Weather Report: இரண்டு நாள்களுக்கு லேசான மழை, உறைபனிக்கு வாய்ப்பு - வானிலை ஆய்வு மையம் தகவல்

தமிழ்நாட்டில் பகல் பொழுதில் வறண்ட வானிலை நிலவி வந்தாலும், அதிகாலை அல்லது இரவு நேரத்தில் கடும் குளிர் நிலவி வருகிறது. இந்த குளிர் மேலும் தொடரும் எனவும், மேலும் ஒரு சில இடங்களில் லேசான மழைக்கு வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது.

இதுதொடர்பாக சென்னை வானிலை ஆய்வு மையம் வெளியிட்டுள்ள செய்தி குறிப்பில் கூறியிருப்பதாவது:

கிழக்கு திசையில் காற்று வேக மாறுபாடு காரணமாக தமிழ்நாட்டில் சில இடங்களிலும், புதுவை, காரைக்கால் பகுதிகளில் லேசான மழை பெய்ய வாய்ப்பு உள்ளது.

ஜனவரி 29ஆம் தேதியை பொறுத்தவரை தமிழ்நாடு, காரைக்கால் பகுதிகளில் வறண்ட வானிலை நிலவும். அதிகாலை வேலையில் ஒரு சில இடங்களில் பனிமூட்டத்துக்கு வாய்ப்பு உள்ளது.

ஜனவரி 30ஆம் தேதி வறண்ட வானிலை நிலவும். ஜனவரி 31 முதல் பிப்ரவரி 3ஆம் தேதி வரை தென் தமிழ்நாடு, டெல்டா மாவட்டங்களில் ஓரிரு இடங்களில் லேசான மழை பெய்ய வாய்ப்பு உள்ளது.

சென்னை மற்றும் அதனை சுற்றியுள்ள பகுதிகளில் வானம் மேகமூட்டத்துடன் காணப்படும். அதிகபட்ச வெப்பநிலை 31 டிகிரி செல்சியஸ், குறைந்தபட்ச வெப்பநிலை 23 டிகிரி செல்சியஸ் அளவில் இருக்கும்.

இன்றும், நாளையும் நீலகிரி மாவட்டத்தில் இரவு அல்லது அதிகாலை வேளையில் உறைபனி ஏற்பட வாய்ப்பு உள்ளது.

இவ்வாறு அதில் தெரிவிக்கப்பட்டுள்ளது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9