TN Cabinet Reshuffle:தமிழ்நாடு அமைச்சரவை மாற்றம்? ஆளுநரை சந்திக்கும் துரைமுருகன்

தமிழக அமைச்சரவை மாற்றி அமைக்கப்படலாம் என்ற தகவல்கள் வெளியாகி உள்ள நிலையில் ஆளுநர் ஆர்.என்.ரவியை நீர்வளத்துறை அமைச்சர் துரைமுருகன் சந்திக்கிறார்.

வரும் 12ஆம் தேதிக்கும் தமிழ்நாடு அமைச்சரவை மூன்றாவது முறையாக மாற்றி அமைக்கப்பட உள்ளதாக தகவல்கள் வெளியாகி உள்ளது. தமிழகத்தில் திமுக ஆட்சிபொறுப்பேற்ற இரண்டு ஆண்டுகளை நிறைவு செய்துள்ள நிலையில் புதிய முகங்களுக்கு வாய்ப்பளிக்கும் வகையிலும், சரியாக செயல்படாத அமைச்சர்களை மாற்றும் வகையிலும் இலாகா மாற்றங்கள் இருக்கும் என கூறப்படுகிறது. இந்த நிலையில் தமிழ்நாடு ஆளுநர் ஆர்.என்.ரவியை சென்னை கிண்டியில் உள்ள ஆளுநர் மாளிகையில் அமைச்சர் துரைமுருகன் சந்திக்க உள்ளார்.

கடந்த 2 முறை நடந்த அமைச்சரவை மாற்றத்தில் அமைச்சரவையில் உள்ள அமைச்சர்களின் துறைகள் மாற்றப்பட்டதே தவிர எந்த அமைச்சரும் அமைச்சரவையில் இருந்து நீக்கப்படவில்லை. இந்த நிலையில் தற்போது நடைபெறும் அமைச்சரவை மாற்றத்தில் சில அமைச்சர்களிடம் இருந்து அவர்களது துறைகள் மாற்றப்படலாம் என எதிர்பார்க்கப்படுகிறது. 

டெல்டா மற்றும் தென் தமிழகத்தை சேர்ந்த இரண்டு பேருக்கு அமைச்சரவையில் இடம் கிடைக்கும் என்று எதிர்பார்க்கப்படுகிறது. இந்த சந்திப்புக்கு பிறகு ராஜ்பவனில் இருந்து வெளியாகும் செய்திக்குறிப்பின் அடிப்படையிலேயே அமைச்சரவை மாற்றம் மற்றும் யாருக்கு எந்த துறைகள் ஒதுக்கப்படுகிறது என்பது உள்ளிட்டவை தெரியவரும் என எதிர்பார்க்கப்படுகிறது.