Crime : திக் திக்.. தங்கையின் மஞ்சள் நீராட்டு விழா.. சிறுநீர் கழிக்க சென்ற அண்ணன்.. கடைசியில் நடந்த விபரீதம்!

ஊத்தங்கரை அருகே தங்கையின் மஞ்சள் நீராட்டு விழாவுக்கு பந்தல் அமைத்தபோது மின்சாரம் தாக்கி 10-ம் வகுப்பு மாணவன் பரிதாபமாக உயிரிழந்த சம்பவம் பெரும் சோகத்தை ஏற்படுத்தியுள்ளது.

கிருஷ்ணகிரி மாவட்டம் ஊத்தங்கரை அருகே ஊணாம்பாளையம் எம். ம் ஜி.ஆர். நகர் பின்புறம் உள்ள அருந்ததியர் காலனியை சேர்ந்தவர் சேட்டு. இவர் செங்கல் சூளையில் வேலை செய்து வந்துள்ளார். இவருக்கு பிரவீன் (15) என்ற மகனும், கவிதா (13) என்ற மகளும் இருந்தனர். இவர்களில் பிரவீன் ஊத்தங்கரை அரசு ஆண்கள் மேல்நிலைப் பள்ளியில் 10-ம் வகுப்பு படித்து வந்தான்.

இந்தநிலையில் சேட்டுவின் மகள் கவிதாவின் மஞ்சள் நீராட்டு விழா நேற்று நடை பெறுவதாக இருந்தது. இதற்காக அவரது வீட்டு முன்பு பந்தல் அமைக்கும் பணி நடைபெற்றது. இதையொட்டி பந்தலில் அலங்கார விளக்குகளும் பொருத்தப்பட்டு இருந்தன. இந்த நிலையில் மாணவன் பிரவீன், பந்தலுக்கு பின்புறம் சிறுநீர் கழிக்க சென்றுள்ளான்.

அப்போது பந்தலில் கட்டி இருந்த விளக்கு அருகே சென்ற போது அதில் இருந்து எதிர்பாராதவிதமாக சிறுவன் மீது மின்சாரம் பாய்ந் துள்ளது. இதில் தூக்கி வீசப்பட்ட மாணவன் சம்பவ இடத்திலேயே பரிதாபமாக இறந்தான். இதனால் அந்த மஞ்சள் நீராட்டு விழா நிறுத்தப்பட்ட நிலையில் அந்த குடும்பத்தினர் சோகத்தில் மூழ்கினர்.

இந்த சம்பவம் குறித்து அறிந்த ஊத்தங்கரை போலீசார் சம்பவ இடத்திற்கு விரைந்து வந்து மாணவனின் உடலை கைப்பற்றி பிரேத பரிசோதனைக்காக ஊத்தங்கரை அரசு மருத்துவமனைக்கு அனுப்பி வைத்தனர். இந்த சம்பவம் தொடர்பாக போலீசார் வழக்குப்பதிவு செய்து விசாரணை நடத்தி வருகின்றனர். தங்கையின் மஞ்சள் நீராட்டு விழாவுக்கு பந்தல் அமைத்தபோது மின்சாரம் தாக்கி அண்ணன் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.