TNPL Match Preview: ஒரேயொரு வாய்ப்புதான் - ஒரே வெற்றி பெற்ற சேலம் அணிக்கு எதிராக திருப்பூருக்கு நாக்அவுட்

டிஎன்பிஎல் 2023 கிரிக்கெட் தொடர் ஒரு நாள் இடைவெளிக்கு பிறகு இன்று நடைபெறுகிறது. கோவை, திண்டுக்கல், சேலம் ஆகிய மைதானங்களை தொடர்ந்து திருநெல்வேலி மைதானத்தில் இன்று முதல் வரும் 5ஆம் தேதி வரையிலான போட்டிகள் நடைபெறவுள்ளன.

இதையடுத்து இன்றைய நாளில் திருநெல்வேலியில் இரண்டு போட்டிகள் நடைபெறுகின்றன. திருநெல்வேலியிலுள்ள இந்தியா சிமெண்ட்ஸ் மைதானத்தில் மாலை 3.15 மணிக்கு தொடங்கும் முதல் போட்டியில் ஐட்ரீம்ஸ் திருப்பூர் - சேலம் ஸ்பார்ட்ன்ஸ் அணிகள் மோதுகின்றன.

இந்த சீசனின் 22வது போட்டியான இதில் திருப்பூர் அணி தோல்வியை பெறும்பட்சத்தில் ப்ளேஆஃப் வாய்ப்பை இழக்க நேரிடலாம். எனவே அந்த அணிக்கு மிகவும் முக்கியமான போட்டியாகவும், காட்டாய வெற்றியை பெற்றாக வேண்டும் என்ற நிலையிலும் களமிறங்குகிறது.

இந்த இரு அணிகளும் தங்களது கடைசி போட்டியில் தோல்வியை தழுவியுள்ளன. அத்துடன் இதுவரை 5 முறை நேருக்கு நேர் மோதிக்கொண்டதில் திருப்பூர் அணி ஒரேயொரு முறை மட்டுமே வெற்றியை பதிவு செய்துள்ளது.

திருப்பூர் அணியில் நட்சத்திர வீரர்களாக சாய் கிஷோர், விஜய் ஷங்கர் ஆகியோர் உள்ளனர். அதேபோல் இந்த சீசனில் பெரிதும் ஜொலிக்காத சேலம் அணியில் ஐபிஎல், சர்வதேச போட்டிகளில் அனுபவம் பெற்ற வீரர்கள் என யாரும் இல்லை.

இரு அணிகளும் இந்த சீசனில் விளையாடிய 5 போட்டிகளில் 2 வெற்றியை திருப்பூர் அணியும், ஒரு வெற்றியை சேலம் அணியும் பதிவு செய்துள்ளது. எனவே திருப்பூருக்கு மிகவும் முக்கியமான ஆட்டமாக இந்த போட்டி அமைந்திருப்பதோடு, வெற்றி பெற்றால் மட்டுமே ப்ளேஆஃப் வாய்ப்பை தக்க வைத்து கொள்ளலாம்.

அதேநேரத்தில் தோல்வியடையும் பட்சத்தில் ப்ளேஆஃப் வாய்ப்பை இழக்க நேரிடும் என்பதால், திருப்பூருக்கு இன்றைய போட்டி நாக்அவுட்டாக அமைகிறது.

இந்த போட்டியை ஸ்டார்ஸ்போர்ஸ் தமிழ் டிவியில் கண்டு ரசிக்கலாம். அதேபோல் Fancode என்ற செயலியில் ஆன்லைனில் ஸ்டீரிமிங் செய்து கொள்ளலாம்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9