Top 10 News (06.05.2023): ஜோக்கர் வேடத்தில் ஓபிஎஸ் போஸ்டர், பிரிட்டன் மன்னரானார் 3ம் சார்லஸ், ரோஹித் புதிய சாதனை!

தமிழ்நாடு

• ஆட்சி அமைத்து 2 ஆண்டுகளில் 350-க்கும் மேற்பட்ட துறை ரீதியான ஆய்வுக் கூட்டங்களை நடத்தி உள்ளதாகவும், 6905 கோப்புகளில் கையெழுத்திட்டு உள்ளதாகவும் முதல்வர் மு.க.ஸ்டாலின் தெரிவித்தார்.
• கள்ளக்குறிச்சி மாவட்டம் உளுந்தூர்பேட்டையில் ஓ.பன்னீர்செல்வத்தை ஜோக்கர் போன்று சித்தரித்து நகரம் முழுவதும் அதிமுகவினர் சார்பில் போஸ்டர் ஒட்டப்பட்டிருப்பதால் பரபரப்பு ஏற்பட்டது.

• உப்பளத் தொழிலாளர்களின் நீண்ட கோரிக்கையான உப்பளத் தொழிலாளர்களுக்கு தனி நலவாரியம் கோரிக்கையை ஏற்று தமிழ்நாடு அரசு அரசாணை வெளியிட்டுள்ளது.

இந்தியா

• வன்முறை வெடித்த மணிப்பூர் மாநிலத்தில், தேர்வு மையங்களைக் கொண்டிருக்கும் மாணவர்களுக்கு மட்டும் நீட் தேர்வை ஒத்திவைத்து தேசிய தேர்வு முகமை (என்டிஏ) அறிவிப்பு வெளியிட்டுள்ளது. தேர்வு தேதி பின்னர் அறிவிக்கப்படும் எனவும் தெரிவிக்கப்பட்டுள்ளது.
• மணிப்பூரில் நடந்த கலவரங்களில் உயிரிழந்தவர்களின் எண்ணிக்கை 54 ஆக அதிகரித்துள்ளதாக அதிகாரிகள் தெரிவித்துள்ளனர். முகாம்களில் 13,000 மக்கள் தங்கவைக்கப்பட்டுள்ளனர்.

உலகம்

• இங்கிலாந்தில் நீண்ட காலம் மகாராணியாக இருந்த, ராணி 2-ம் எலிசபெத் கடந்த ஆண்டு செப்டம்பர் மாதம் 8-ம் தேதி, தனது 96வது வயதில் மரணமடைந்தார். இதனையடுத்து இங்கிலாந்தின் புதிய மன்னராக மூன்றாம் சார்லஸ் அறிவிக்கப்பட்டார். இந்நிலையில் மறைந்த ராணி இரண்டாம் எலிசபெத்தின் மூத்த மகன் மூன்றாம் சார்லஸூக்கு இன்று முடிசூட்டப்பட்டது. இதன் மூலம் பிரிட்டனின் மன்னரானார் சார்லஸ்.

பொழுதுபோக்கு

• அட்லீ இயக்கத்தில் ஷாருக்கான் நடித்து வரும் ‘ஜவான்’ திரைப்படம் வரும் செப்டம்பர் மாதம் 7-ம் தேதி திரைக்கு வரும் என அதிகாரபூர்வமாக அறிவிக்கப்பட்டுள்ளது.
• இயக்குநர் பிரசாந்த் வர்மாவின் இயக்கத்தில் நட்சத்திர நாயகன் தேஜா சஜ்ஜா நடிப்பில் உருவாகியுள்ள 'ஹனு மேன்' படத்தின் வெளியீடு தேதி தள்ளி வைக்கப்பட்டுள்ளது. புதிய வெளியீட்டு தேதி விரைவில் அதிகாரப்பூர்வமாக அறிவிக்கப்படும் என தயாரிப்பு நிறுவனம் தெரிவித்திருக்கிறது.

விளையாட்டு

மும்பை இந்தியன்ஸ் அணி கேப்டன் ரோஹித் சர்மா ஐபிஎல் வரலாற்றிலே மோசமான சாதனையை செய்துள்ளார். சென்னை சூப்பர் கிங்ஸ் அணிக்கு எதிரான இன்றைய போட்டியில் சாஹர் பந்துவீச்சில் ரோஹித் டக் அவுட்டானார். இதன் மூலம் 16 முறை டக் அவுட் ஆன வீரர் என்ற புதிய சாதனையை ரோஹித் சர்மா படைத்திருக்கிறார்.

• பாகிஸ்தான் அணி சர்வதேச ஒருநாள் கிரிக்கெட் போட்டி தரவரிசையில் முதலிடம் பிடித்துள்ளது.