Crime: ‘பேச மறுத்ததால் ஆத்திரம்! பேருந்தில் சக மாணவரை கத்தியால் குத்திய மாணவர் கைது!’

கரூர் அருகே பேச மறுத்ததால் சக மாணவனின் கழுத்தை அறுத்த 21 வயது மாணவரை போலீசார் கைது செய்துள்ளனர்.

திருச்சி மாவட்டத்தை சேர்ந்த 21வயது எம்.பி.ஏ படிக்கும் மாணவரான அண்ணாமலை புலியூரில் உள்ள கல்லூரி ஒன்றில் முதலாம் ஆண்டு படித்து வந்தார்.

இவர், பொறியியல் மூன்றாம் ஆண்டு படித்து வரும் 20 வயதான பி.நிதிஷ்குமார் என்பவருடன் தினமும் ஒரே பேருந்தில் பயணம் செய்வதை வழக்கமாக கொண்டிருந்தார்.

நண்பர்களாக இருந்த இருவரும் கருத்து வேறுபாடு காரணமாக பேசுவதை நிறுத்தி விட்டதாக கூறப்படுகிறது. நேற்றைய தினம் (27-11-2023) அன்று எம்.பி.ஏ மாணவர் அண்ணாமலை தொட்டியம் பகுதியில் பேருந்தில் ஏறி உள்ளார். ,உசிறி பகுதியில் இருந்து நிதிஷ் குமார் பேருந்தில் ஏறி உள்ளார்.

அப்போது நிதிஷ் குமார் இருக்கைக்கு சென்ற அண்ணாமலை, அவரோடு சண்டைபோட்டதுடன் தனது சட்டை பையில் வைத்திருந்த கத்தியை எடுத்து நிதிஷ் குமாரின் இடது தொண்டையை அறுத்துள்ளார்.

இதனால் அதிர்ச்சி அடைந்த சக பயணிகளும், பேருந்து ஓட்டுநரும், பாதிக்கப்பட்ட நிதிஷ் குமாரை அரசு மருத்துவமனையில் சிகிச்சைக்காக சேர்த்தனர். அவரது உடல் நிலை தற்போது சீராக உள்ள நிலையில், அவரை கத்தியால் குத்திய மாணவர் அண்ணாமலையை போலீசார் கைது செய்து விசாரணை நடத்தி வருகின்றனர்.

பேருந்தில் மாணவர் கத்தியால் குத்தப்பட்ட சம்பவம் அப்பகுதியில் அதிர்ச்சியை ஏற்படுத்தி உள்ளது.