US Open: இரட்டையர் பிரிவில் அரையிறுதிக்கு தகுதி பெற்ற போப்பண்ணா ஜோடி

அமெரிக்க ஓபன் டென்னிஸ் தொடர் நியூயார்க் நகரில் நடைபெற்று வருகிறது. இதில் நடைபெற்ற ஆண்கள் இரட்டையர் பிரிவின் காலிறுதி ஆட்டத்தில் இந்தியாவின் போபண்ணா - ஆஸ்திரேலியாவின் மேத்யூ எம்டன் ஜோடி, அமெரிக்காவின் நதானியேல் லாம்மன்ஸ் - ஜாக்சன் வித்ரோ ஜோடியை எதிர்கொண்டது.

இந்த தொடரில் சிறப்பான ஆட்டத்தை வெளிப்படுத்தி வந்த போப்பண்ணா ஜோடி, இந்த போட்டியிலும் அதை தொடர்ந்தது. ஆனால் அமெரிக்க ஜோடி கடும் நெருக்கடி அளித்த நிலையில் முதல் செட்டை போப்பண்ணா ஜோடி 7-6 என கைப்பற்றியது. இதன் பின்னர் அதே வேகத்தில் இரண்டாவது செட்டையும் 6-1 என்ற கணக்கில் வென்றது. இதனால் நேர் செட் கணக்கில் அமெரிக்கா ஜோடியை வீழ்த்தி அரையிறுதிக்கு தகுதி பெற்றது.

இதையடுத்து அரையிறுதி போட்டியில் பிரான்ஸ் நாட்டை சேர்ந்த நிக்கோலஸ் மஹத் - ஹியூஸ் ஹெர்பர்ட் ஜோடியை, போப்பண்ணா ஜோடி எதிர்கொள்ளவுள்ளது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9