Rajiv Gandhi Memorial: ஸ்ரீபெரும்புதூர் ராஜீவ் நினைவிடத்தில் ராகுல் மரியாதை

ஸ்ரீபெரும்புதூர்: முன்னாள் பிரதமர் ராஜீவ் காந்தி படுகொலை செய்யப்பட்ட ஸ்ரீபெரும்புதூர் நினைவிடத்தில் காங்கிரஸ் எம்பியும், ராஜீவ் மகனுமான ராகுல் இன்று மரியாதை செலுத்தினார்.

இந்திய ஒற்றுமையை வலியுறுத்தி பாரத் ஜோடோ யாத்திரை காங்கிரஸ் எம்பி ராகுல் தலைமையில் இன்று துவங்குகிறது. கன்னியாகுமரியில் இருந்து காஷ்மீர் வரை 3,500 கி.மீ நடைபயணம் இன்று மாலை ஆரம்பமாகிறது.

இந்த நிகழ்வில் கலந்துகொள்வதற்காக தமிழகம் வந்துள்ள ராகுல் இன்று காலை ஸ்ரீபெரும்புதூரில் உள்ள முன்னாள் பிரதமரும், தனது தந்தையுமான ராஜீவ் காந்தி நினைவிடத்தில் மலர்தூவி மரியாதை செலுத்தினார். கர்நாடக காங்கிரஸ் தலைவர் சிவகுமார், தமிழக காங்கிரஸ் தலைவர் கே.எஸ்.அழகிரி உள்ளிட்ட முக்கிய காங்கிரஸ் பிரமுகர்களும் அவருடன் வந்திருந்தனர்.

தந்தை நினைவிடத்தில் மரியாதை செலுத்திய பிறகு ராகுல் சிறிதுநேரம் தியானத்தில் ஈடுபட்டார். தொடர்ந்து ஒற்றுமை யாத்திரையை முன்னிட்டு நினைவிடத்தில் மரக்கன்று ஒன்றையும் ராகுல் நட்டார்.

இதையடுத்து சென்னை திரும்பும் ராகுல் காலை 11.30 மணியளவில் விமானம் மூலம் திருவனந்தபுரம் சென்று அங்கிருந்து கன்னியாகுமரி செல்லவுள்ளார். தொடர்ந்து மாலை கன்னியாகுமரியில் காங்கிரஸின் ஒற்றுமை பயணத்தை முதல்வர் மு.க.ஸ்டாலின் தொடங்கி வைக்கிறாா். காங்கிரஸ் ஒற்றுமை பயண யாத்திரை துவக்க விழா நிகழ்ச்சியில் சத்தீஸ்கர் மாநில முதல்வர், ராஜஸ்தான் மாநில முதல்வர் உள்ளிட்டோரும் பங்கேற்கிறார்கள்.