IIT & B.Ed : சென்னை ஐ.ஐ.டி கட்டுமான தொழில்நுட்ப சான்றிதழ் படிப்பு; தொலைதூர பி.எட். கல்வி – விண்ணப்பிக்க அழைப்பு!
Jul 17, 2023, 02:19 PM IST
Share
IIT and B.Ed. : சென்னை ஐ.ஐ.டி.யில் கட்டுமான தொழில்நுட்பம் பற்றிய ஆன்லைன் சான்றிதழ் படிப்பு அறிமுகம் செய்யப்பட்டுள்ளது. விண்ணப்பிக்க அடுத்த மாதம் 20ம் தேதி கடைசி நாளாகும்.
அனைவருக்கும் ஐ.ஐ.டி. என்ற இலக்கை எட்டும் வகையில் சென்னை ஐ.ஐ.டியில் பல்வேறு புதிய படிப்புகளை அறிமுகம் செய்து வருகிறது. அந்த வரிசையில் கட்டுமான தொழில்நுட்பம் மற்றும் மேலாண்மை பற்றிய ஆன்லைன் சான்றிதழ் படிப்பை சென்னை ஐ.ஐ.டி. தற்போது அறிமுகம் செய்துள்ளது. இந்த புதிய படிப்பில் கட்டுமான தொழில்நுட்பம் மற்றும் அதன் மேலாண்மை குறித்த நடைமுறைகளில் உள்ள நவீன முன்னேற்றங்கள் கற்றுத்தரப்படவுள்ளன.
கட்டுமானம் நடைபெறும் இடங்களை திறமையுடன் நிர்வகிப்பது எப்படி? என்பது பற்றிய தகவலையும், அதேபோல் திட்டப்பணிகளை சரியான நேரத்தில், குறைந்த செலவில் உயர்தரத்தில் முடிக்க தேவையான திறமையை பெரும்பாலும் யாரும் கற்றுத்தருவது கிடையாது.
அதனை பூர்த்தி செய்யும் நோக்கில் இந்த பாடத்திட்டம் தயாரிக்கப்பட்டுள்ளது. சென்னை ஐ.ஐ.டி.யின் மூத்த பேராசிரியர் குழுவினர் இந்த பாடத்திட்டத்தை கற்பிக்க இருக்கிறார்கள். 126 மணி நேர ஆன்லைன் வகுப்புகள், 42 மணி நேர ஆசிரியர் நிபுணர்களுடன் ஆன்லைன் வாயிலாக கலந்துரையாடல் என ஆன்லைன் வாயிலாகவே வகுப்புகள் நடைபெற உள்ளன.
இந்தப்படிப்புக்கான முதல் வகுப்பு செப்டம்பர் 1ம் தேதி தொடங்குகிறது. இதற்கு விண்ணப்பிக்க அடுத்த மாதம் (ஆகஸ்ட்) 20ம் தேதி கடைசிநாள் ஆகும். விருப்பம் உள்ளவர்கள் https://code.iitm.ac.in/construction-technology-and-management என்ற இணையதளம் மூலம் சென்று விண்ணப்பிக்கலாம்.
தொலைதுார கல்வி பி.எட்.க்கு விண்ணப்பிக்கலாம்
பாரதியார் பல்கலை. தொலைதூர கல்வி முறையில், பி.எட். படிப்பு 2023-25ம் ஆண்டு சேர்க்கைக்கான, விண்ணப்ப படிவம் ஆன்லைன் வழியாக பதிவிறக்கம் செய்துகொள்ளலாம்.
சேர்க்கை செயல்பாடுகள் அரசு மதிப்பெண் மற்றும் இன சுழற்சி அடிப்படையில் நடைபெறும். இரண்டாண்டு, ஆசிரியர் பட்டயப்படிப்பில் தேர்ச்சி பெற்றவராக இருக்கவேண்டும் அல்லது நிரந்தர அடிப்படையில் அங்கீகரிக்கப்பட்ட பள்ளியில், ஆசிரியராக பணியாற்றி இருக்கவேண்டும்.
இன வாரியாக பட்டப் படிப்பில், குறைந்தபட்சம் 40 முதல் 50 சதவீத மதிப்பெண் பெற்றிருக்க வேண்டும். கல்லுாரி ஆசிரியர்கள் விண்ணப்பிக்க இயலாது. விவரங்களை, https://cdn.bu.ac.in6768т இணையதளத்தில் பார்க்கலாம். விண்ணப்பங்களை அக். 5ம் தேதிக்குள் சமர்ப்பிக்க வேண்டும்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
டாபிக்ஸ்