'அரசு நிலத்தை காலி செய்ய வேண்டும்' - கலாநிதி வீராசாமிக்கு நீதிமன்றம் அதிரடி உத்தரவு!

முன்னாள் அமைச்சர் ஆற்காடு என்.வீராசாமியின் மகனும், திமுக நாடாளுமன்ற உறுப்பினருமான கலாநிதி, சென்னை கோயம்பேட்டில் தனியார் மருத்துவமனை கட்டியுள்ள அரசு நிலத்தை ஒரு மாத காலத்திற்குள் காலி செய்ய வேண்டும் என சென்னை உயர் நீதிமன்றம் இன்று உத்தரவு பிறப்பித்துள்ளது. 

ஒரு மாதத்தில் காலி செய்யாவிடில் கலாநிதி வீராசாமியை அப்புறப்படுத்தி நிலத்தை மீட்க வேண்டும் எனவும் நீதிபதி எஸ்.எம்.சுப்பிரமணியம் பிறபித்த உத்தரவில் குறிப்பிட்டுள்ளார்.

வட சென்னை திமுக எம்.பி.கலாநிதி வீராசாமி மருத்துவராகவும் இருந்து வருகிறார். இவருக்கு சொந்தமாக சென்னை கோயம்பேட்டில் அமைந்துள்ள மருத்துவமனை நிலம், 1995 ஆம் ஆண்டு அவரும் அவரது குடும்பத்தினரும் இந்தச் சொத்தை விற்பனையாளர்கள் குழுவிடமிருந்து வாங்கியதாகவும், அந்த நிலம் கிராம நத்தம் (பொதுவான கிராம நிலம்) என வருவாய்ப் பதிவேடுகளில் வகைப்படுத்தப்பட்டுள்ளது என்றும், அதன் மீது அரசு உரிமை கோர முடியாது என்றும் கூறி சென்னை உயர் நீதிமன்றத்தில் வழக்கு தொடர்ந்திருந்தார்.

இந்த வழக்கு நீதிபதி எஸ்.எம்.சுப்பிரமணியம் முன்பு இன்று விசாரணைக்கு வந்தது. அப்போது, கலாநிதி வீராசாமி தரப்பு வாதத்தை நிராகரித்த நீதிபதி, மனுதாரரின் விற்பனையாளர்கள் சொத்தின் மீது எவ்வாறு உரிமையைப் பெற்றனர் என்பதை நிரூபிக்க கோப்பில் எந்த தகவலும் இல்லை என்று கூறினார்.

மேலும், கிராம நத்தம் என்பது பொதுவான கிராம நிலங்களுக்குப் பயன்படுத்தப்படும் வகைப்பாடு ஆகும். வீடில்லா ஏழை மக்களுக்கு வழங்கும் நத்தம் நிலத்தை தனியார் நடத்தும் மருத்துவமனை வணிக பயன்பாட்டுக்கு பயன்படுத்த முடியாது. சமூகநீதி பாதுகாவலர்கள் எனக்கூறும் அரசியல் கட்சிகள் மக்கள் விருப்பத்தை மதிக்க வேண்டும் என்றும் தெரிவித்த நீதிபதி, விருப்பங்கள் மற்றும் விருப்பங்களின் அடிப்படையில் நிலங்களை வழங்க அரசுக்கு அதிகாரம் இல்லை. கிராம நத்தம் நிலங்களை ஒப்படைப்பதில் அதிகாரம் கட்டுப்படுத்தப்பட்டு, உரிய நபர்களுக்கு உரிய நோக்கங்களுக்காகப் பயன்படுத்தப்படுவதை உறுதிசெய்ய வழிகாட்டுதல் வகுக்கப்பட வேண்டும். அரசாங்கம் என்பது அரசியல்வாதிகளுக்கும் கட்சிக்காரர்களுக்கும் மட்டுமல்ல. இது சாமானியர்களின் பிரதிநிதி.

இதையடுத்து கிராம நத்தம் நிலத்தை ஆக்கிரமித்ததாக கூறி மெட்ரோ நிர்வாகம் அனுப்பிய நோட்டீசை எதிர்த்து கலாநிதி வீராசாமி தொடர்ந்த வழக்கு முடித்து வைத்து உத்தரவிட்டார். மேலும், மெட்ரோ ரயில் திட்டத்துக்காக ஒதுக்கப்பட்ட இந்த நிலத்தை திமுக எம்.பி., கலாநிதி வீராசாமி அக்டோபர் 15 ஆம் தேதிக்குள் காலி செய்ய வேண்டும், ஒரு மாதத்தில் காலி செய்யாவிடில் கலாநிதி வீராசாமியை அப்புறப்படுத்தி நிலத்தை மீட்க வேண்டும் என சென்னை மாவட்ட ஆட்சியருக்கு சென்னை உயர் நீதிமன்றம் உத்தரவு பிறப்பித்துள்ளது.

சென்னை கோயம்பேட்டில் கலாநிதிக்கு சொந்தமான 62.93 சதுர மீட்டர் நிலத்தை மெட்ரோ ரயில் திட்டத்துக்கு தமிழக அரசு ஒதுக்கியது. நிலத்தை காலி செய்யும்படி 2011-ல் அனுப்பப்பட்ட நோட்டீஸை எதிர்த்தும், நிலத்துக்கு உரிய இழப்பீடு கோரியும் கலாநிதி வீராசாமி வழக்கு தொடர்ந்திருந்தார் என்பது குறிப்பிடத்தக்கது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், ஆன்மிகம், புகைப்பட கேலரி, வெப் ஸ்டோரி, வேலைவாய்ப்பு தகவல்கள், சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.