India’s squad for T20I: அகர்கரின் தேர்வு எப்படி?-வெஸ்ட் இண்டீஸ் தொடருக்கான டி20 இந்திய அணி அறிவிப்பு

மேற்கிந்திய தீவுகளுக்கு எதிரான டி20 தொடருக்கான இந்திய அணி அறிவிக்கப்பட்டுள்ளது. அஜித் அகர்கர் தலைமையிலான தேர்வுக் குழு இந்த டீமை தேர்வு செய்துள்ளது.

வெஸ்ட் இண்டீஸுக்கு எதிராக கரீபியன் தீவுகள் மற்றும் அமெரிக்காவின் புளோரிடாவில் நடைபெறவுள்ள 5 போட்டிகள் கொண்ட டி20 தொடருக்கான இந்திய அணியை சீனியர் மென்ஸ் தேர்வுக் குழு புதன்கிழமை தேர்வு செய்தது.

இதுதொடர்பாக பிசிசிஐ ட்விட்டரில் வெளியிட்ட பதிவில் கூறப்பட்டுள்ளதாவது:

ஆல்-ரவுண்டர் ஹர்திக் பாண்டியா கேப்டனாக நியமிக்கப்பட்டுள்ளார். துணை கேப்டனாக அதிரடி வீரர் சூர்ய குமார் யாதவ் நியமிக்கப்பட்டுள்ளார்.

இந்திய டி20 அணி விவரம்:

இஷான் கிஷான் (விக்கெட் கீப்பர்), ஷுப்மன் கில், யஷஸ்வி ஜெய்ஸ்வால், திலக் வர்மா, சூர்ய குமார் யாதவ் (துணை கேப்டன்), சஞ்சு சாம்சன் (விக்கெட் கீப்பர்), ஹர்திக் பாண்டியா (கேப்டன்), அக்சர் படேல், யுஸ்வேந்திர சாஹல், குல்தீப் யாதவ், ரவி பிஷ்னோய், அர்ஷ்தீப் சிங், உம்ரான் மாலிக், அவேஷ் கான், முகேஷ் குமார் என்று அந்தப் பதிவில் தெரிவிக்கப்பட்டுள்ளது.

இந்திய கிரிக்கெட் அணி வெஸ்ட் இண்டீஸில் சுற்றுப் பயணம் மேற்கொண்டிருக்கிறது. வரும் 12ம் தேதி அந்நாட்டு அணிக்கு எதிராக டெஸ்ட் தொடரில் விளையாடவுள்ளது.

2 டெஸ்ட், 3 ஒரு நாள், 5 டி20 ஆட்டங்களில் இரு அணிகளும் விளையாடுகின்றன. பார்படாஸில் ரோஹித் சர்மா தலைமையிலான இந்திய அணியினர் பயிற்சியில் ஈடுபட்டு வருகின்றனர். தலைமைப் பயிற்சியாள்ர ராகுல் டிராவிட்டும் அங்கும் தான் இருக்கிறார்.

தற்போது இத்தொடருக்கான டி20 அணி அறிவிக்கப்பட்டுள்ளது.