Tilak Varma: தொடர்ந்து சொதப்பும் பேட்ஸ்மேன்கள்; தூக்கி சுமக்கும் திலக் வர்மா.. அரைசதம் அசத்தல்!

வெஸ்ட் இண்டீஸ் சுற்றுப்பயணம் மேற்கொண்டுள்ள இந்திய கிரிக்கெட் அணி, அங்கு டெஸ்ட், ஒருநாள், டி20 தொடர்களில் பங்கேற்று வருகிறது. டெஸ்ட், ஒருநாள் தொடரை இந்திய அணி கைப்பற்றிய நிலையில், 5 போட்டிகளை கொண்ட டி20 தொடரில் பங்கேற்று வருகிறது.

முதல் டி20 போட்டியில் தோல்வியை தழுவிய இந்திய அணி, இரண்டாவது டி20 போட்டியில் முதலில் பேட்டிங் செய்தது. துவக்கவீரர் சுப்மன் கில் 7 ரன்னிலும், சூர்யகுமார் யாதவ் 1 ரன்னிலும் ஆட்டமிழக்க, இஷான் கிஷான் உடன் திலக் வர்மா ஜோடி சேர்ந்தார். இந்த ஜோடி அதிரடியாக விளையாடிய நிலையல், சிக்ஸருடன் 27 ரன்னில் இஷான் கிஷான் ஆட்டமிழந்தார்.

பின்னர் ஹர்திக் பாண்டியா உடன் ஜோடி சேர்ந்த திலக் வர்மா, அதிரடியாக ஆடினார். கடந்த போட்டியில் அரைசதம் அடிக்கும் வாய்ப்பை இழந்த அவர், இன்றைய போட்டியில் அதிரடியாக ஆடி அரை சதம் கடந்தார்.

இது அவருடைய சர்வதேச போட்டியில் முதல் அரைசதம் ஆகும். தொடர்ந்து சிறப்பாக ஆடி அவர், சிக்ஸர் அடிக்க ஆசைப்பட்டு அகீல் ஹொசெய்னா பந்தில் ஓபெட் மெக்காயிடம் கேட்ச் கொடுத்து ஆட்டமிழந்தார்.

41 பந்துகளை சந்தித்த திலக் வர்மா, 41 பந்துகளில் 51 ரன்கள் எடுத்திருந்தார். இதில் 5 பவுண்டரிகளும், 1 சிக்ஸரும் அடங்கும். கடந்த இரு போட்டிகளில் இந்தியாவின் முன்னணி பேட்ஸ்மேன்கள் சொதப்பி வரும் நிலையில், அறிமுக வீரர் திலக் வர்மா, தன்னுடைய அதிரடி ஆட்டத்தால் கவனம் ஈர்த்துள்ளார். அவருடைய ஸ்ட்ரைக் ரேட் 124.39 ஆக உள்ளது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், ஆன்மிகம், புகைப்பட கேலரி, வெப் ஸ்டோரி, வேலைவாய்ப்பு தகவல்கள், சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.