TNPL Most Sixes: நடப்பு சீசன் டிஎன்பிஎல்-இல் அதிக சிக்ஸர்களை விளாசிய டாப் 5 வீரர்கள்
Jun 27, 2023, 06:05 AM IST
Share
Tamilnadu Premier League: ஒரு சிக்ஸர் ரசிகரின் தலையை பதம் பார்த்தது. ஆனால், அந்த ரசிகரோ சிகிச்சை முடித்த கையோடு அடுத்த மேட்ச்சையும் அதே இடத்தில் அமர்ந்து பார்த்தார்.
ஐபிஎல் கிரிக்கெட்டுக்கு சற்றும் குறையாக விறுவிறுப்புடன் தமிழக அளவில் நடந்து வரும் போட்டி டிஎன்பிஎல்.
இந்தப் போட்டியில் பல இளம் திறமையாளர்கள் அடையாளம் காணப்படுகிறார்கள். இப்போட்டியைக் காண ரசிகர்களும் அணிவகுத்து நிற்கின்றனர்.
சுவாரசியத்திற்கு சிறிதும் குறைவில்லாத டிஎன்பிஎல் போட்டியில் ஐபிஎல் போன்றே சிக்ஸர்களை வீரர்கள் விளாசுகின்றனர்.
இதனால் ரசிகர்கள் குஷியாகி கொண்டாட்டத்தில் ஈடுபடுகின்றனர். ஒரு சிக்ஸர் ரசிகரின் தலையை பதம் பார்த்தது. ஆனால், அந்த ரசிகரோ சிகிச்சை முடித்த கையோடு அடுத்த மேட்ச்சையும் அதே இடத்தில் அமர்ந்து பார்த்தார்.
அத்துடன் சிக்ஸர் வேண்டும் என்ற பதாகையையும் கையில் வைத்திருந்தார்.
அவரை போன்ற சிக்ஸர் ரசிகர்களை தங்களது அதிரடி சிக்ஸர்களால் இந்த சீசனில் இதுவரை பரவசப்படுத்திய டாப் 5 வீரர்கள் யார் யார் என பார்ப்போம்.
பாபா அபராஜித்
இந்த லிஸ்ட்டில் முதலிடத்தில் இருப்பவர் சேப்பாக் சூப்பர் கில்லீஸ் கேப்டன் பாபா அபராஜித்.
இவர் 5 ஆட்டங்களில் விளையாடி 18 சிக்ஸர்களை இதுவரை விளாசியிருக்கிறார். 11 ஃபோர்ஸையும் பதிவு செய்துள்ளார். 2 அரை சதங்கள் அடித்திருக்கிறார். மொத்தம் 240 ரன்களை குவித்துள்ளார்.
சாய் சுதர்ஷன்
கோவை அணியில் இடம்பிடித்துள்ள சாய் சுதர்ஷன், திறமையாக விளையாடி வருகிறார். இதுவரை 5 ஆட்டங்களில் விளையாடியுள்ள அவர், 13 சிக்ஸர்களை பறக்கவிட்டிருக்கிறார். ஃபோர்ஸை பொறுத்தவரை 33 விரட்டியிருக்கிறார்.
அதிக ஃபோர்ஸ் அடித்த வீரர் சாய் சுதர்ஷன் தான். இவர் மொத்தம் 330 ரன்கள் குவித்து டாப் ஸ்கோரராக உள்ளார்.
ஜி.அஜிதேஷ்
நெல்லை ராயல் கிங்ஸ் அணியில் இடம்பிடித்துள்ள அஜிதேஷ் 5 ஆட்டங்களில் விளையாடி, 10 சிக்ஸர்களையும், 16 ஃபோர்ஸையும் விளாசியிருக்கிறார்.
ஷிவம் சிங்
திண்டுக்கல் அணி வீரரான ஷிவம் சிங், 4 ஆட்டங்களில் விளையாடி 10 சிக்ஸர்களையும் 11 ஃபோர்ஸையும் விரட்டியிருக்கிறார்.
முகமது அட்னன் கான்
சேலம் அணி வீரரான இவர், 4 ஆட்டங்களில் விளையாடி 7 சிக்ஸர்களை பறக்கவிட்டிருக்கிறார். இதுவரை 69 ரன்களை எடுத்துள்ளார்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்