Tamil Live News Updates: ராஜஸ்தானின் புதிய முதலமைச்சராக பஜன்லால் ஷ்ர்மா தேர்வு!

தலைவர் 170 படத்தின் தலைப்பு வெளியானது

Vettaiyan: தா.சே.ஞானவேல் இயக்கும் ரஜினிகாந்தின் 170 வது திரைப்படத்திற்கு ‘வேட்டையன்' என பெயரிட்டுள்ளதாக படக்குழு அறிவித்துள்ளது.

கடலில் மிதக்கும் எண்ணெய் கழிவுகள்

Ennore: எண்ணூர் பகுதியில் கடலில் மிதக்கும் எண்ணெய் கழிவுகளை அகற்றும் பணி தீவிரம் அடைந்துள்ளதாக கூடுதல் தலைமைச் செயலாளர் சுப்ரியா சாகு தெரிவித்துள்ளார். கடலில் மிதக்கும் எண்ணெயை அகற்றும் பணியை விரைவு படுத்த மேலும் சில எண்ணெய் உறிஞ்சும் இயந்திரங்கள் பயன்படுத்தப்பட்டுள்ளதாகவும் அகற்றப்படும் கழிவுகள் கும்மிடிப்பூண்டியில் நிர்ணயிக்கப்பட்ட இடத்தில் வைக்கப்படும் எனவும் தகவல்.

திமுக எம்பி அப்துல்லா கோரிக்கை

MM Abdulla: உணவு உற்பத்தியைப் பாதுகாத்திட நாடு முழுவதும் குறிப்பாக கிராமப்புறங்களில் குளிர்பதன சேமிப்புக் கிடங்குகளை அதிகரிக்கவும், உள்கட்டமைப்பை மேம்படுத்தவும் வேண்டும் என்று திமுக எம்பி அப்துல்லா ராஜ்யசபாவில் வலியுறுத்தி உள்ளார்.

ராஜஸ்தான் மாநில புதிய முதலமைச்சராக பஜன்லால் ஷ்ர்மா தேர்வு!

Rajasthan CM: ராஜஸ்தான் மாநில புதிய முதலமைச்சராக பஜன்லால் ஷ்ர்மா தேர்வு செய்யப்பட்டுள்ளார். ஜெய்ப்பூரில் நடைபெற்ற பாஜக எம்எல்ஏக்கள் கூட்டத்தில் இந்த முடிவு எடுக்கப்பட்டுள்ளது.

இபிஎஸ்-க்கு விலக்கு அளித்து உயர் நீதிமன்றம் உத்தரவு!

Kodanad Case: கோடநாடு கொலை, கொள்ளை வழக்கில், கனகராஜின் சகோதரர் தனபாலுக்கு எதிராக தொடர்ந்த வழக்கில், நீதிமன்றத்தில் நேரில் ஆஜராகி சாட்சியம் அளிக்க அதிமுக பொதுச்செயலாளர் எடப்பாடி பழனிசாமிக்கு விலக்கு அளித்து சென்னை உயர்நீதிமன்றம் உத்தரவு பிறப்பித்துள்ளது. எடப்பாடி பழனிசாமியிடம் சாட்சியங்களைப் பதிவு செய்ய வழக்கறிஞர் ஆணையர் நியமனம் செய்து, சாட்சியப்பதிவை ஒரு மாதத்தில் முடிக்க வழக்கறிஞர் ஆணையருக்கு நீதிமன்றம் உத்தரவிட்டுள்ளது.

நடிகர் ஆர்.கே.சுரேஷிடம் விசாரணை

Actor RK Suresh: ஆருத்ரா கோல்டு நிறுவன மோசடி தொடர்பாக நடிகர் ஆர்.கே.சுரேஷிடம் 4 மணி நேரமாக விசாரணை நடந்து வருகிறது. 2 நாள் முன்பு துபாயிலிருந்து சென்னை வந்த ஆர்.கே.சுரேஷ், பொருளாதார குற்றப்பிரிவு போலீசில் ஆஜரானார்.

தமிழ்நாடு அரசுக்கு மத்திய அரசு குழு பாராட்டு!

Cyclone Michuang: மிக்ஜாம் புயல் - மழை வெள்ள பாதிப்புகளை மிக சிறப்பாக கையாண்டதற்காக தமிழ்நாடு அரசுக்கு மத்திய அரசு குழு பாராட்டு. வெள்ள பாதிப்புகளில் இருந்து சென்னை உட்பட 4 மாவட்டங்களும் முழுமையாக மீண்டு வருவதற்கான அனைத்து உதவிகளையும் மத்திய அரசு செய்யும் எனவும் குழு உறுதி அளித்துள்ளது.

மருத்துவர் மருது பாண்டியன் மரண விவகாரம்

Chennai: மருத்துவர் மருது பாண்டியன் மரணத்துக்கு பணிச்சுமை காரணமல்ல என சென்னை ராஜீவ் காந்தி அரசு பொது மருத்துவமனை விளக்கம் அளித்துள்ளது. மருத்துவர் மருது பாண்டியன் இறப்புக்கான காரணம் குறித்து முறையான உறுப்பு பரிசோதனைக்கு பிறகே தெரியவரும் எனவும் தெரிவிக்கப்பட்டுள்ளது.

4 மாவட்டங்களில் இன்று கனமழைக்கு வாய்ப்பு

Weather Update: நெல்லை, தூத்துக்குடி, கன்னியாகுமரி, ராமநாதபுரம் ஆகிய 4 மாவட்டங்களில் இன்று கனமழை பெய்ய வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது.

கடலூரில் 27-ஆம் தேதி விடுமுறை

Cuddalore District: சிதம்பரம் நடராஜர் கோயிலில் ஆருத்ரா தரிசனத்தை முன்னிட்டு வரும் 27ஆம் தேதி கடலூர் மாவட்டத்திற்கு உள்ளூர் விடுமுறை விடப்படும் என மாவட்ட ஆட்சியர் அறிவிப்பு!

அமலாக்கத்துறை அதிகாரியை விசாரிக்க அனுமதி

ED : அமலாக்கத்துறை அதிகாரி அங்கித் திவாரியை 2 நாட்கள் போலீஸ் காவலில் எடுத்து விவாரிக்க லஞ்ச ஒழிப்புத்துறைக்கு திண்டுக்கல் நீதிமன்றம் அனுமதி.

திண்டுக்கல் அரசு மருத்துவரிடம் லஞ்சம் பெற்ற புகாரில் அங்கித் திவாரி கைது செய்யப்பட்டார்.

பூந்தமல்லி பிடிஓ இடமாற்றம்

Chennai Floods: மிக்ஜாம் புயலால் பூந்தமல்லி ஊராட்சி ஒன்றியம் காட்டுப்பாக்கம், நசரத்பேட்டை, சென்னீர்குப்பம், பாரிவாக்கம் ஆகிய‌ ஊராட்சிகளில் மழைநீரை அகற்ற முறையான நடவடிக்கை மேற்கொள்ளாத பி.டி.ஓ. அதிகாரி ஸ்டாலினை திருத்தணிக்கு மாற்றம் செய்து திருவள்ளூர் மாவட்ட ஆட்சியர் உத்தரவு

ஆர்.கே.சுரேஷ் போலீசில் ஆஜர்

Aarudra: ஆருத்ரா பண மோசடி வழக்கில் துபாயில் தலைமறைவாக இருந்த நடிகரும், பாஜக முன்னாள் நிர்வாகியுமான ஆர்.கே.சுரேஷ்  சென்னையில் பொருளாதார குற்றப்பிரிவு போலீசார் முன் விசாரணைக்கு ஆஜர் ஆனார். 

ஸ்ரீரங்கம் கோயிலில் ஆந்திர பக்தர் மீது தாக்குதல்!

Srirangam Temple: திருச்சி ஸ்ரீரங்கம் கோயிலில் ஆந்திராவை சேர்ந்த ஐயப்ப பக்தர் சென்னா ராவ் என்பவர் மீது தாக்குதல் நடத்தப்பட்டதால் நடை மூடப்பட்டது.

கோயில் பாதுகாவலர்கள் - பக்தர்கள் இடையே நடந்த தாக்குதலில் பக்தர் சென்னாராவுக்கு மூக்கு உடைந்து ரத்தம் கொட்டியதால் பரபரப்பு

பக்தர்கள் மீதான தாக்குதலைஅ கண்டித்து சக பக்தர்கள் கூச்சல் இட்டதால் கோயில் உதவி ஆணையர் பேச்சுவார்த்தை

திருச்சி பிரபாகரன் கொலை வழக்கில் 4 பேர் கைது!

ராமஜெயம் கொலை வழக்கில் விசாரணைக்கு ஆஜர் ஆன திருச்சி பிரபாகரன் கொலை செய்யப்பட்ட சம்பவத்தில் 4 பேர் கைது

ரஜினிக்கு அண்ணாமலை வாழ்த்து

HBD Superstar Rajinikanth: இன்று பிறந்தநாள் கொண்டாடும் சூப்பர் ஸ்டார் திரு.ரஜினிகாந்த் அவர்களுக்கு, தமிழ்நாடு சார்பாக இனிய வாழ்த்துக்களைத் தெரிவித்துக் கொள்கிறேன்.

சிறந்த தேசியவாதியும், பண்பாளருமான திரு ரஜினிகாந்த், அவர்கள், நல்ல உடல் நலத்துடன், நீண்ட ஆயுளுடன் நலமுடன் வாழவும் குழந்தைகள் முதல் பெரியவர்கள் வரை உங்கள் மீது வைத்திருக்கும் மட்டற்ற அன்பும் நிலைத்திருக்க இறைவனை வேண்டிக் கொள்கிறேன்.

ரஜினிக்கு கமல் வாழ்த்து

HBD Superstar Rajinikanth: அருமை நண்பர் சூப்பர் ஸ்டார் ரஜினிகாந்த் அவர்களுக்கு இனிய பிறந்தநாள் வாழ்த்துகள். இன்றும் என்றும் வெற்றிகளை அறுவடை செய்தபடி உற்சாகமாக வாழ மனதார வாழ்த்துகிறேன் - கமல் ட்வீட்

எண்ணூரில் மீன்வளத்துறை அதிகாரிகள் ஆய்வு

CPCL: எண்ணெய் கழிவுகள் கலந்த எண்ணூர் கடற்கரை பகுதிகளில் மீன்வளத்துறை அதிகாரிகள் ஆய்வு

நடிகர் ரஜினி காந்துக்கு முதல்வர் வாழ்த்து!

HBD Superstar Rajinikanth: நடிகர் ரஜினி காந்திற்கு முதலமைச்சர் மு.க.ஸ்டாலின் பிறந்தநாள் வாழ்த்து.

மகிழ்ச்சியோடும் மனநிறைவோடும் பல வெற்றிப்படங்களைத் தந்து உச்சநட்சத்திரமாக மக்களை மகிழ்விக்க விழைகிறேன் என ட்வீட்

3 குற்றவியல் மசோதக்கள் இன்று தாக்கல்

Parliamant: மூன்று குற்றவியல் நடைமுறை சட்டத்திருத்த மசோதாக்களை வாபஸ்பெற்றது மத்திய அரசு

ஆகஸ்ட் மாதம் நாடாளுமன்றத்தில் தாக்கல் செய்யப்பட்ட மசோதாக்களை வாபஸ்பெற்றது மத்திய அரசு.

புதிய திருத்தங்களுடன் 3 மசோதாக்களையும் உள்துறை அமைச்சர் அமித்ஷா இன்று தாக்கல் செய்கிறார்.

ரயில் சேவை பாதிப்பு

Railway: சென்னை திரிசூலம் - மீனம்பாக்கம் இடையே ரயில் தண்டவாளத்தில் விரிசல் காரணமாக தாம்பரம்-கடற்கரை மார்க்கத்தில் ரயில் போக்குவரத்து பாதிப்பு அடைந்துள்ளது.

ரயில் தண்டவாளத்தை சரி செய்யும் பணியில் ரயில்வே ஊழியர்கள் தீவிரம்.

ஏரிக்கரை உடைந்தது

Kanchipuram: காஞ்சிபுரம்: குன்றத்தூர் அருகே நடுவீரப்பட்டு ஏரிக்கரை உடைந்ததால் 300 ஏக்கர் நெற்பயிர்கள் மூழ்கின

மலை ரயில் சேவை ரத்து

Heavy Rain: தொடர் கனமழை காரணமாக உதகை-மேட்டுப்பாளையம் இடையேயான மலை ரயில் சேவை நாளை வரை ரத்து

விஜய் மக்கள் இயக்கம் சார்பில் மருத்துவ முகாம்!

Chennai Floods: மழை வெள்ளம் பாதித்த மக்களுக்காக விஜய் மக்கள் இயக்கம் சார்பில் சென்னையில் மருத்துவ முகாம்கள் நடைபெறும் என அறிவிப்பு

டி20 கிரிக்கெட்- மழை பாதிக்க வாய்ப்பு

IND vs SA: இன்றைய தினம் நடக்க உள்ள தென் ஆப்பிரிக்காவுக்கு எதிரான 2ஆவது டி20 போட்டி மழையால் பாதிக்கப்பட வாய்ப்புள்ளதாக தகவல்.

ராஜஸ்தான் முதல்வர் யார்?

Rajasthan CM: ராஜஸ்தானில் புதிய முதலமைச்சரை தேர்வு செய்ய இன்று பாஜக எம்.எல்.ஏக்கள் கூட்டம் நடக்கிறது.

ஆர்.கே.சுரேஷ் இன்று ஆஜர்

RK Suresh: ஆருத்ரா பண மோசடி வழக்கில் தொடர்புடைய நடிகரும், பாஜக முன்னாள் நிர்வாகியுமான ஆர்.கே.சுரேஷ் பொருளாதார குற்றப்பிரிவு விசாரணைக்கு ஆஜர் ஆகிறார்.

ராமஜெயம் கொலை வழக்கு - விசாரிக்கப்பட்டவர் கொலை

Tricy Ramajayam Case: திருச்சி ராமஜெயம் கொலை வழக்கில் சிபிசிஐடி விசாரணையில் இருந்த பிரபு என்கிற பிரபாகரன் வெட்டிக் கொலை.

மத்திய குழு இன்று முதல் ஆய்வு

Chennai Floods 2023: மிக்ஜாம் புயல் மழை வெள்ள பாதிப்புகளை மதிப்பிட சென்னை வந்த மத்திய குழு இன்றும் நாளையும் ஆய்வு செய்கிறது.