண்டிக்கத்தக்கது; ஆணவத்துடன் பேசுவது முதலமைச்சர் பதவிக்கு அழகல்ல என பாமக தலைவர் அன்புமணி ராமதாஸ் பேட்டி.
6.சட்டப்பேரவை கூட்டத் தொடர் தொடக்கம்
தமிழ்நாடு சட்டப்பேரவை கூட்டத் தொடர் வரும் டிசம்பர் 9ஆம் தேதி தொடங்கும் என சபாநாயகர் அப்பாவு தெரிவித்து உள்ளார். கூட்டத் தொடர் எவ்வளவு நாட்கள் நடைபெறும் என்பதை அலுவல் ஆய்வுக் குழு கூடி முடிவு செய்யும் என்றும் கருத்து.
7.போலி டாக்டர் கைது
திருவண்ணாமலை மாவட்டம், வந்தவாசியில் 9ஆம் வகுப்பு படித்துவிட்டு மூல நோய்க்கு மருத்தும் பார்த்து வந்த போலி மருத்துவர் ஏ.கே.ராய் என்பவரை போலீசார் கைது செய்தனர்.
8. ஆசிரியர் பணியிடங்களை நிரப்புக
ஆசிரியர் பற்றக்குறையால் தேர்வு நேரத்தில் மாணாக்கர்கள் பரிதவிக்கிறார்கள்; காலியாக உள்ள 5154 பணியிடங்களுக்கும் முழுமையாக ஆசிரியர்களை நிரப்ப வேண்டும். பட்டதாரி ஆசிரியர் பணியிடங்களுக்கு தேர்வு எழுதியவர்களில் இருந்து நிரப்ப வேண்டும் என எதிர்க்கட்சித் தலைவர் எடப்பாடி பழனிசாமி கோரிக்கை.
9.பள்ளியின் பெயரை மாற்றிய அமைச்சர்
நாமக்கல் மாவட்டத்தில் மக்கள் கோரிக்கையை ஏற்று ‘அரிசன் காலனி’ ஊராட்சி ஒன்றிய தொடக்கப்பள்ளி என்ற பெயரை ‘மல்லசமுத்திரம் கிழக்கு’ ஊராட்சி ஒன்றிய தொடக்கப்பள்ளி என பள்ளிக்கல்வித்துறை அமைச்சர் அன்பில் மகேஸ் பெயர் மாற்றம் செய்து வைத்தார்.
10.தூத்துக்குடி மீனவர்களுக்கு கட்டுப்பாடு
தூத்துக்குடி மீனவர்கள் நாளை முதல் 29ஆம் தேதி வரை கடலுக்குச் செல்ல வேண்டாம் என அறிவுரை வழங்கப்பட்டு உள்ளது. மணிக்கு 75 கிலோ மீட்டர் வேகத்தில் காற்று வீசக்கூடும் என சென்னை மண்டல வானிலை ஆய்வு மையம் எச்சரிக்கை விடுத்த நிலையில் நடவடிக்கை.
டாபிக்ஸ்