’கேள்வியா கேக்குற! இந்தா வாங்கிக்கோ!’ கிராமசபை கூட்டத்தில் முதியவருக்கு உதை! ஊராட்சி செயலர் அடாவடி!

தமிழகம் முழுவதும் அக்டோபர் இரண்டாம் தேதி காந்தி ஜெயந்தி முன்னிட்டு கிராம சபை கூட்டம் என்பது நடைபெற்று வருகிறது.

விருதுநகர் மாவட்டம் ஸ்ரீவில்லிபுத்தூர் ஒன்றியத்திற்கு உட்பட்ட கங்கா குளம் பகுதியில் சட்டமன்ற உறுப்பினர் மோகன்ராஜ் தலைமையில் நடைபெற்ற கிராம சபை கூட்டத்தில் பொது மக்கள் சமூக ஆர்வலர்கள் அதிகாரிகள் என ஏராளமானோர் கலந்து கொண்டனர்.

இந்நிலையில் கிராம சபை கூட்டத்தில் கங்கா குளம் ஊராட்சி ஒன்றியத்தில் செலராக பணிபுரிந்த தங்கப்பாண்டியன் என்பவர் கலந்து கொண்டார்.

அவர் கடந்த சில மாதங்களுக்கு முன்னர் மாவட்ட ஆட்சித் தலைவர் அவர்களால் பணியிட மாற்றம் செய்யப்பட்டதாகவும் அவர் கங்கா குளம் கிராம சபை கூட்டத்தில் கலந்து கொண்டது குறித்து விவசாயி அம்மையப்பன் என்பவர் கேள்வி கேட்டபோது ஆத்திரம் அடைந்த தங்கபாண்டிய முதியவர் அம்மையப்பனை எட்டி உதைத்துள்ளார்.

ஏற்கனவே உடல் நலம் பாதிக்கப்பட்டிருந்த அம்மையப்பன் விவசாயி ஸ்ரீவில்லிபுத்தூர் அரசு மருத்துவமனையில் சிகிச்சைக்காக அனுமதிக்கப்பட்டுள்ளார்.

கிராம சபை கூட்டத்தில் பொதுமக்கள் முன்னிலையில் விவசாயி ஒருவரை ஊராட்சி செயலர் எட்டி உதைத்தது பெரும் பரபரப்பை ஏற்படுத்தி உள்ளது. இந்த வீடியோ தற்போது சமூகவலைத்தளங்களில் வைரல் ஆகி வருகிறது.