TN Cabinet Meet: பட்ஜெட்டுக்கு முன்பு முதல்வர் தலைமையில் அமைச்சரவை கூட்டம்

தமிழக பட்ஜெட் வரும் மார்ச் 17-ம் தேதியும், வேளாண் பட்ஜெட் மார்ச் 20-ம் தேதியும் தாக்கல் செய்யப்படும் என்று எதிர்பார்க்கப்படுகிறது. இந்நிலையில், மார்ச் 17-ம் தேதி தாக்கல் செய்யப்பட உள்ள பட்ஜெட்டிற்கு தமிழக அமைச்சரவையைக் கூட்டி ஒப்புதல் பெற வேண்டும். 

இதற்காக, தமிழக முதல்வர் மு.க.ஸ்டாலின் தலைமையில் தமிழக அமைச்சரவைக் கூட்டம் வரும் 9-ம் நடைபெறுகிறது. இந்த அமைச்சரவைக் கூட்டத்தில் நிதிநிலை அறிக்கைக்கு ஒப்புதல் வழங்கப்படவுள்ளது. 

மகளிருக்கான உரிமைத் தொகை வழங்கப்படும் என்று தமிழக முதல்வர் அறிவித்துள்ளதால், தமிழக அரசு இந்த ஆண்டு தாக்கல் செய்யப்படவுள்ள பட்ஜெட் மக்களிடையே மிகுந்த எதிர்பார்ப்பை ஏற்படுத்தியுள்ளது. மேலும், தமிழக பட்ஜெட்டில் புதிய அறிவிப்புகள் வெளியாகுமா? என்ற எதிர்பார்ப்பும் எழுந்துள்ளது. 

எம்எல்ஏவாக இருந்த உதயநிதி அமைச்சராக பொறுப்பேற்ற பிறகு தாக்கல் செய்யப்படும் முதல் பட்ஜெட் என்பதால் விளையாட்டு மற்றும் இளைஞர் நலன் துறையில் கூடுதல் சிறப்பு திட்டங்களுக்கு நிதி ஒதுக்கப்பட வாய்ப்பு இருப்பதாகவும் கூறப்படுகிறது.